मत्ती 5の有名な聖句

シェア

मणु दीया बाळी करी टोकरू थलै ढ़की करी ना रखदै पर उच्ची जगह पुर रखदै हिन, ताकि तैस घरा रै सब मणु जो लौ भोआ। तैस तरीकै ही तून्दा स्वभाव भी मणु सामणै खरा भोआ कि सो मणु तून्दै खरै कम्मा जो हेरी करी तून्दै पिता प्रमात्मैं री, जैडा स्वर्गा मन्ज हा तरीफ करन।”

“तुहै ता संसारा री लौ सांईयै हिन; जैडा नगर पहाड़ा पुर बसुरा सो छिपी ना सकदा।

“धन्य हिन सो, जंयारै मन शुद्ध हिन, क्ओकि तियां प्रमात्मां हेरना।”

“धन्य हिन सो जैड़ै धार्मिकता रै भूखै अतै प्यासै हिन, क्ओकि प्रमात्मैं सो तृप्त करनै।”

पर अऊँ तूसु सोगी बलदा, कि अपणै बैरी सोगी प्रेम करा, अतै अपणै सताणै बाळै तांयें प्रार्थना करा।

“धन्य हिन सो, जैड़ै मना रै दीन हिन, क्ओकि स्वर्गा रा राज्य तंयारा ही हा।”

“धन्य हिन सो, जैड़ै मेल-मिलाप करांदै, क्ओकि तियां प्रमात्मैं री औलाद कहलाणा।”

“धन्य हिन सो, जैड़ै शौक करदै हिन, क्ओकि तियां प्रमात्मैं थऊँ शान्ती पाणिआ।”

“धन्य हिन सो, जैड़ै धार्मिकता री वजह थऊँ सताये गान्दै, क्ओकि स्वर्गा रा राज्य तंयारा ही हा।”

“धन्य हिन सो, जैडा दयावान हिन, क्ओकि प्रमात्मैं तियां पुर दया करनिआ।”

“धन्य हिन तुहै, जैहणै मणु मेरी वजह थऊँ तुन्दी बुराई करन, तुसिओ सतान, अतै झूठ बली करी तून्दै वरोधा मन्ज बुरी-बुरी गल्ला बलन। जैहणै तूसु सोगी इआं भोल्ला ता तुहै खुश अतै मगन भुंयैं क्ओकि तूसु तांयें स्वर्गा मन्ज बडा इनाम हा क्ओकि तूसु थऊँ पैहलै जैड़ै भविष्‍यवक्ता थियै तियां सोगी भी इन्‍नै जिन्‍नै मणु रै स्याणै भी इआं ही करूरा थू।”

“धन्य हिन सो, जैड़ै नम्र हिन, क्ओकि तियां धरती रै अधिकारी भूणा।”

“तुहै धरती पुर लूणा सांईयै हिन; पर जे अगर लूणा रा लूणकापन चली गच्छा, ता सो किआं लूणका करना? फिरी ता सो कसी कम्मा रा ना रैहन्दा, सो बाहरा जो फैंकणा अतै मणु सो पैरा थलै दरड़णा।”

ठेरैतांये तुहै भी काबल बणा, जियां तून्दा पिता प्रमात्मां काबल हा।

पर तुन्दी गल्ल हाँ री हाँ, अतै ना री ना मन्ज भोआ क्ओकि जैडा कुछ ऐत थऊँ ज्यादा भुन्दा सो शैतान री तरफा थऊँ भुन्दा।”

“जियां कि मूसा री व्यवस्था इन्दै स्याणै सितै बलुरा थू कि, हाख्री फूटैणै रै बदलै हाख्री, अतै दन्दा भनणैं रै बदलै दन्द। पर अऊँ तूसु सोगी ऐह बलदा, बुराई रा बदला मत लैन्दै; पर जैडा कोई तेरै मुँहा रै सज्जै कनारी थप्पड़ मारा ता तसेरी कनारी दुआ पासा भी फेरी दे।

अगर तेरी सज्जी हाख्र तिजो थऊँ पाप करा, ता तैहा जो नकाळी फैंक; क्ओकि तिजो तांयें ऐह ही खरा हा कि तेरै अंगा थऊँ अक्क अंग भलै ही नाश भूच्ची गच्छा, पर तेरा पुरा शरीर नरका मन्ज ना पाया गच्छा। अतै अगर तेरा सज्जा हत्थ तिजो थऊँ पाप करांदा ता तैसिओ अप्पू थऊँ बडी फैंक, क्ओकि तिजो तांयें ऐह ही खरा, कि तेरै अक्की अंगा रा नूकसान भूच्ची गच्छा पर पुरा शरीर नरका मन्ज ना पाया गच्छा।