John 1の有名な聖句

シェア

Na dodow a wɔgyee no no, ɔmaa hɔn tum dɛ wɔnyɛ Nyankopɔn mba, mekyerɛ hɔn a wɔgye ne dzin dzi no a

Ahyɛse no nna Asɛm no wɔ hɔ, na Asɛm no nye Nyame wɔ hɔ, na Asɛm no ankasa so nye Nyame.

Na kan no hyerɛn wɔ sum mu, na sum no enntum annhyɛ no do.

Na Asɛm no bɛyɛɛ honam, na ɔbɔsoɛɛ hɛn mu, na yehun n’enyimnyam dɛ Egya no ne Ba kortsee no n’enyimnyam a adom nye nokwar ahyɛ no ma.

Wɔnam no do yɛɛ adze nyina na woennkwetsi no annyɛ biribiara a wɔyɛe. No mu na nkwa wɔ, na nkwa no nye nyimpa ne kan.

Na adze kyee no, John hun Jesus dɛ ɔreba ne nkyɛn, na ɔsee dɛ, Hom nhwɛ, Nyankopɔn Eguambaa a oyi wiadze bɔn kɔ no.

Ɔwɔ wiadze, na wɔnam no do yɛɛ wiadze, naaso wiadze ennhu no. Ɔbaa dza ɔyɛ nedze hɔ, naaso hɔn a wɔyɛ nedze no anngye no.

Nokwar kan no a ɔhyerɛn ma nyimpa nyina no na ɔreba wiadze no.

na mbra no dze, wɔnam Moses do dze mae, na adom nye nokwar no dze, ɔnam Jesus Kraest do na ɔbae.