Yohanes 5の有名な聖句

シェア

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Sérén i Yesus si tou itu makawé'kél am bitu, wo kailekan-Na en sakit i tou itu uréo keli wo icua i Yesus a si tou itu, “Masalé' réén ko masama'?”

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna, taan ra'ica kiim iow mai a Yaku e makéré ing katouan akar ing kauré-uré.

Icua i Yesus ai sia, “Tumulungo, angkaieno en tepému wo maya'o.” Asi témpo ituke', si tou itu makala'uso masama', wo angkaienna en tepé patekelan wo sia maya'. Eng kamamualian itu tumena asi endo Sabat, si endo ra'ica toro patawoi é tou Yahudi.

Wo isowat i Yesus ai séra in tana'i, “En ulitna icua-Ku mangé ai camu, Yaku Toyaang i Amang Kasuruan ra'ica toro méma' in sapa-sapa sa asaloke' kumiit ing kasalé'an-Ku in esa. E niéma'-Ku asaloke' sapa sé sinéré-Ku niéma' i Amang-Ku. Ampa'paan sapa sé niéma' i Amang, siituo en émaan i Toyaang.