Génesis 6の有名な聖句

シェア

Tsaymi runata kamashqanpita TAYTA DIOS fiyupa maläyashpan kayno nirqan

TAYTA DIOS rikarqan runakuna pasaypa jutsa ruraylacho kawashqanta. Paykunaqa shonqun munashqanno jutsata ruranalanpaqmi yarpachakäriq.

Noétami itsanqa Tayta Dios kuyaparqan.

Kaychömi qelqaraykan Noé imano kawashqanpis. Runakuna jutsata rurar kawapäkuptinpis Noéqa Tayta Dios munashqannömi kawarqan.

<<¿Imapaqraq kay patsacho runata kamaykarqäpis? Kananqa lapan runakunatami ushakätsishaq. Tsaynöpis lapan uywakunata, pachalanpa, lätaypa puriqkunata y päriqkunatapis ushakätsishaqmi>>.

Kay patsacho runakuna atskaman miraptin warmi tsurinkunapis atskami karqan. Tsaymi Tayta Diospa tsurinkuna rikarqan runakunapa warmi tsurinkuna kuyaylapaq kashqanta. Paykunapitami munashqanta akrapäkurqan warmin kananpaq. Tsawraqa TAYTA DIOS kayno nirqan: <<Manami runakuna imayyaqpis kawanqatsu. Paykunaqa ushakaqlami kaykan. Tsaymi imayyaqpis kawananpa trukanqa pachak ishkay chunka (120) watalana kawapäkunqa>>. Diospa tsurinkunawan runakunapa warmi tsurinkuna tashqan witsanmi jatusaq runakuna kay patsacho kawapäkurqan. Tsay unay runakunami pasaypa mentädu y kalpasapa kapäkurqan.

Tsaymi Tayta Dios nishqannöla lapanta Noé rurarqan.

<<Kay patsacho lapan runakunatami ushakätsishaq. Paykunami jutsayuq karkaykan kay patsacho wanutsinakuy kananpaq. Tsayno kashqanpitami kay patsacho kaqkunata chipyaq ushakätsishaq.

<<Tsayno kananpaq kaykaptinqa atska cuartuyuq jatunkaray arcata weqiyuq qerupita ruray. Yaku mana yaykunanpaq uchkunkunata jananpa y rurinpa breawan lutanki.

Maytsaychöpis runakuna jutsata ruralar kawaqta rikarmi Noéta Tayta Dios kayno nirqan

Tsaynöpis arcaman yaykatsinki kay patsacho kaq tukuy niraq uywakunata chinan orquta, qamkuna salvakushqaykino paykunapis salvakärinanpaq.