Génesis 17の有名な聖句

シェア

Abram isqun chunka isqun (99) watayuq kaykaptinmi TAYTA DIOS yuriparkur kayno nirqan: <<Noqami kaykä El-Shaddai. Nishqäkunata cäsukur jutsata mana ruraypa imaypis kaway.

Kananpitaqa manami Abramnatsu jutiki kanqa, sinöqa Abrahamnami. Tsayno jutiki kanqa atska nación runakunapa taytan kanaykipaq churashqa kaptïmi.

<<Kay pactuqa manami qamlapaqtsu kanqa, sinöqa tsurikikunapaq, wilkaykikunapaq, wilkaykikunapa tsurinkunapaq y paykunapita mas miraqkunapaqwanmi. Kay pactutaqa imayyaqpis cumplishaqmi. Qampa Diosniki kashqänömi qampita miraqkunapapis Diosnin kashaq.

<<Pactu rurashqäta cumplirmi churashayki atska nación runakunapa taytan kanaykipaq.

Tsayno niptinmi Tayta Dios kayno nirqan: <<Manami Ismaelpaqtsu niykä, sinöqa warmiki Saracho yurinanpaq kaq tsurikipaqmi. Tsay tsurikipa jutinmi kanqa Isaac. Pactu rurashqäqa Isaacpaq y paypita miraqkunapaqmi imayyaqpis kanqa.

Qorpanöla taykashqayki Canaáncho kaq markakunatami qoykushayki. Tsaynölami qampita miraqkunata qoykushaq imayyaqpis tsaycho tänanpaq. Qampita miraqkunapa Diosninmi imayyaqpis kaykäshaq>>.

Tayta Dios tsayno niptinmi Abraham yapay lätakuykur shonqulancho asikushpan kayno nirqan: <<Pachak (100) watayuq kaykarnaqa ¿imanöpataq tsuriyuq käman? Warmï Sarapis isqun chunka (90) watayuqna kaykarqa ¡imanöpanataq wawayuq kanman!>>

Tsaypitanami Tayta Dios Abrahamta kayno nirqan: <<Kananpitaqa warmikipa jutin manami Sarainatsu kanqa, sinöqa Saranami.

Señalakushpayki pishqu puntaykipa qaranta kutsukärinki. Tsayno señalakurmi pactu rurashqäta chaskipäkunki.

Pactu rurashqämi itsanqa Saracho yuriq tsuriki Isaacpaq kanqa. Watan kananno witsanqa wawayuqnami Sara kaykanqa>>.

Kananpitaqa olqu yuriq kaqta pusaq junaqniyuqlata pishquncho señalapäkunki. Makikicho yuriqkunata y juk lädu nacionpita ashmaynikipaq rantishqayki runakunatapis tsaynöla señalapäkunki. Pactu rurashqäta imaypis yarpänaykipaq lapayki mana qonqaypa señalakärinki.