Jon 14の有名な聖句

シェア

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Izek Ye̱su̱ demezyak waginnek ne, “Ma anyikku zi̱nze̱tti̱ cuggo̱k ku̱u̱ce̱t, abarik aartik zi̱nze̱tti̱ Ta̱mu̱ta̱dde̱n, kar bo̱do̱k aartik zi̱nze̱tti̱ annita.

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Ming a̱gga̱m e̱e̱ti̱ zoz cinanni, kar zin bo̱do̱k kuzute lo̱ti̱nno̱k ne̱ke̱, ireza e̱e̱ti̱ neci annita. Irez atin Baba e̱e̱t neci ireza annit ke̱, kar zin bo̱do̱k anna kirez nonno kar zin ki̱ye̱le̱k ele ka̱gga̱wa̱n.”

Ka̱jji̱nni̱ atin anna Baba kar ka̱a̱nyu̱ng De̱me̱zo̱i̱t kar ka̱vvu̱ ki i̱ge̱t udut. Een zin neci Vongiz wa een de̱de̱. Iróng zin ol cik lo̱o̱tu̱ elemi nonno eci nege iróng acin icima a̱gga̱ nonno. A̱gga̱yyu̱ zin abarik niga nonno ma̱rri̱t ming abakku bu̱k, kar zin atin ka̱vvu̱ zi̱nze̱tti̱nne̱ cuggo̱k.”

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱. Ming a̱jji̱nnu̱ gi̱i̱ imma zare cigannik, ka̱a̱nyu̱ng anna.”

Izek zin bo̱do̱k Ye̱su̱ nogo ne, “Ming irezang niga annit, elemnyyu zoz ci ka̱du̱wa̱ anna.

Anyak o̱rge̱ ci Baba ce̱e̱zi̱ cik meelek, wo̱ye̱ da̱ ming ki̱zze̱c ce̱e̱zi̱ ne̱ke̱ to, ku̱du̱wa̱kku̱ng wo̱ye̱ da̱. Kokko anna kadimanekkung nginti aavtiyyu.

Ming kuwa kidimanneung lo̱o̱c, koboda atin abunna ming kokko kokkoyyung bu̱k, kar niga bu̱k abait ngati kabahe anna.

A̱nne̱k Tomasi Ye̱su̱ ne, “Manyi iróng ka̱gga̱yya̱ nginti okkoye i̱nna̱ ko̱, ka̱gga̱yya̱ wo̱ye̱ gool ku̱?”