Génesis 39の有名な聖句

シェア

Ichaqa Tayta Diosmi Joseywan karqa, chaynapim payqa Egipto nacionniyuq patronninpa wasinpi yachaspa ima ruwasqanpipas allin lloqsirqa.

Tukuy kapuqninta Joseyman saqeykuspanmi Potifarqa manaña imamantapas preocupakurqañachu, aswanqa mikunallanmantañam. Joseyqa allin rikchayniyuq kuyapa jovenmi karqa.

Chaymi carcelpi kamachikuqqa llapallan presokunata Joseyman kunaykurqa nanachikunanpaq, hinaptinmi payña presokunata kamachirqa.

Hinaspanmi Joseyta presocharuspan reypa presonkunapa kasqan carcelman churarurqa. Ichaqa Tayta Diosmi Joseywan karqa hinaspam kuyapayarqa, carcelpi kamachikuqwanpas allinpaqmi qawachirqa.

Chaykunapa qepantam patronninpa warminqa Joseyta munapayaspan nirqa: Ñoqawan puñuy, nispa. Joseyñataqmi mana munaspan patronanta nirqa: Patronniyqa wasinpi tukuy ima kaqkunatam ñoqaman saqeykuwan, chaynapim payqa manaña imamantapas preocupakunñachu. Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

Huk punchawmi Joseyqa wasi allichaq yaykurqa, wasipiqa manam pipas karqachu. Hinaptinmi Joseypa pachanmanta hapikuruspa chay warmi hikutaspa kaynata nirqa: ¡Hamuy puñusun! nispa. Joseymi ichaqa hawaman lluptikaramurqa, warmipa makinpi pachanta saqeramuspa.