LUCAS 23の有名な聖句

シェア

Kag si Jesus nagsiling, “Amay, patawara sila; kay wala sila makahibalo sang ila ginahimo.” Kag nagpapalad sila sa pagbahinbahin sang iya mga panapton.

Kag nagsabat sia sa iya, “Sa pagkamatuud, nagasiling ako sa imo, karon nga adlaw manginkaupud ka nakon sa Paraiso.”

Kag nagsiling sia, “Jesus, dumduma ako kon magsulud ka sa imo ginharian.”

Niyan si Jesus, nga nagasinggit sa mabaskug nga tingug, nagsiling, “Amay, sa imo mga kamut ginatugyan ko ang akon espiritu!” Kag sang nakasiling sini nahunus ang iya ginhawa.

Kag sang nag-abut sila sa duug nga ginatawag Ang Bagol, didto ginlansang nila sia sa cruz, kag ang mga malauton, ang isa sa too kag ang isa sa wala.

Mga ikan-um na nga takna sadto, kag may kadudulman sa bug-os nga duta tubtub sa ikasiam nga takna, samtang ang adlaw nagadulum; kag ang kumbung sang templo napihak sa tunga.

Karon sang nakita sang capitan ang nahanabu, ginhimaya niya ang Dios, nga nagasiling, “Totoo gid nga ini matarung nga tawo!”