Йохан 1の有名な聖句

シェア

Седклдән орулсн әмтнд, Бийднь итксн әмтнд Бурхна үрдүд болх зөв Тер өгв.

Орчлң үүдхәс урд Үг бәәҗ. Үг Бурхнла негн бәәҗ. Үг Бурхн бәәҗ.

Герл харңһуд гилвкнә. Харңһу терүг диилсн уга.

Үг күн болҗ, мадн дунд бүүрлҗ. Эн Үг маднд чилшго хәәрлтиг, Бурхна туск үнниг үзүлв. Эцкиннь һанцхн көвүн болҗ Эцкәс авсн Терүнә йосиг бидн лавта үзвидн.

Цугнь Үгәр дамҗҗ үүдәгдҗ. Терүг угаһар юмн үүдсмн уга бәәҗ. Цуг үүдәсн юмн Үглә нииләд җирһҗ. Җирһл күмни герл бәәҗ.

Маңһдуртнь Йохан өөрдҗ йовх Исусиг үзәд: – Хәләтн, Эн әмтнә килнц уга кедг Бурхна хурһн.

Үг орчлңд бәәҗ. Терүгәр дамҗҗ үүдсн орчлң Бийнь таньсн уга Эврә һазрур ирҗ. Эврә әмтн терүг седклдән орулсн уга.

Үг гисн йосн герл мөн. Герл орчлңд ирәд күмн-әмтнд тусҗ герлтүлнә.

Бурхн Мошеһар дамҗад зака өглә, зуг хәәрлт болн үн Исус Христосар дамҗҗ үзүллә.