sēnt lok 6の有名な聖句

シェア

mēkik, ēkosi ki ka miyikawināwāw; ē moskinēk mitoni tipaikan, ē mamākonamihk, ē asanipayitāhk, ē pasicipayik, ki ka miyikowāwak ayisiyiniwak. cikēmā anima tipaikan kē apacitayēk ēwakwanima kē apacitahk kiyawāw ohci.

ē miywātisit ayisiyiniw kā isi miyo wēyotaniyik otēh nokotaw anima kā miywāsiniyik; ēkosi mina ē macāyiwit ayisiyiniw kā isi maci wēyotaniyik otēh nokotow anima kā macayiwaniyik: wiya kā isi wēyoci ayāyik otēhihk isi pikiskwēmakaniyiw oton.

māka sākihihkok kā pakwātikoyēkok, mina miyo totakok, ēkosi awiiwēk, ēkā wikac ē notēyēyitamakēyēk; ēkosi ki tipahamākowiniwāw kita kihcayiwan, ēkosi ki ka otawasimisimikowāw mamawēyas kā ispakēyitākosit; wiya ē kisēwatotawat ka mitawēskiyit mina kā nayētāwātisiyit.

kitimakēyicikēk, tāpiskoc kotāwiwāw kā isi kitimakēyicikēt.

mina ēkāwiya oyasowāsiwēk, ēkosi namawiya ki ka oyasowātikawināwāw: mina ēkāwiya nanipomiwēk, ēkosi namawiya ki ka nanipomikawināwāw: ponēyitamakēk, ēkosi ki ka ponēyitamākawināwāw

māka niya kit itināwāw kā pēhtamēk, sākihikok ki notinākaniwāwak, miyo totākok kā pakwātikoyēkwaw, miyo kiswātikok aniki kā maci kiswātikoyēkwaw, ayamihēstamākok aniki kā maci totākoyēkwaw.

mina kā isi pakosēyimāyēkok ayisiyiniwak kita itotākoyēkwāw, ēkosi kistawāw totakok.

ana mina kā pakamahosk napatē kanowāhk iyinamaw kwēskitē; mina ana kā otinahk kit akwaniwin ēkāwiya miciminamaw kiskotākay. miy kahkiyaw awiyak kā natotamāsk; mina kā otinahk kit ayowinisa ēkāwiya mina natotamaw.

cikēmā ē miyosit mistik namawiya opikitaw maci minisa; mina namawiya maci mistik opikitaw miyo minisa.

cikēmā kā itasit mistik kiskēyitākosiw ē isi minisiwit ohci. wiya mistikominānātikohk ohci namawiya ayisiyiniwak māwaciēwak kihci somina, ahpo okiniwāhtikwahk sominisa.