Lik 13の有名な聖句

シェア

— Fè jefò pou n antre nan pòt jis la. Paske, m'ap di nou sa, anpil moun va seye antre, yo p'ap kapab.

Te gen yon fanm nan sinagòg la ki te malad. Depi dizwitan li te gen yon move lespri sou li ki te fè l rete kokobe. Li pat kapab kanpe dwat menm. Lè Jezi wè l, li rele l, li di li: — Mafi, ou delivre anba enfimite ou la tande.

Jezi lonje men li sou li. Latou, fanm lan kanpe dwat, epi li pran bay Bondye glwa.

Lè sa a, nan moun ki dèyè nèt kounyeya, genyen k'ap pase devan. Nan moun ki devan kounyeya, genyen k'ap rete dèyè.

Mèt kay la gen pou l leve fèmen pòt la. Lè sa a, nou menm n'a deyò. N'a konmanse frape nan pòt la. N'a di: Mèt, Mèt, louvri pou nou! L'a reponn nou: Mwen pa konnen ki bò nou sòti.

Mwen di nou: Non. Men, si nou menm nou pa tounen vin jwenn Bondye, nou tout n'ap peri menm jan an tou.

Men, l'a reponn nou: Mwen di nou, mwen pa konnen ki bò nou sòti. Wete kò nou sou mwen, nou tout k'ap fè sa ki mal.

Jezi di yo: — Ak ki bagay peyi kote Bondye Wa a sanble? Kisa m ta di l sanble ankò? Li tankou yon ti grenn moutad yon nonm pran pou l'al simen nan jaden li. Li pouse, li vin yon pyebwa. Se konsa zwazo nan syèl la fè nich nan branch li yo.