यूहन्‍ना 1の有名な聖句

シェア

तर जतिले उहाँलाई ग्रहण गरे र उहाँमाथि विश्‍वास गरे, तिनीहरूलाई उहाँले परमेश्‍वरको सन्‍तान हुने हक दिनुभयो।

सृष्‍टि हुनुभन्दा अघि नै वचन हुनुहुन्‍थ्‍यो। वचन परमेश्‍वरसँग हुनुहुन्‍थ्‍यो र वचन परमेश्‍वर नै हुनुहुन्‍थ्‍यो।

त्‍यो उज्‍यालो अन्‍धकारमा चम्‍कन्‍छ। अन्‍धकारले कहिल्‍यै पनि उज्यालोलाई निभाउन सकेन।

वचन मानिस हुनुभयो र हाम्रो बीचमा बास गर्नुभयो। उहाँ अनुग्रह र सत्‍यले भरिपूर्ण हुनुहुन्‍थ्‍यो। हामीले उहाँको ठूलो महिमा देख्‍यौं। उहाँले पाउनुभएको महिमाचाहिँ पिताको एकमात्र पुत्रलाई सुहाउने महिमा थियो।

वचनद्वारा नै परमेश्‍वरले सबै थोक सृष्‍टि गर्नुभयो। सृष्‍टि भएका कुनै थोक पनि उहाँबिना बनिएन। उहाँमा जीवन थियो र त्‍यही जीवन नै मानिसहरूको उज्‍यालो थियो।

भोलिपल्‍ट येशूलाई आफूतिर आइरहनुभएको देखेर यूहन्‍नाले भने, “हेर, सारा संसारलाई पापबाट छुट्‍कारा दिनुहुने परमेश्‍वरको थुमा!

उहाँ संसारमा हुनुहुन्‍थ्‍यो। संसार उहाँद्वारा नै बनिएको थियो तापनि संसारले उहाँलाई चिनेन। उहाँ आफ्‍नै मानिसहरूकहाँ आउनुभयो, तर ती मानिसहरूले उहाँलाई ग्रहण गरेनन्।

त्‍यो उज्‍यालोचाहिँ संसारमा आई सबै मानिसलाई प्रकाश दिने साँचो उज्‍यालो हुनुहुन्‍छ।

किनभने मोशाबाट हामीले व्यवस्था पाएका थियौं, तर येशू ख्रीष्‍टद्वारा हामीले परमेश्‍वरको अनुग्रह र सत्‍यता पाएका छौं।