RAPHA HIQWA LAK 15の有名な聖句

シェア

Kiimaq Abram raq TATIWE ma kamto. Kiimaq kra ningkhan TATIWE ka apaiq ma khoqriiqto. Raüta apaiq ka taoto.

Arjai maq, Abram raq riisham mak maq chhito kiimaq TATIWE raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

Raüta TATIWE raq apaiq ka kinphai na sheahoto. Raüta akha nguto, “Ra nü na liilaq. Laüta raiqsaiq diimtlaq kra awea riitlang liita; ümsaü ümsetiim phong ka kra raiqsaiq diimtlaq kiikha miraq.”

Kiijiishe TATIWE raq hali apaiq ma bom chongkuqtlaq kra taito: “Ara ümdise Eliejar riika ümtachong hupsam ka laplot mak; ümse shaq riili ümtachong hupsam ka milap wan.”

Kiijiishe TATIWE raq apaiq ma akha nguto, “Ümsaü ümsetiim ka pong mung na wanshawe ma mija wan. Kiimaq tsangshiq ka kra mung na dikong ma mitiija. Kiimaq tsangshiq ka maiq raq rawii shiblai na saüli hok maq nishishi pinthum mitiichamchao wan.

Shatmaq Abram raq treto, “TATI Rakaü Hiqwe lei, ümniiraq poksi kuqtlaü ka ngi ma jamliip wa miraq, isetiim ri ahü? Ngi tachong hupsam lap wanti ka Damaskas hiqti Eliejar sitlaq kli kata.

Kiijiishetiq kra akhing na kiijaq TATIWE raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.

Ümsaü ümsetiim ka armung arjaq mijang wan shaq liipan na maiqpat ka patblai mithum. Jamkhano ngukla Amoraiqnok ngarai ka aman she, pinthum bihea she, tsangshiq ma imo tiiho akhing mihong shaq wiiwii ka, Ngi raq tsangshiq ka armung wa jobaiq mang mirha.”