Yohana 1の有名な聖句

シェア

Alīyo pye abo bakūng'wanukūla na kūlīzunya ī lina lyakwe, akūbinha būdūla bo kūbiza baana ba ng'wa Mulungu

Kūfuma ha wandījo walīho Mhayo; nang'hwe ū Mhayo walī hamò na Mulungu; nīyo ū Mhayo ng'wenūyo olī Mulungu.

Ī lisana līkwaakaga mu giiti, nīyo ī giiti shitūdūla ū kūlīheeba!

Ū Mhayo akabiza munhū, wigasha hamò nise. Nī likūjo lyakwe tūūlībona, ikūjo gītī lya Myalwa ūmò wike ūyo afumile kūlī Sīswe, okolile shigongo na ng'hana.

Pyī ī shikolo shubeejiwa mu nzīla yakwe, hama ūlū ni atī wei ni shitabeejiwe nūūlū shimò, ū mu shose īsho shibeejiwe. Ū mulī wei būlīmo būpanga. Ū būpanga wenūbo būlī isana lya banhū.

Kū ntondo yaho ū Yohana ūmona ū Yesu aliza kūlī wei: Ūhaya gīkī, “Nolagi ū Ng'wana wa Ng'holo wa ng'wa Mulungu, ūyo alī mūcha wa shibi sha ba mu sī.

Walī mu sī; nīyo ī sī īkabeejiwa mu nzīla yakwe, alīyo a ba mu sī batang'witegelegije. Akiza kū bakwe, gwike a bakwe batang'wanukūlile.

Ī lisana lya ng'hana, īlo lizaga ū mu sī kūlwa kūng'wakīla būlī munhū.

Nguno ī shilagīlo tūkinhwa mu nzīla ya ng'wa Musa; alīyo ī haha shizile shigongo na būtūngīlīja mu nzīla ya ng'wa Yesu Kilisito.