Mataio 5の有名な聖句

シェア

Hau ha ramepa keba'arana raninai uro ba'anai a'i kehorotina. Ia ihao'auna 'ekanai kehao'auna, ba maearima ikoinai itu aonai haukia ea kebenakia. Taeara neiana ihobonai, emi ea maearima wairakiai tomobawaira tinana, weiana aka namokia tubabai hanona temeiha Hamami kupai hauna temebanamona.

Wai hanona maearima ekia ea. Aiara oeo 'ubinai tebabaina hauna hanona kebuni a'i ketaina.

Aokia timahamaha haukia hanona tenamo, pokina ia hanona Tirama kateihana.

Aka berona timare'a aina mai ti'ako 'ororo aina haukia hanona tenamo, pokina Tirama kehore ekia raona kebabonunakia.

Ia au wai nahinabenimi, emi 'ou haukia katoraona'au ainakia mai weiakia ti'oatanimi haukia paukiai kato bahuba'ari.

“Aokia te'aiaunu haukia hanona tenamo, pokina Tirama ena obia aiarana hanona ia 'eukia.

Baibua akana tibabaina haukia hanona tenamo, pokina Tirama kehore nahunai kebaonakia.

Tihai hai haukia hanona tenamo, pokina Tirama aokia kebataburanakia.

Aka berona tibabaina paunai ti'oatanakia haukia hanona tenamo, pokina Tirama ena obia aiarana hanona ia 'eukia.

Maearima tiaoko'o ainakia haukia hanona tenamo, pokina ia abokiamo Tirama keaoko'o ainakia.

Au muri'uai tuka'a paunai maearima kateaiahunimi mai kate'oatanimi, bai'oi 'abikia ki'a obokia haeai haeai heremiai katehina hanona tonamo. Aomi kenamo mai katoaonamo, pokina kupai hana 'arami rarina. 'Uainai mahabanai haukia temiaho raninai ṉa te'oata aihonakia.

Mamata haukia hanona tenamo, pokina hano e'abi'uai aina hauna katea'ina.

Wai hanona maearima ekia kikimaru. Ia kikimaru ena 'aku'aku ke'akauma raninai, aea keiba'aku'aku mue aiho? Taba baika herekiai ena aka aha'i buonai, kahane'e ahina maearima ahanai kate'ehe hai 'ehe haina.

Ua buonai wai katobero harai ihobona Hamami kupai nemiaho hauna ebero harai 'abana.”

Oi mo emu 'abi, 'E re'a 'E, 'ao Aha'i re'a Aha'i. Taba neiakia waira 'akinai nohinanakia hanona hau ki'a obona herenai timai.

Wai 'abi neiana aba tona e'abi etibaha, ‘Maha 'arana hanona maha, mai nihe 'arana hanona nihe.’ Ia au wai nahinabenimi, maearima ena ki'a 'arana hanona a'i kobamuena. Hau ha mekemu itipana kebo'ana raninai, koke'e banai awarimu abomo kobena.

Mahamu itipana ki'ai nihorotini'o raninai, ko'ipa ahina kone'ena. Hauanimu puana ke'akauma hanona enamo ba haumu maikoina iruba a'i ni'ao 'apua 'ekana aonai a'i mekapo totoni'o marikina. Mai imamu itipana ki'ai nihorotini'o raninai, kokabe hurina kone'ena. Haumu puana hamona ke'akauma hanona enamo ba haumu maikoina iruba a'i ni'ao 'apua 'ekana aonai a'i mekapo totoni'o marikina.