Aepa Gemae 1の有名な聖句

シェア

Huteno Gotiʼa hunoʼaeʼmo, lagaemo vayaʼmo lagaitigana huta alo higetao. Apakaemo solovala anipi noyameleʼmo yagaige kokuʼnate namaleʼmo yagaige yuna afugi yagagafagi afela afugi muki ma mopafi yatenagi huʼa yagaige hugae, huno huʼniye. Inagi Gotiʼa vemo agaiʼagana huno alo huʼniye. Gotiʼa ve kanoʼe a kanoʼeʼmo alo huʼniye.

Gotiʼa alino auleno anatetenoʼaeʼmo, Lanakaemo asole vayaʼmo aitana atagu faesaʼageʼapaeʼmo muki haopalegamo uʼeʼa huʼa maiʼneʼa muki ma mopafi yateʼmo yagaiyo. Solovala anipi noyameleʼmo yagaige kokuʼnapi namaleʼmo yagaige muki mopafiʼmo afaʼa maisaya yateʼmo yagaige hiyo, huno hana paiʼniye.

Akeyaʼvilagamo aepa faiʼniya afinaʼmo Gotiʼa kokuʼnaʼe mopaʼeʼmo afa yatetiʼmo alo huʼniye.

Huʼniyaʼmonanafa mopaʼageʼmo hanege kokuʼnaʼageʼmo hanege huʼnigeno magoke yaʼmo alagi ohaneʼniyaʼmofeʼmo kanale osuʼniye. Muki haopalegamo alopa aniʼmo haneʼnigeno hani huʼniye. Goti Aunemeʼamoʼmo ani alopa aniteʼmo halelinuneno huno haku aige aige huno maiʼniye.

Maiʼnigenoʼaeʼmo Gotiʼa, aeka halo, huno nehigeno aeno ha leʼniye.

Huteno Gotiʼa muki alo huʼniya yaʼaeʼmo agetenoʼaeʼmo alagi alagepa yaʼageʼmo haneʼniye, huno ageʼniye. Hani huteno ko tiʼnigenoʼaeʼmo napa sikisi afinaʼmo afole aiʼniye.

Aeno ha leʼnigeno agetenoʼaeʼmo kanale huʼniye, huno agetenoʼaeʼmo hani hu kavaʼe ha neleya kavaʼeʼmo alino fako huno anateʼniye.

Gotiʼa hunoʼaeʼmo, Nagaemo muki neʼyaʼmo avinaʼamo lanamige yosa alagamo avinaʼamo lanamige huvanagetana muki ani neʼyaʼmo afaʼa negaʼae.

Gotiʼa ha neleya kavafeʼmo felugae, huno agi ateteno hani hu kavafeʼmo haniʼilagae, huno agi ateteno huʼniye. Hani huteno ko tiʼnigenoʼaeʼmo napa vani afinaʼmo afole aiʼniye.

Gotiʼa ina ge huno huʼniye. Folagapi yaʼmoʼa aniʼmo alino fako hugiye.

Ina kava huʼna lanamiteʼnaeʼmo hegafa talili yosamo haitaʼaʼe alagaʼaʼeʼmo muki afu anaganagi yagagafagi namagi huʼna apamuve, huno huʼnigenoʼaeʼmo neʼyaʼapimo haneʼniye. Ani kavaʼmo huno afole aiʼniye.

Huteno Gotiʼa hunoʼaeʼmo, kokuʼnapatiʼmo aeno ha lesiya yaʼmo afole aiteno ko tisiya kavaʼe hani hisiya kavaʼeʼmo alino fako huno anategaiye. Alagena kavaʼmo agesayafeʼmo hanegaiye. Muki kafugamo lekana paige ina afina ma afinaʼmae, huʼa lekana paige hoya afinaʼe avina yaʼmo hakalesaya afinaʼeʼmae huʼa lekana paige alagena kavaʼmo hisayafeʼmo hanege hugiye.

Huteno Gotiʼa hunoʼaeʼmo, Mopamoʼmo kahaumo alino afole aige neʼyaʼmoʼa avina yaʼmo hanesiya neʼyaʼmo afole aige yosamoʼmo alagamo aesigeno ani alagafiʼmo avinaʼamo afole aige hugiye, huno huʼniye. Huʼnigeno ani yaʼamo ago afole aiʼniye.

Ina kava huno folagapi yaʼmo alo huteno anaga aniʼe afelaga aniʼeʼmo alino fako huno maleʼniye.

Kahaugi alu neʼya alu neʼyaʼmo avina yaʼagi alu yosa alu yosamo alagafiʼmo avinaʼagi huno mopaleʼmo afole aiʼnigeno Gotiʼa agetenoʼaeʼmo, kanalene, huno huʼniye.

Gotiʼa lole alopa ha le yatalaʼmo alo huʼniye. Alopa ha le yaʼmoʼa felugamo yagaisigeno aise ha le yaʼmoʼa haniʼilagamo yagaisiyafeʼmo alo huʼniye. Gotiʼa ani kava huno kanefiʼeʼmo alo huʼniye.

Napa tu afinaʼmo hano hutegeno Gotiʼa hunoʼaeʼmo, Kokuʼnaʼmo afeʼalumelaga haneʼniya anifeʼmo uka mago haopalega alika anupa hugenoʼao mopamo hau hino, huno huʼnigeno aniʼmo uno mago haopalegamo haneʼnigeno mopamo afole aiʼniye. Aniʼmo hau huʼniya haopalegaeʼmo Gotiʼa agiʼamo mopae, huno ateʼniye. Inagi aniʼmo uno alino anupa huʼniya haopalegaʼaeʼmo, solovala anine, huno agi ateʼniye. Gotiʼa afole aiʼniya kavaʼmo agetenoʼaeʼmo, Kanale huʼniye, huno huʼniye.

Gotiʼa alino auleno anatenoʼaeʼmo, lapakaemo solovala anipiʼmo maiʼnaya yaʼmogitapamo aita atagu faetapa asole hiyo. Inagi nama anagaʼmogitapamo ma mopafiʼmo aita atagu faetapa asole hiyo, huno hapa paiʼniye.

Gotiʼa hunoʼaeʼmo, Mopamoʼmo afaʼa maisaya yaʼmo alu ya alu yaʼmo alino afole aino apategaiye. Ani yaʼmo yuna afugi nagaloʼyavegi afela afugi huno alino afole aino apategaiye, huno huʼnigeʼa afole aiʼnae.

Huteno Gotiʼa hunoʼaeʼmo, Solovala anipiʼmo alu ya alu yaʼmo afaʼa maisaya yaʼmo maiʼa havaitegae, huno huʼniye. Inagi nama anagaʼmo kokuʼnateʼmo afole aiteʼa halelitata hugae, huno huʼniye.

Gotiʼa afela afugi alu yuna afu alu yuna afugi nagaloʼyavegi yagagafagi huno alo huʼniye. Gotiʼa alo huʼniya yaʼmo apakenoʼaeʼmo, Kanale huʼniye, huno huʼniye.