<div class="version vid564 iso6393nse" data-vid="564" data-iso6393="nse">
 <div class="book bkMRK">
 <div class="chapter ch1" data-usfm="MRK.1">
 <div class="label">1</div><div class="s">U&#373;ilizyi wa Yohane Mbatizi</div><div class="r">(Mt 3:1-12; Lk 3:1-18; Yh 1:19-28)</div><div class="p"> 1Kutatika kwa Uthenga Uweme wa Yesu Kristu, Mwana wa Mulungu. 2 Ngani Malembo a Mneneli Yesaya onena kuti, &#8220;Mulungu ola&#373;ila kuti,</div><div class="q1">&#8216;Nikatume mtumiki wangu pa nthangu panu</div><div class="q2">kuti akawamye mseu wakuti mukapitemo.&#8217;</div><div class="q1"> 3 Lizu ya o&#373;ilikizya mu malambo, kuti,</div><div class="q2">&#8216;Wamyani mseu wakuti akapitemo Leza</div><div class="q2">Lungamikani mseu wakuti azepitemo.&#8217;&#8221;</div><div class="p"> 4Zamene izi zechitika chendi pechifwika Yohane Mbatizi mu malambo, notatika ku&#373;ilizya. Enzouzya &#373;anthu kuti, &#8220;Lekani viipa vanu, mubatiziwe, na kuti Mulungu akulekeleleni ku machimo &#373;anu.&#8221; 5&#372;anthu ofumila mu chalo cha Yudeya na a ku Yelusalemu enzokuya kwake. Wove enze kuti akaulula machimo &#373;awo, yove enzowabatiza mu mumana wa Yolodani. 6Yohane enzovwala vovwala va usako wa ngamila, nomangila muluunda bande wa chikumba. Chakulya chake chenze zombe na uchi wamsanga. 7Muku&#373;ilizya kwake enze kuti, &#8220;Pa vuli pangu pakuza munthu muyakine wamphamvu wopula newo, mwakuti newo nine wosawamila ku&#373;elama no masula myando za nkhwa&#373;ilo zake. 8Newo nukubatizani na manzi, koma yove azekubatizeni na Mzimu Utu&#373;a.&#8221;</div><div class="s">Kubatiziwa na kuyezyewa kwa Yesu</div><div class="r">(Mt 3:13&#8212;4:11; Lk 3:21-22; 4:1-13)</div><div class="p"> 9Paliyopite nsita ikulu Yesu ewela kufumila ku Nazaleti, ku munzi wa ku Galileya, nipo Yohane embatiza mu mumana wa Yolodani. 10Penzofuma mu manzi Yesu ewona Kululu kwekezuka, na Mzimu Utu&#373;a eseluka pa yove ngani nkhunda. 11Tetyo kwimvwika malizu kufumila Kululu kuti, &#8220;Wewo niwe Mwana wangu wotemweka. Nusangalala nawe ngako.&#8221;</div><div class="p"> 12Nsita yamene iyo Mzimu Utu&#373;a etwala Yesu ku malambo. 13Kwechinkhala masiku makumi anai, penzoyezyewa na Satana. Kwenze nyama za msanga, koma angelo enzomuyavya.</div><div class="s">Yesu otatika nchito yake ku Galileya</div><div class="r">(Mt 4:12-22; Lk 4:14,15; 5:1-11)</div><div class="p"> 14Yohane pechipozewa mu ndende, Yesu eluta ku Galileya kuyo&#373;ilizya Uthenga Uweme wa Mulungu. 15Enze kuti, &#8220;Nsita yakwana; Ufumu wa Mulungu uli pafupi. Lekani viipa vanu nochetekela Uthenga Uweme uyu.&#8221;</div><div class="s">Yesu oita okata masa&#373;i anai</div><div class="r">(Mt 4:18-22; Lk 5:1-11)</div><div class="p"> 16Yesu penzoyenda mu mbali mwa Chimumana cha Galileya, ewona &#373;anthu a&#373;ili, Simoni na mkwawo Andeleya, enzopoza makombe pa manzi, pakuti enze okata masa&#373;i. 17Yesu e&#373;auzya kuti, &#8220;Mwewo munikonkhe, nikakusambizyeni kunkhala okata &#373;anthu no&#373;aleta ku Ufumu wa Mulungu.&#8221; 18Pameneapo esiya makombe &#373;awo nomukonkha.</div><div class="p"> 19Pechiyenda patontho Yesu ewona Yakobe na Yohane &#373;ana &#373;a Zebediyo, a&#373;a enze mu ngalawa, enzowamya makombe &#373;awo. 20Nsita yamene iyo yove e&#373;aita. Pameneapo e&#373;asiya mu ngalawa ausu wawo a Zebediyo pamo na &#373;anthu aganyu, nokonkha Yesu.</div><div class="s">Yesu ochizya munthu wokatiwa na chi&#373;anda</div><div class="r">(Lk 4:31-37)</div><div class="p"> 21Wonse a&#373;a eluta ku Kapilinamu. Peifwika nsiku ya Sabata, Yesu elo&#373;a mu kachisi wa Ayuda notatika kusambizya. 22Vosambizya vake venzo&#373;akata mitima ngako &#373;anthu, chikomo chakuti enzosambizya mowonesha ulamulilo, kusiyana na mwenzochitila Asambizyi a Malamulo.</div><div class="p"> 23Mu kachisi wa Ayuda mwala mwilo&#373;a munthu wokatiwa na chi&#373;anda. Ela&#373;ila mo&#373;ilikizya kuti, 24&#8220;Kansi takuifyilani chinji Yesu wa ku Nazaleti? Kansi mwewela kuzoticheneka? Nakuzi&#373;ani, nimwe Mtu&#373;a Mwana wa Mulungu.&#8221; 25Koma Yesu elamulila chi&#373;anda kuti, &#8220;Nkhala chelele, fuma mwa uyu munthu.&#8221; 26Apo chi&#373;anda chala chemusung&#700;uzya ngako wala munthu, nipo che&#373;ilikizya koyofya, nofuma.</div><div class="p"> 27&#372;anthu wonse &#373;ala etatika kula&#373;ila, nokonshana kuti, &#8220;Kansi ichi ni chinji? Kansi ni ma sambizyi alomba! Uyu munthu ali na ulamulilo pa vi&#373;anda nipo vumumvwa chendi.&#8221; 28Mumangu mbili yake yewanda paliponse ku mbali yonse ya ku Galileya.</div><div class="s">Yesu ochizya &#373;anthu anyinji</div><div class="r">(Mt 8:14-17; Lk 4:38-41)</div><div class="p"> 29Pa vuli pake Yesu, pamo na Yakobe na Yohane, efuma mu kachisi wa Ayuda na kuyolo&#373;a mu ng&#700;anda ya Simoni na Andeleya. 30Anyavyala wa Simoni enze lele, enzolwala malungo. Yesu pechifwika &#373;anthu emuuzya za ulwele wawo. 31Yesu eluta no&#373;akata pa kwanja nowausha, nipo malungo &#373;ala esila. Pameneapo wove etatika ku&#373;awamyila chakulya.</div><div class="p"> 32Mchingulo mwamene umo, zu&#373;a peilo&#373;a &#373;anthu wonse na ayawo otamana, na okatiwa na vi&#373;anda ewela kwa Yesu. 33&#372;anthu a mu munzi wonse eunjikana panja pa ng&#700;anda. 34Yesu echizya anyinji enzotamana na malwele wosiyana&#8211;siyana, nipo efumya vi&#373;anda vinyinji. Koma vi&#373;anda vala evilesha kuulula, chikomo chakuti venzomuzi&#373;a.</div><div class="s">Yesu akuyo&#373;ilizya ku Galileya</div><div class="r">(Lk 4:42-44)</div><div class="p"> 35Mu mamawa, kukaliye kucha, Yesu euka noluta kwayeka kusapita&#8211;pita &#373;anthu, kwamene uko elomba. 36Simoni na ayakine echiyomusakila. 37Pechimufwana emuuzya kuti, &#8220;&#372;anthu wonse okusakilani.&#8221;</div><div class="p"> 38Koma yove e&#373;auzya kuti, &#8220;Tiyeni tilute ku minzi iyakine kufupi nakuno, nika&#373;ilizye malizu nako, pakuti niye chenizila.&#8221; 39Tetyo eluta no&#373;ilizya mu makachisi &#373;a Ayuda ku Galileya konse, nipo enzofumya vi&#373;anda.</div><div class="s">Yesu ochizya munthu wa mambombo</div><div class="r">(Mt 8:1-4; Lk 5:12-16)</div><div class="p"> 40Munthu muyakine wa mambombo ewela kwa Yesu. Emufukamila nomusenga. Echiti, &#8220;Mukapangwa munganisuke .&#8221;</div><div class="p"> 41Yesu emchitila chitinthi. Eimya kwanja nomukumya nola&#373;ila kuti, &#8220;Nupangwa, sukiwa!&#8221; 42Pameneapo mambombo &#373;ala esila, nipo esukiwa chendi.</div><div class="p"> 43Lomba Yesu emulamula kuti alute, emuuzya malizu amphamvu. 44Echiti, &#8220;Chenjela, usauzye aliyense za ichi, ingoluta kwa wansembe akakuwone, nipo ukatwale nsembe yechilamula Mose. Yamene iyo inkhale mboni yosimikizya kuti wachila chendi.&#8221; 45Koma wala munthu pechifuma pala eluta notatika ku&#373;ilizya paliponse za nkhani yala, ni chikomo chake Yesu aliyewonekele soti ku &#373;anthu a mu minzi iliyonse. Enzonkhala kuyakine, ku malo kosapita&#8211;pita &#373;anthu, koma &#373;anthu enzokuza mphela kwa yove kufumila ku mbali zinyinji.</div>
 </div>
 </div>
</div>

The Gospel of Mark in Nsenga © Bible Society of Zambia, 2013.

Kutatika kwa Uthenga Uweme wa Yesu Kristu, Mwana wa Mulungu. Ngani Malembo a Mneneli Yesaya onena kuti, “Mulungu olaŵila kuti,
‘Nikatume mtumiki wangu pa nthangu panu
kuti akawamye mseu wakuti mukapitemo.’
Lizu ya oŵilikizya mu malambo, kuti,
‘Wamyani mseu wakuti akapitemo Leza
Lungamikani mseu wakuti azepitemo.’”
Zamene izi zechitika chendi pechifwika Yohane Mbatizi mu malambo, notatika kuŵilizya. Enzouzya ŵanthu kuti, “Lekani viipa vanu, mubatiziwe, na kuti Mulungu akulekeleleni ku machimo ŵanu.” Ŵanthu ofumila mu chalo cha Yudeya na a ku Yelusalemu enzokuya kwake. Wove enze kuti akaulula machimo ŵawo, yove enzowabatiza mu mumana wa Yolodani. Yohane enzovwala vovwala va usako wa ngamila, nomangila muluunda bande wa chikumba. Chakulya chake chenze zombe na uchi wamsanga. Mukuŵilizya kwake enze kuti, “Pa vuli pangu pakuza munthu muyakine wamphamvu wopula newo, mwakuti newo nine wosawamila kuŵelama no masula myando za nkhwaŵilo zake. Newo nukubatizani na manzi, koma yove azekubatizeni na Mzimu Utuŵa.”


Paliyopite nsita ikulu Yesu ewela kufumila ku Nazaleti, ku munzi wa ku Galileya, nipo Yohane embatiza mu mumana wa Yolodani. Penzofuma mu manzi Yesu ewona Kululu kwekezuka, na Mzimu Utuŵa eseluka pa yove ngani nkhunda. Tetyo kwimvwika malizu kufumila Kululu kuti, “Wewo niwe Mwana wangu wotemweka. Nusangalala nawe ngako.”
Nsita yamene iyo Mzimu Utuŵa etwala Yesu ku malambo. Kwechinkhala masiku makumi anai, penzoyezyewa na Satana. Kwenze nyama za msanga, koma angelo enzomuyavya.


Yohane pechipozewa mu ndende, Yesu eluta ku Galileya kuyoŵilizya Uthenga Uweme wa Mulungu. Enze kuti, “Nsita yakwana; Ufumu wa Mulungu uli pafupi. Lekani viipa vanu nochetekela Uthenga Uweme uyu.”


Yesu penzoyenda mu mbali mwa Chimumana cha Galileya, ewona ŵanthu aŵili, Simoni na mkwawo Andeleya, enzopoza makombe pa manzi, pakuti enze okata masaŵi. Yesu eŵauzya kuti, “Mwewo munikonkhe, nikakusambizyeni kunkhala okata ŵanthu noŵaleta ku Ufumu wa Mulungu.” Pameneapo esiya makombe ŵawo nomukonkha.
Pechiyenda patontho Yesu ewona Yakobe na Yohane ŵana ŵa Zebediyo, aŵa enze mu ngalawa, enzowamya makombe ŵawo. Nsita yamene iyo yove eŵaita. Pameneapo eŵasiya mu ngalawa ausu wawo a Zebediyo pamo na ŵanthu aganyu, nokonkha Yesu.


Wonse aŵa eluta ku Kapilinamu. Peifwika nsiku ya Sabata, Yesu eloŵa mu kachisi wa Ayuda notatika kusambizya. Vosambizya vake venzoŵakata mitima ngako ŵanthu, chikomo chakuti enzosambizya mowonesha ulamulilo, kusiyana na mwenzochitila Asambizyi a Malamulo.
Mu kachisi wa Ayuda mwala mwiloŵa munthu wokatiwa na chiŵanda. Elaŵila moŵilikizya kuti, “Kansi takuifyilani chinji Yesu wa ku Nazaleti? Kansi mwewela kuzoticheneka? Nakuziŵani, nimwe Mtuŵa Mwana wa Mulungu.” Koma Yesu elamulila chiŵanda kuti, “Nkhala chelele, fuma mwa uyu munthu.” Apo chiŵanda chala chemusungʼuzya ngako wala munthu, nipo cheŵilikizya koyofya, nofuma.
Ŵanthu wonse ŵala etatika kulaŵila, nokonshana kuti, “Kansi ichi ni chinji? Kansi ni ma sambizyi alomba! Uyu munthu ali na ulamulilo pa viŵanda nipo vumumvwa chendi.” Mumangu mbili yake yewanda paliponse ku mbali yonse ya ku Galileya.


Pa vuli pake Yesu, pamo na Yakobe na Yohane, efuma mu kachisi wa Ayuda na kuyoloŵa mu ngʼanda ya Simoni na Andeleya. Anyavyala wa Simoni enze lele, enzolwala malungo. Yesu pechifwika ŵanthu emuuzya za ulwele wawo. Yesu eluta noŵakata pa kwanja nowausha, nipo malungo ŵala esila. Pameneapo wove etatika kuŵawamyila chakulya.
Mchingulo mwamene umo, zuŵa peiloŵa ŵanthu wonse na ayawo otamana, na okatiwa na viŵanda ewela kwa Yesu. Ŵanthu a mu munzi wonse eunjikana panja pa ngʼanda. Yesu echizya anyinji enzotamana na malwele wosiyana–siyana, nipo efumya viŵanda vinyinji. Koma viŵanda vala evilesha kuulula, chikomo chakuti venzomuziŵa.


Mu mamawa, kukaliye kucha, Yesu euka noluta kwayeka kusapita–pita ŵanthu, kwamene uko elomba. Simoni na ayakine echiyomusakila. Pechimufwana emuuzya kuti, “Ŵanthu wonse okusakilani.”
Koma yove eŵauzya kuti, “Tiyeni tilute ku minzi iyakine kufupi nakuno, nikaŵilizye malizu nako, pakuti niye chenizila.” Tetyo eluta noŵilizya mu makachisi ŵa Ayuda ku Galileya konse, nipo enzofumya viŵanda.


Munthu muyakine wa mambombo ewela kwa Yesu. Emufukamila nomusenga. Echiti, “Mukapangwa munganisuke .”
Yesu emchitila chitinthi. Eimya kwanja nomukumya nolaŵila kuti, “Nupangwa, sukiwa!” Pameneapo mambombo ŵala esila, nipo esukiwa chendi.
Lomba Yesu emulamula kuti alute, emuuzya malizu amphamvu. Echiti, “Chenjela, usauzye aliyense za ichi, ingoluta kwa wansembe akakuwone, nipo ukatwale nsembe yechilamula Mose. Yamene iyo inkhale mboni yosimikizya kuti wachila chendi.” Koma wala munthu pechifuma pala eluta notatika kuŵilizya paliponse za nkhani yala, ni chikomo chake Yesu aliyewonekele soti ku ŵanthu a mu minzi iliyonse. Enzonkhala kuyakine, ku malo kosapita–pita ŵanthu, koma ŵanthu enzokuza mphela kwa yove kufumila ku mbali zinyinji.

聞く Mako 1