Bu (Bauchi State): Bu New Testament (New Testament)

Bu New Testament

<div class="version vid4358 iso6393zbu" data-vid="4358" data-iso6393="zbu">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Mul n&#477; Mi'Gadli tle Toh</div><div class="p"> 1I Yesu te ge' lu dopga ki Yahudawa, mul&#477;n &#599;a al&#477;bi mul toh kitle ki mi'gadli. 2T&#477;n gaki s&#477;mbi shitu ki gopti Yesu &#599;a. I mbal&#477;n yen zid dwa&#599;&#477;n, t&#477;n ndok&#477;l mulisi cin shutwa? 3I Yesu ulmul toh ki tle yisu, &#8220;Pete' ki akina.&#8221; 4I Yesu ulsisu, &#8220;Ambuni t&#477; p&#477;l ze' l&#477;&#595;a ko bez&#477;n l&#477;&#595;a cin shuta? Ti pek&#477;l mul m&#477;shti, ko ti tlota?&#8221; Is d&#477;m shot. 5N&#477;' yasi n&#477; mbadli ki lewi u, ati du mbadli n&#477; &#599;ashti ki mbadlwas&#477;n, i' ul mulisisu, &#8220;Ta' toh wa'te&#599;i.&#8221; Ittakit tye, i toh was pal l&#477;bi. 6N&#477; palisiwa yani n&#477;gu u is peki, Al&#477;bi al&#477;bi is dlil shil&#477;n n&#477; mbal&#477;n ki Hilidus a t&#477;nti, kau u n&#477; si' tlotu.</div><div class="s">Mbal&#477;n Dom ga Di&#595;&#477;li Abi dl&#477;lka</div><div class="p"> 7I Yesu hilya ne' mil kushtiwasi, is za'gatli is l&#477; tya bi dl&#477;lka ki Galili. Mbal&#477;n mi' di&#595;&#477;lti iye ki Galili is b&#477;lti kali. 8N&#477;s kum uln&#477; ti p&#477;lti u, mbal&#477;n is mb&#477; te' Yahudiya n&#477; Ulushalima, n&#477; atl ki Edom, n&#477; te' b&#477; gasi ki dl&#477;lka ki Uldum, n&#477; te'ge luki Taya n&#477; Sidom, bal dopga mb&#477; mati, t&#477;n gaki si' kum uln&#477; ti p&#477;lti u. 9T&#477;n kit&#477;lli' &#595;a mbal&#477;n di&#595;&#477;li gyemti, i ul mil kushtiwassu shak&#477;li n&#477;n kud&#477;l&#477;n ki mali n&#477;m te&#599;i. 10Ti' p&#477;lin n&#477;gu u t&#477;n gaki ta ndok&#477;l mbal&#477;n di&#595;&#477;lli, i laki &#599;a kum mbal&#477;n mi' gonti si shimga te' mati t&#477;n gaki si' t&#477;nti. 11Du mi'gatli, ko an&#477;mi si enti, as nda kinawasi asi lati yali, asi ussu, &#8220;Ki yak&#477;n ki Lya k&#477;n&#477;.&#8221; 12I' dl&#477;misi b&#477;s pi mbal&#477;n ok&#477;nki ti wai.</div><div class="s">Yesu zab&#477;l mbal&#477;n kutl n&#477; Lop</div><div class="p"> 13I' Yesu tot&#477;n z&#477;nga, i' taki gin&#477; ti lyap siyi bi, is l&#477; mati. 14A gesi is zab&#477;l mbal&#477;n kutl n&#477; lop si' d&#477;m neti, t&#477;n gaki ti'go' shi'si asi dl&#477;m shil&#477;n ki Lya, 15I' b&#477;lsi d&#477;lti ki pek&#477;l du mi'gatli. 16Gin&#477;s zab&#477;l siyi k&#477;ngyi, Bitlus, 17N&#477; Yakubu yak&#477;n ki Zabadi, N&#477; yalkewasi Yahaya, i' b&#477;lsi shin Buwanaljis' mil ki ndaltannaca. 18Iki &#599;a&#599;anu i' zab&#477;l Andalawus, n&#477; Pilibus n&#477; Baltamawas, n&#477; Matiyu, n&#477; Toma, n&#477; Yakubu yak&#477;n ki Halpa, n&#477; Taddawus, n&#477; Saminu Bakan'ane, 19N&#477; Yahuza Iskaliyoti gun&#477; b&#477;l Yesu.</div><div class="s">Yesu n&#477; Ba'alzabul</div><div class="p"> 20I Yesu te' libi won, iki i mbal&#477;n dopga &#599;a&#599;anu hal saman &#599;ap ulki &#599;ami wai ti ne' mil kushtiwasi. 21N&#477; yels&#477;n&#477; wasi kumi n&#477; gu u, iki is l&#477; &#599;&#477; goptiti, t&#477;n gaki si usu, &#8220;Ga ag&#477;liti.&#8221; 22Mi' kushti zhil ki Musa g&#477;n&#477; pete' Ulushalima is usu, &#8220;Ba'alzabul k&#477;n tot&#477;nti! N&#477; nd&#477;tl ki guu mi'gatlk&#477;n ti pek&#477;tl mi'gatli.&#8221; 23I Yesu takisibi, i' cimb&#477;lisi i' usu, &#8220;A u k&#477;n ti Sha&#599;an man pek&#477;tl Sha&#599;an? 24In gu' a bwasi a t&#477;n nge yels&#477;ni u, guntu k&#477;n l&#477;' kinawai. 25N&#477;gu in libi a bwasi a t&#477;n nge' yels&#477;ni u, libi u k&#477;n l&#477;' kinawai. 26In shai&#599;an a dlani ga wasu, a bwasi, k&#477;n l&#477;'kinawai, patwas k&#477;nmb&#477;. 27Mul ma' te' ge libi ki mul nd&#477;lti a' em galwasi &#599;awai. In ba' k&#477;ndi mul nd&#477;lti wai u, iki annda yep gal ki libini. 28Bali ami pi'kini n&#477;n paci ko mulu k&#477;n bez&#477;n l&#477;&#595;awasi, n&#477; bez&#477;n shil&#477;n u n&#477;' t&#477;p&#477;li u. 29Gun&#477; a p&#477;li Yalkimbatl ki Lya ki gunti bez&#477;n l&#477;&#595;a u, k&#477;n paci tiwai, n&#477; ngatlti ki d&#477;p l&#477;&#595;a.&#8221; 30Gi &#595;o si usu, &#8220;Du mi'gatli ni'&#599;a.&#8221;</div><div class="s">Dya ki Yesu ne' Yels&#477;niwasi</div><div class="p"> 31Iki dya ki Yesu ne' yels&#477;niwasi is mb&#477;. Is dlil a dla, is ta' shink&#477;n timmb&#477;. 32Dop ga ki mbal&#477;n ki d&#477;mi a malg&#477;n wasi, is ultisu, &#8220;Dya wa' k&#477;ngu n&#477; yels&#477;ni wagi si kauki a dla.&#8221; 33I' gyemsi, &#8220;ki wok&#477;n ki dya ini n&#477; yels&#477;ni ini?&#8221; 34I' ya gin&#477; a malg&#477;n wasi, i' usu, &#8220;Dya ik&#477;ngu n&#477; yels&#477;ni ini! 35Ko mulu k&#477;n p&#477;l uln&#477; Lya &#599;&#477; lyamti u, tiki dya ini n&#477; yels&#477;ni ini, tiki koli ini &#599;a&#599;anu.&#8221;</div>
 </div>
 </div>
</div>

I Yesu te ge' lu dopga ki Yahudawa, mulǝn ɗa alǝbi mul toh kitle ki mi'gadli. Tǝn gaki sǝmbi shitu ki gopti Yesu ɗa. I mbalǝn yen zid dwaɗǝn, tǝn ndokǝl mulisi cin shutwa? I Yesu ulmul toh ki tle yisu, “Pete' ki akina.” I Yesu ulsisu, “Ambuni tǝ pǝl ze' lǝɓa ko bezǝn lǝɓa cin shuta? Ti pekǝl mul mǝshti, ko ti tlota?” Is dǝm shot. Nǝ' yasi nǝ mbadli ki lewi u, ati du mbadli nǝ ɗashti ki mbadlwasǝn, i' ul mulisisu, “Ta' toh wa'teɗi.” Ittakit tye, i toh was pal lǝbi. Nǝ palisiwa yani nǝgu u is peki, Alǝbi alǝbi is dlil shilǝn nǝ mbalǝn ki Hilidus a tǝnti, kau u nǝ si' tlotu.

I Yesu hilya ne' mil kushtiwasi, is za'gatli is lǝ tya bi dlǝlka ki Galili. Mbalǝn mi' diɓǝlti iye ki Galili is bǝlti kali. Nǝs kum ulnǝ ti pǝlti u, mbalǝn is mbǝ te' Yahudiya nǝ Ulushalima, nǝ atl ki Edom, nǝ te' bǝ gasi ki dlǝlka ki Uldum, nǝ te'ge luki Taya nǝ Sidom, bal dopga mbǝ mati, tǝn gaki si' kum ulnǝ ti pǝlti u. Tǝn kitǝlli' ɓa mbalǝn diɓǝli gyemti, i ul mil kushtiwassu shakǝli nǝn kudǝlǝn ki mali nǝm teɗi. Ti' pǝlin nǝgu u tǝn gaki ta ndokǝl mbalǝn diɓǝlli, i laki ɗa kum mbalǝn mi' gonti si shimga te' mati tǝn gaki si' tǝnti. Du mi'gatli, ko anǝmi si enti, as nda kinawasi asi lati yali, asi ussu, “Ki yakǝn ki Lya kǝnǝ.” I' dlǝmisi bǝs pi mbalǝn okǝnki ti wai.

I' Yesu totǝn zǝnga, i' taki ginǝ ti lyap siyi bi, is lǝ mati. A gesi is zabǝl mbalǝn kutl nǝ lop si' dǝm neti, tǝn gaki ti'go' shi'si asi dlǝm shilǝn ki Lya, I' bǝlsi dǝlti ki pekǝl du mi'gatli. Ginǝs zabǝl siyi kǝngyi, Bitlus, Nǝ Yakubu yakǝn ki Zabadi, Nǝ yalkewasi Yahaya, i' bǝlsi shin Buwanaljis' mil ki ndaltannaca. Iki ɗaɗanu i' zabǝl Andalawus, nǝ Pilibus nǝ Baltamawas, nǝ Matiyu, nǝ Toma, nǝ Yakubu yakǝn ki Halpa, nǝ Taddawus, nǝ Saminu Bakan'ane, Nǝ Yahuza Iskaliyoti gunǝ bǝl Yesu.

I Yesu te' libi won, iki i mbalǝn dopga ɗaɗanu hal saman ɗap ulki ɗami wai ti ne' mil kushtiwasi. Nǝ yelsǝnǝ wasi kumi nǝ gu u, iki is lǝ ɗǝ goptiti, tǝn gaki si usu, “Ga agǝliti.” Mi' kushti zhil ki Musa gǝnǝ pete' Ulushalima is usu, “Ba'alzabul kǝn totǝnti! Nǝ ndǝtl ki guu mi'gatlkǝn ti pekǝtl mi'gatli.” I Yesu takisibi, i' cimbǝlisi i' usu, “A u kǝn ti Shaɗan man pekǝtl Shaɗan? In gu' a bwasi a tǝn nge yelsǝni u, guntu kǝn lǝ' kinawai. Nǝgu in libi a bwasi a tǝn nge' yelsǝni u, libi u kǝn lǝ' kinawai. In shaiɗan a dlani ga wasu, a bwasi, kǝn lǝ'kinawai, patwas kǝnmbǝ. Mul ma' te' ge libi ki mul ndǝlti a' em galwasi ɗawai. In ba' kǝndi mul ndǝlti wai u, iki annda yep gal ki libini. Bali ami pi'kini nǝn paci ko mulu kǝn bezǝn lǝɓawasi, nǝ bezǝn shilǝn u nǝ' tǝpǝli u. Gunǝ a pǝli Yalkimbatl ki Lya ki gunti bezǝn lǝɓa u, kǝn paci tiwai, nǝ ngatlti ki dǝp lǝɓa.” Gi ɓo si usu, “Du mi'gatli ni'ɗa.”

Iki dya ki Yesu ne' yelsǝniwasi is mbǝ. Is dlil a dla, is ta' shinkǝn timmbǝ. Dop ga ki mbalǝn ki dǝmi a malgǝn wasi, is ultisu, “Dya wa' kǝngu nǝ yelsǝni wagi si kauki a dla.” I' gyemsi, “ki wokǝn ki dya ini nǝ yelsǝni ini?” I' ya ginǝ a malgǝn wasi, i' usu, “Dya ikǝngu nǝ yelsǝni ini! Ko mulu kǝn pǝl ulnǝ Lya ɗǝ lyamti u, tiki dya ini nǝ yelsǝni ini, tiki koli ini ɗaɗanu.”

聞く Malkus 3