Alis I Ron 2018 NBTT NT Drama

Alis I Ron 2018 NBTT NT NonDrama

<div class="version vid3636 iso6393cla" data-vid="3636" data-iso6393="cla">
 <div class="book bkACT">
 <div class="chapter ch1" data-usfm="ACT.1">
 <div class="label">1</div><div class="s">Yeso ni Dee&#385;we Ma Wa Fati Rin Masapai</div><div class="p"> 1A Tyofilus, kaada i bya' amen, ima i worong yes kyel ama mangga' i shak &#599;amam ima Yeso fur masi hu ima kof shangi tasi bya', 2yes mwen tima si ha'us wa fit. Fa findel manjengi wa kyel fe i ro ames ima yis ben ti bum i Rin Masapai, kaciwa' tisi ha'us wa fit. 3Takfai ti shum ta mot amessi, mas mukonan hure &#595;aras yis kofti haisus wa kyel i som koltifai asussi ta fiselal hyang, ima si ti njeng si kof luk fit ta fiyai. Findelus mangga' i kaitat i Dee&#385;we. 4Myan ima yis &#599;iri akul hu sin, lakus ni, &#8220;Ka hu hon Yerushalima kwa. Shwai hun mal i Deen ima ni ma wa fa su, i laku ti fo amen. 5Jwon mas &#599;ufal batisma ti ham, &#595;urti andi nasi mwashi yes mukonan ndyong si wa masu batisma ti Rin Masapai.&#8221;</div><div class="s">Yeso Humkyel ta Fit</div><div class="p"> 6Myan ima fe i ro ames sin &#599;iri hu Yeso, si lulus si ni, &#8220;A Deembai, mwashi ha wa muhum ti Isar'ila kyel ti kaitat ames haa?&#8221;</div><div class="p"> 7Yeso nyus, &#8220;A Deen je mati mbaitat i shang ti myan hu waya, si fu hun shang ti &#599;amam mii kwa. 8Hu wa wis ti mbaitat myan ima Rin Masapai &#599;oru hai. Hu wa mute ii shit amen ta Yerushalima, hu Judya hu Samarya, hu wa anggwe' i naya shak.&#8221; 9Takfai ti findel mai, sin &#599;ingsus si ha'us wa fit, ri' yes vohus ya si hum &#599;ing sus kwa fweng.</div><div class="p"> 10Sin &#599;iri shwaiti shishat ta fit, myan ima yis yus wa, unai &#599;ufal shini apilal fo abet si te mangrai ta nggas yusti sin ti faginan mupelani. 11Si nyus, &#8220;Hun &#599;ufal i Galili, ami kin hu te mangrai shwaiti shishat &#599;ing ti kyel ta fit ya? Yeso ima si ha'us ya na kyel amu wa fit mai, ma wa muhumkyel ta ngga' ima hu &#599;ingi yis yus wa fit.&#8221;</div><div class="s">Si Ben Matyas hum Tasi Kunggul ti Judas</div><div class="p"> 12Unai som muro i Yeso si hum kyel ta Yerushalima tasi Anggash i yitat i mbar, ima maleng ames ta Yerushalima a mel andek. 13Myan ima si ru Yerushalima si wa ta wur i fit, kyel ima ai si te ta. &#394;ufal ima si mata, a hu Pita, hu Jwon, hu Jemis, hu Andru, hu Filip, hu Toma, hu Batolomi, hu Matyu, hu Jemis al i Alfyus, hu Siman ma nadon i mashwa ames, hu Judas al i Jakop. 14Shak asussi si fut hai fwal ti Dee&#385;we, hu arofi hu Uryam nasus ti Yeso, hu shunus muryai.</div><div class="p"> 15Mukonan mii, &#599;ufal ima si fa mwawei ima si kol ndik andek ta hure apili. Unai Pita lukfit ni, 16&#8220;A shunun, a kpang Worong i Dee&#385;we u hya, ima ai Rin Masapai lak ta foi Makai Devid, si Judas ima kof som i ka'ti Yeso fisel. 17Yis a andek na saa kanti ima si benus si fas ro i masi tikul hu kan.&#8221;</div><div class="p"> 18Ti cef ima si talus &#595;urti masti mafwashi ames, Judas juwil ti yang nin. A ta kyeli wa ndifyong ti hai, &#599;ar ames ta&#599;as, &#599;amam i &#599;aari shak si waya ta fisha. 19Shak &#599;ufal ta Yerushalima si hal mangga' i a&#599;eng mai, unai si lai kyeli ti alis ames si ni, Akeldama, sima nyai, ya i wash ndai.</div><div class="p"> 20Unai Pita lak ni, &#8220;Si worong ta kaada i Nakwai nyai, wur ames ma wa mute ii korom, kan &#599;eng te ta wuri kwa.&#8221;#1:20 Nak 69:25. Si lak hwak nyai, &#8220;&#385;a &#599;eng mat mute ames.&#8221;#1:20 Nak 109:8.</div><div class="p"> 21&#385;urti andi te a kpang ka ben &#599;eng na saa ti &#599;ufal mii, ima ma akul hu kan shak mukonan ima Deembai Yeso yis mulangna ta mulangyai na saa kanti. 22&#394;at ma&#599;ufal mai u te andek na saa ti som ima si te akul hu kan tasi myan ima Jwon fur masti batisma yes mwen tima si zan Yeso ya wa fit. A kpang andek na saa ti &#599;ufal mii ute a ma&#599;ufal ima shang mangga' i muluk fit ta fiyai i Yeso ta ngga' ima ka shangi ta.</div><div class="p"> 23Unai si kofti &#599;ufal apil, Josep ma sum i Barsaba, ima si layan sus ii Yustus, yis hu Matyas. 24Unai si fwal Dee&#385;we si ni, &#8220;A Deembai, ha shang mulwat i &#599;ufal shak. Kofa nin andek na saa ti &#599;ufal apil mii ima ha ha ben, 25&#595;a u mat mute i ro i mamuro, ima Judas hon wa ta kyel ima matus arak.&#8221; 26Unai si hwi aben, abeni fur ta hai i Matyas, unai si kinus te andek ta saa ti som muro i Yeso akul hu hure mulang andeki.</div>
 </div>
 </div>
</div>

A Tyofilus, kaada i bya' amen, ima i worong yes kyel ama mangga' i shak ɗamam ima Yeso fur masi hu ima kof shangi tasi bya', yes mwen tima si ha'us wa fit. Fa findel manjengi wa kyel fe i ro ames ima yis ben ti bum i Rin Masapai, kaciwa' tisi ha'us wa fit. Takfai ti shum ta mot amessi, mas mukonan hure ɓaras yis kofti haisus wa kyel i som koltifai asussi ta fiselal hyang, ima si ti njeng si kof luk fit ta fiyai. Findelus mangga' i kaitat i DeeƁwe. Myan ima yis ɗiri akul hu sin, lakus ni, “Ka hu hon Yerushalima kwa. Shwai hun mal i Deen ima ni ma wa fa su, i laku ti fo amen. Jwon mas ɗufal batisma ti ham, ɓurti andi nasi mwashi yes mukonan ndyong si wa masu batisma ti Rin Masapai.”

Myan ima fe i ro ames sin ɗiri hu Yeso, si lulus si ni, “A Deembai, mwashi ha wa muhum ti Isar'ila kyel ti kaitat ames haa?”
Yeso nyus, “A Deen je mati mbaitat i shang ti myan hu waya, si fu hun shang ti ɗamam mii kwa. Hu wa wis ti mbaitat myan ima Rin Masapai ɗoru hai. Hu wa mute ii shit amen ta Yerushalima, hu Judya hu Samarya, hu wa anggwe' i naya shak.” Takfai ti findel mai, sin ɗingsus si ha'us wa fit, ri' yes vohus ya si hum ɗing sus kwa fweng.
Sin ɗiri shwaiti shishat ta fit, myan ima yis yus wa, unai ɗufal shini apilal fo abet si te mangrai ta nggas yusti sin ti faginan mupelani. Si nyus, “Hun ɗufal i Galili, ami kin hu te mangrai shwaiti shishat ɗing ti kyel ta fit ya? Yeso ima si ha'us ya na kyel amu wa fit mai, ma wa muhumkyel ta ngga' ima hu ɗingi yis yus wa fit.”

Unai som muro i Yeso si hum kyel ta Yerushalima tasi Anggash i yitat i mbar, ima maleng ames ta Yerushalima a mel andek. Myan ima si ru Yerushalima si wa ta wur i fit, kyel ima ai si te ta. Ɗufal ima si mata, a hu Pita, hu Jwon, hu Jemis, hu Andru, hu Filip, hu Toma, hu Batolomi, hu Matyu, hu Jemis al i Alfyus, hu Siman ma nadon i mashwa ames, hu Judas al i Jakop. Shak asussi si fut hai fwal ti DeeƁwe, hu arofi hu Uryam nasus ti Yeso, hu shunus muryai.
Mukonan mii, ɗufal ima si fa mwawei ima si kol ndik andek ta hure apili. Unai Pita lukfit ni, “A shunun, a kpang Worong i DeeƁwe u hya, ima ai Rin Masapai lak ta foi Makai Devid, si Judas ima kof som i ka'ti Yeso fisel. Yis a andek na saa kanti ima si benus si fas ro i masi tikul hu kan.”
Ti cef ima si talus ɓurti masti mafwashi ames, Judas juwil ti yang nin. A ta kyeli wa ndifyong ti hai, ɗar ames taɗas, ɗamam i ɗaari shak si waya ta fisha. Shak ɗufal ta Yerushalima si hal mangga' i aɗeng mai, unai si lai kyeli ti alis ames si ni, Akeldama, sima nyai, ya i wash ndai.
Unai Pita lak ni, “Si worong ta kaada i Nakwai nyai, wur ames ma wa mute ii korom, kan ɗeng te ta wuri kwa.” Si lak hwak nyai, “Ɓa ɗeng mat mute ames.”
Ɓurti andi te a kpang ka ben ɗeng na saa ti ɗufal mii, ima ma akul hu kan shak mukonan ima Deembai Yeso yis mulangna ta mulangyai na saa kanti. Ɗat maɗufal mai u te andek na saa ti som ima si te akul hu kan tasi myan ima Jwon fur masti batisma yes mwen tima si zan Yeso ya wa fit. A kpang andek na saa ti ɗufal mii ute a maɗufal ima shang mangga' i muluk fit ta fiyai i Yeso ta ngga' ima ka shangi ta.
Unai si kofti ɗufal apil, Josep ma sum i Barsaba, ima si layan sus ii Yustus, yis hu Matyas. Unai si fwal DeeƁwe si ni, “A Deembai, ha shang mulwat i ɗufal shak. Kofa nin andek na saa ti ɗufal apil mii ima ha ha ben, ɓa u mat mute i ro i mamuro, ima Judas hon wa ta kyel ima matus arak.” Unai si hwi aben, abeni fur ta hai i Matyas, unai si kinus te andek ta saa ti som muro i Yeso akul hu hure mulang andeki.

聞く Ro i Som Muro 1