Wycliffe Timor-Leste ℗ 2025 Wycliffe Bible Translators Inc

Biblia Mambae

<div class="version vid3634 iso6393mgm" data-vid="3634" data-iso6393="mgm">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Nai Jesus lela-teor enlaa naam hiin nii rae aeh-aeh</div><div class="r">(Mateus 13:1-9; Lucas 8:4-8)</div><div class="p"> 1Nii leolbaan iid, Jesus laa siil nii taes gugu Galileia. Roo rini maa duuk Ura. Nii hati kidura, bero kiid para bael nii taes lala, i Jesus sae la medei telo nii bero lala oid noir. Roo nii taes gugu hailagaa fliik la Ura.#Lucas 5:1-3 2Jesus noir room naam rini ois lela-teor dega,</div><div class="p"> 3&#8220;Fliik kod-koed maa! Artuub iid laa kaer naam hiin nii ura ni mrao. 4Arfiil ura kaer naam hiin, seir mou nii saal fusu. I maun-hui maa loi telo meit. 5Nei naam hiin seir loi, mou nii rae haut. Naam hiin ura lau hur-huur. Mahee deslaa rae ba duun rini, haa ba tafae raat lala. 6Arfiil leol mata sai soub, naam hiin bae fee hina lau too, mlele raat maas meit deislaa haa ba nei.&#8221; </div><div class="p"> 7&#8220;Nei naam hiin seir loi, mou nii guur rui lala. Naam hiin seirgaa mori didi. Mahee guur rui riif bael lea, raat ba nee isi. 8Mahee naam hiin seir loi mou nii rae kode. Naam hiin seirgaa mori kode, hadala, raat nee isi rini. Seir nukat iid leob nee siil nukat saguul haet-teul, seir nee nukat haet saguul liim-nai-ida, i seir des loi nee raat nukat atus iid.</div><div class="p"> 9Manura, seen fee nei teliga oid fliik, fliik kod-koed la!&#8221;</div><div class="s">Des sabiid Nai Jesus noir uza lela-teor</div><div class="r">(Mateus 13:10-17; Lucas 8:9-10)</div><div class="p"> 10Arfiil Jesus mesa bael, Ni eskolanti saguul-resi-ruu nor roo seir bae fee fliik soub Jesus ni noir too, room maa tuuk enlaa lela-teor seirgaa dega sabiid. 11Toom maa, Jesus ataan la room, &#8220;Muna iim ba taad enlaa Nai Maromak ni reun mansaba. Agora Au hii nee taad la iim. Mahee la roo selu, Au noir faklau ois lela-teor lea. 12Roo selu seirgaa man fee Nai Maromak ni gugu nor lama kiid fes muna hlai enene dega,</div><div class="q1">&#8216;Room fei soub, mahee room ba taad enlaa sabiid fee room fei.</div><div class="q2">Room fliik soub, mahee room ba komprende enlaa sabiid fee room fliik.</div><div class="q1">Se manura, room ba leob fois room sala,</div><div class="q2">la Nai Maromak ba leob amoo room sala.&#8217; &#8221;#Isa&#237;as 6:9-10</div><div class="s">Nai Jesus nee taad enlaa lela-teor too, dega sabiid</div><div class="r">(Mateus 13:18-23; Lucas 8:11-15)</div><div class="p"> 13Toom maa, Jesus tafaar la room, dega, &#8220;Se iim ba taad lela-teor iduri, fun mansaba man iim leob taad lela-teor seir selu? 14Lela-teor too dega manuri: roo iid kaer naam hiin too, man roo bae fee nee sai Nai Maromak ni Teor-hua Kode. 15I naam hiin bae fee mou nii saal fusu, raat maun-hui maa loi telo meit, idura man roo bae fee fliik Nai Maromak ni Teor-hua Kode. Mahee Satanaas maa hau telo Teor-hua too ois roo hua-lala. 16I naam hiin bae fee mou nii rae haut, idura man roo bae fee fliik soub Nai Maromak ni Teor-hua Kode, i sium Teor-hua too nor aksolok. 17Mahee Teor-hua too haa ba nei, i Teor-hua too meit ba hela tama nii roo hua-lala. I roo ura fois enene Teor-hua idura arfiil susar maa ka roo selu maa ameasa ura enlaa Teor-hua Kode ura. 18I naam hiin bae fee mou nii guur rui lala, man roo bae fee fliik soub Nai Maromak ni Teor-hua. 19Mahee deslaa ura fadigadu faklau enlaa ni mori leolbaan-leolbaan ni, ura nae naha sai soi, i goza laa-maa, raat ura ba liig la Nai Maromak ni Teor-hua. Manura ura ni mori hii ba hadala. 20Mahee naam hiin bae fee mou nii rae kode, man roo bae fee sei teliga, oid fliik nor sium Nai Maromak ni Teor-hua too, i fun tuir Nai Maromak ni akar. Depois ura sempre fun naam kode lea, man naam hiin bae fee nee isi rini, seir nee isi saguul haet teul, seir nee isi saguul haet liim-nai-ida, i seir nee raat atus-iid.&#8221;</div><div class="s">Ba leob douk aef-ana nor nukat</div><div class="r">(Lucas 8:16-18)</div><div class="p"> 21Jesus kase manhati nii bero lau. Ura tafaar des lela-teor iid manuri: &#8220;Fun manbae? Arfiil roo suul aef-ana, room douk telo nor nukat? Ka, fois nii boe hati sua? Tais! Se fun manura, aef-ana too ba nee namaer. Roo tenki fois aef-ana too nii hati manaru oid nee namaer la haigaa meit.#Mateus 5:15; Lucas 11:33 22Naam bae fee koo bael, ada-airuu roo hii eot. I naam bae fee iit ba taad, ada-airuu iit hii taad.#Mateus 10:26; Lucas 12:2 23Seen fee, nei teliga, fliik kod-koed la! </div><div class="p"> 24Anoin kod-koed! Arfiil iim fliik au noir, Nai Maromak hii teut iim akaas lolo too oid nee matenek la iim, i iim meit hii eot matenek faklau deis.#Mateus 7:2; Lucas 6:38#4:24 Versikulu kidura enlaa povu Judeu ni proverbiu. Proverbiu manura: Sasukat bae fee iim uza, Maromak hii uza siil sasukat ura la iim, i iim hii sium faklau deis.</div><div class="p"> 25Roo bae fee nae tustus Nai Maromak ni akar, ura hii matenek faklau des loi. Mahee seen fee ba liig enlaa Nai Maromak ni akar, ura hii beik faklau des loi.&#8221;#Mateus 13:12; 25:29; Lucas 19:26</div><div class="s">Nai Jesus lela-teor enlaa naam hiin bae fee mesa mori</div><div class="p"> 26Toom maa, Jesus lela-teor iid loi manuri: &#8220;Nai Maromak ni reun man fee roo kaer naam hiin la nii ura ni marao lala. 27Fedu roo ura suil telo la uum, ura boe-blee, ura fun serbius selu, i ba anoin des naam hiin too. Mahee naam hiin too mori i hadala la mes-mesa. 28Naam hiin too mesa mori, raat nee isi. 29Arfiil isi ura mara soub, mrao ubu laa guus lea. Nai Maromak ni reun meit manura.&#8221;#Joel 3:13</div><div class="s">Nai Jesus lela-teor enlaa ai-hua bae fee loba faklau</div><div class="r">(Mateus 13:31-32,34; Lucas 13:18-19)</div><div class="p"> 30-31Faklau telo, Jesus dega loi, &#8220;Au lela-teor iid loi manuri: iim leob kompara Nai Maromak ni reun idura man fee ai hua bae fee loba faklau.#4:30-31 Nii lela-teor uri Jesus kase enlaa ai hua bae fee loba faklau nii rae Israel. Ai hua loba kidura, man ai mostarda hua bae fee mori sai man ai fuu tuu kiid. Iduri ba loos mostarda nii rae Timor. 32Arfiil iit gruu ai hua kidura la rae, ura mori sai siil ai fuu tuu. Raat maun-hui maa boo nor fun nua nii ai too ni lau.&#8221;</div><div class="p"> 33Jesus noir room manura, faklau ois lela-teor tuir naam bae fee room leob taad. 34Ura adada noir roo faklau ois lela-teor lea. Mahee arfiil Jesus mesa nor Ni eskolanti room, Ura laek momoo lela-teor seirgaa.</div><div class="s">Nai Jesus fun para geul nor lalora tuu</div><div class="r">(Mateus 8:23-27; Lucas 8:22-25)</div><div class="p"> 35Leol naha mou soub, Jesus hii heer bael bero lau oid noir roo seirgaa. Ura ruu Ni eskolanti room dega, &#8220;Maa iit laa nii taes seri laa.&#8221;</div><div class="p"> 36I room sae bero futu nor Jesus. I room laa, fois bael roo rini nii taes gugu kidura. Mahee seir sae bero selu, oid toom Jesus room laa. 37-38Tempu kidura, Jesus luni nii sumasu i Ura boe hae nii bero lala ni hoho. Ba agi, geul tuu tadu. I lalora dae bero laa-maa fun eer tafae nii bero lala bae fee Jesus room sae too, i eer meit fedeis beun. I Jesus ni eskolanti room matau tustus. I room laa gluur Ura, dega, &#8220;Mestri! Blee laab! Iit naha mout soub uri! Mahee Iit Tuu ba liig aem!&#8221;</div><div class="p"> 39Fliik manura, Jesus meit blee, oid nee orde la geul too dega, &#8220;Para!&#8221; I Ura meit dega la lalora, &#8220;Seneda!&#8221; I geul too para enene, i lalora meit seneda enene. 40Toom maa, Jesus kase makaas la Ni eskolanti room dega, &#8220;Manbae fee iim matau tustus manuri? Iim ba fiar Au, ka?&#8221;</div><div class="p"> 41Room haigaa matau tustus, i room kase la loor, dega, &#8220;Seen fee Roo iduri? Ura kase lea, i geul nor lalora fun tuir Ura.&#8221;</div>
 </div>
 </div>
</div>

Nii leolbaan iid, Jesus laa siil nii taes gugu Galileia. Roo rini maa duuk Ura. Nii hati kidura, bero kiid para bael nii taes lala, i Jesus sae la medei telo nii bero lala oid noir. Roo nii taes gugu hailagaa fliik la Ura. Jesus noir room naam rini ois lela-teor dega,
“Fliik kod-koed maa! Artuub iid laa kaer naam hiin nii ura ni mrao. Arfiil ura kaer naam hiin, seir mou nii saal fusu. I maun-hui maa loi telo meit. Nei naam hiin seir loi, mou nii rae haut. Naam hiin ura lau hur-huur. Mahee deslaa rae ba duun rini, haa ba tafae raat lala. Arfiil leol mata sai soub, naam hiin bae fee hina lau too, mlele raat maas meit deislaa haa ba nei.”
“Nei naam hiin seir loi, mou nii guur rui lala. Naam hiin seirgaa mori didi. Mahee guur rui riif bael lea, raat ba nee isi. Mahee naam hiin seir loi mou nii rae kode. Naam hiin seirgaa mori kode, hadala, raat nee isi rini. Seir nukat iid leob nee siil nukat saguul haet-teul, seir nee nukat haet saguul liim-nai-ida, i seir des loi nee raat nukat atus iid.
Manura, seen fee nei teliga oid fliik, fliik kod-koed la!”


Arfiil Jesus mesa bael, Ni eskolanti saguul-resi-ruu nor roo seir bae fee fliik soub Jesus ni noir too, room maa tuuk enlaa lela-teor seirgaa dega sabiid. Toom maa, Jesus ataan la room, “Muna iim ba taad enlaa Nai Maromak ni reun mansaba. Agora Au hii nee taad la iim. Mahee la roo selu, Au noir faklau ois lela-teor lea. Roo selu seirgaa man fee Nai Maromak ni gugu nor lama kiid fes muna hlai enene dega,
‘Room fei soub, mahee room ba taad enlaa sabiid fee room fei.
Room fliik soub, mahee room ba komprende enlaa sabiid fee room fliik.
Se manura, room ba leob fois room sala,
la Nai Maromak ba leob amoo room sala.’ ”


Toom maa, Jesus tafaar la room, dega, “Se iim ba taad lela-teor iduri, fun mansaba man iim leob taad lela-teor seir selu? Lela-teor too dega manuri: roo iid kaer naam hiin too, man roo bae fee nee sai Nai Maromak ni Teor-hua Kode. I naam hiin bae fee mou nii saal fusu, raat maun-hui maa loi telo meit, idura man roo bae fee fliik Nai Maromak ni Teor-hua Kode. Mahee Satanaas maa hau telo Teor-hua too ois roo hua-lala. I naam hiin bae fee mou nii rae haut, idura man roo bae fee fliik soub Nai Maromak ni Teor-hua Kode, i sium Teor-hua too nor aksolok. Mahee Teor-hua too haa ba nei, i Teor-hua too meit ba hela tama nii roo hua-lala. I roo ura fois enene Teor-hua idura arfiil susar maa ka roo selu maa ameasa ura enlaa Teor-hua Kode ura. I naam hiin bae fee mou nii guur rui lala, man roo bae fee fliik soub Nai Maromak ni Teor-hua. Mahee deslaa ura fadigadu faklau enlaa ni mori leolbaan-leolbaan ni, ura nae naha sai soi, i goza laa-maa, raat ura ba liig la Nai Maromak ni Teor-hua. Manura ura ni mori hii ba hadala. Mahee naam hiin bae fee mou nii rae kode, man roo bae fee sei teliga, oid fliik nor sium Nai Maromak ni Teor-hua too, i fun tuir Nai Maromak ni akar. Depois ura sempre fun naam kode lea, man naam hiin bae fee nee isi rini, seir nee isi saguul haet teul, seir nee isi saguul haet liim-nai-ida, i seir nee raat atus-iid.”


Jesus kase manhati nii bero lau. Ura tafaar des lela-teor iid manuri: “Fun manbae? Arfiil roo suul aef-ana, room douk telo nor nukat? Ka, fois nii boe hati sua? Tais! Se fun manura, aef-ana too ba nee namaer. Roo tenki fois aef-ana too nii hati manaru oid nee namaer la haigaa meit. Naam bae fee koo bael, ada-airuu roo hii eot. I naam bae fee iit ba taad, ada-airuu iit hii taad. Seen fee, nei teliga, fliik kod-koed la!
Anoin kod-koed! Arfiil iim fliik au noir, Nai Maromak hii teut iim akaas lolo too oid nee matenek la iim, i iim meit hii eot matenek faklau deis.
Roo bae fee nae tustus Nai Maromak ni akar, ura hii matenek faklau des loi. Mahee seen fee ba liig enlaa Nai Maromak ni akar, ura hii beik faklau des loi.”

Toom maa, Jesus lela-teor iid loi manuri: “Nai Maromak ni reun man fee roo kaer naam hiin la nii ura ni marao lala. Fedu roo ura suil telo la uum, ura boe-blee, ura fun serbius selu, i ba anoin des naam hiin too. Mahee naam hiin too mori i hadala la mes-mesa. Naam hiin too mesa mori, raat nee isi. Arfiil isi ura mara soub, mrao ubu laa guus lea. Nai Maromak ni reun meit manura.”


Faklau telo, Jesus dega loi, “Au lela-teor iid loi manuri: iim leob kompara Nai Maromak ni reun idura man fee ai hua bae fee loba faklau. Arfiil iit gruu ai hua kidura la rae, ura mori sai siil ai fuu tuu. Raat maun-hui maa boo nor fun nua nii ai too ni lau.”
Jesus noir room manura, faklau ois lela-teor tuir naam bae fee room leob taad. Ura adada noir roo faklau ois lela-teor lea. Mahee arfiil Jesus mesa nor Ni eskolanti room, Ura laek momoo lela-teor seirgaa.


Leol naha mou soub, Jesus hii heer bael bero lau oid noir roo seirgaa. Ura ruu Ni eskolanti room dega, “Maa iit laa nii taes seri laa.”
I room sae bero futu nor Jesus. I room laa, fois bael roo rini nii taes gugu kidura. Mahee seir sae bero selu, oid toom Jesus room laa. Tempu kidura, Jesus luni nii sumasu i Ura boe hae nii bero lala ni hoho. Ba agi, geul tuu tadu. I lalora dae bero laa-maa fun eer tafae nii bero lala bae fee Jesus room sae too, i eer meit fedeis beun. I Jesus ni eskolanti room matau tustus. I room laa gluur Ura, dega, “Mestri! Blee laab! Iit naha mout soub uri! Mahee Iit Tuu ba liig aem!”
Fliik manura, Jesus meit blee, oid nee orde la geul too dega, “Para!” I Ura meit dega la lalora, “Seneda!” I geul too para enene, i lalora meit seneda enene. Toom maa, Jesus kase makaas la Ni eskolanti room dega, “Manbae fee iim matau tustus manuri? Iim ba fiar Au, ka?”
Room haigaa matau tustus, i room kase la loor, dega, “Seen fee Roo iduri? Ura kase lea, i geul nor lalora fun tuir Ura.”

聞く Marcos 4