Manya - 2023 SIM (OT NT Portions) Drama

<div class="version vid3590 iso6393mzj" data-vid="3590" data-iso6393="mzj">
   <div class="book bkMAT">
      <div class="chapter ch4" data-usfm="MAT.4">
         <div class="label">4</div><div class="s"><span class="heading">Soitana ka Isa l&#596;suma teme</span></div><div class="r"><span class="heading">  </span><span class="heading">Mal&#603;k&#603; 1.12-13</span><span class="heading">; </span><span class="heading">Luka 4.1-13</span></div><div class="p"><span class="content">  </span><span class="verse v1" data-usfm="MAT.4.1"><span class="label">1</span><span class="content">  </span><span class="note x"><span class="label">#</span><span class=" body">    
        Hebululu 2.18; 4.15.  </span></span><span class="content">Wo k&#596;, Nii S&#603;n&#603;yanin ka bila Isa &#626;a ka taa a le fuwa l&#596;, f&#596;sa Soitana y'a l&#596;suma. </span></span><span class="verse v2" data-usfm="MAT.4.2"><span class="label">2</span><span class="content">Isa ban k&#596; tele binaani (40) ni su binaani (40) k&#603;la sun n&#596;, k&#596;&#596;n k'a mina. </span></span><span class="verse v3" data-usfm="MAT.4.3"><span class="label">3</span><span class="content">Soitana k'i madon a la k'a f&#596; a y&#603;, a v&#603;&#603;: &#171;Ni Ala Denk&#603; le i le, i y'a f&#596; kawakulun minu y&#603; ko ai yi j&#603;l&#603;ma ka k&#603; bulu le.&#187; </span></span><span class="verse v4" data-usfm="MAT.4.4"><span class="label">4</span><span class="content">Isa k'a javi, a v&#603;&#603;: &#171;A s&#603;v&#603;nin kitabu k&#596;n&#596;, ko:</span></span></div><div class="q1"><span class="verse v4" data-usfm="MAT.4.4"><span class="content">&#8249;M&#596;&#596; t&#603; balola bulu la dein,</span></span></div><div class="q2"><span class="verse v4" data-usfm="MAT.4.4"><span class="content">maf&#596; kuma minu b&#603; yi b&#596;la Ala da.&#8250; &#187;</span></span></div><div class="p"><span class="verse v4" data-usfm="MAT.4.4"><span class="content">  </span></span><span class="verse v5" data-usfm="MAT.4.5"><span class="label">5</span><span class="content">Wo k&#596;, Soitana ka Isa ta ka taa a le l&#596;h&#596;l&#596;ma so k&#596;n&#596;. A do k'a lal&#596; l&#596;h&#596;l&#596;mabonba kun t&#603;ma poon, </span></span><span class="verse v6" data-usfm="MAT.4.6"><span class="label">6</span><span class="content">k'a f&#596; a y&#603;, a v&#603;&#603;: &#171;Ni Ala Denk&#603; le i le, i i bolot&#603;&#603; i j&#603;l&#603; la k'i gban, kamas&#596;l&#596;n a s&#603;v&#603;nin kitabu k&#596;n&#596;, ko:</span></span></div><div class="q1"><span class="verse v6" data-usfm="MAT.4.6"><span class="content">&#8249;Ala k&#603;t&#596; aa m&#603;l&#603;kalu jamalila ka b&#603;n i ma,</span></span></div><div class="q2"><span class="verse v6" data-usfm="MAT.4.6"><span class="content">wo v&#603; k&#603;la, ai k&#603;t&#596; ai bolo siila i k&#596;l&#596;,</span></span></div><div class="q2"><span class="verse v6" data-usfm="MAT.4.6"><span class="content">f&#596;sa i sen kana tuu kawa la.&#8250; &#187;</span></span></div><div class="p"><span class="verse v6" data-usfm="MAT.4.6"><span class="content">  </span></span><span class="verse v7" data-usfm="MAT.4.7"><span class="label">7</span><span class="content">Isa ka Soitana javi, a v&#603;&#603;: &#171;A s&#603;v&#603;nin kitabu k&#596;n&#596;, ko: &#8249;I k'i Tii Ala l&#596;suma.&#8250; &#187;</span></span></div><div class="p"><span class="verse v7" data-usfm="MAT.4.7"><span class="content">  </span></span><span class="verse v8" data-usfm="MAT.4.8"><span class="label">8</span><span class="content">Wo k&#596;, Soitana ka taa a le tini jaan d&#596; k&#596;kan, ka dunu&#626;a jamana b&#603; jiya a la ani aiya magbiliyali. </span></span><span class="verse v9" data-usfm="MAT.4.9"><span class="label">9</span><span class="content">A v&#603;&#603; Isa y&#603;: &#171;I v&#603; di&#626;ala k'i ten bilin &#505; k&#596;l&#596; m&#768; batoko l&#596;, &#505; k&#603;t&#596; wo b&#603; dila i ma.&#187;</span></span></div><div class="p"><span class="verse v9" data-usfm="MAT.4.9"><span class="content">  </span></span><span class="verse v10" data-usfm="MAT.4.10"><span class="label">10</span><span class="content">Isa v&#603;&#603; a y&#603;: &#171;B&#596; &#505; k&#596; Soitana, kamas&#596;l&#596;n a s&#603;v&#603;nin kitabu k&#596;n&#596;, ko: &#8249;I i Tii Ala le bato ka baale k&#603; ale kelen y&#603; dein.&#8250; &#187;</span></span></div><div class="p"><span class="verse v10" data-usfm="MAT.4.10"><span class="content">  </span></span><span class="verse v11" data-usfm="MAT.4.11"><span class="label">11</span><span class="content">Wo k&#603;nin, Soitana ka b&#596; a k&#596; ka taa. M&#603;l&#603;kalu do ka na ka Isa mad&#603;m&#603;n.</span></span></div><div class="s"><span class="heading">Isa ka kawanili damina Galile koovi l&#596; teme</span></div><div class="r"><span class="heading">  </span><span class="heading">Mal&#603;k&#603; 1.14-15</span><span class="heading">; </span><span class="heading">Luka 4.14-15</span></div><div class="p"><span class="verse v11" data-usfm="MAT.4.11"><span class="content">  </span></span><span class="verse v12" data-usfm="MAT.4.12"><span class="label">12</span><span class="content">  </span><span class="note x"><span class="label">#</span><span class=" body">    
        Matiyu 14.3; Mal&#603;k&#603; 6.17; Luka 3.19, 20.  </span></span><span class="content">Isa k'a m&#603;n ming&#603; ko ai v&#603; Yaya bila kaso la, a ka seik&#596; Galile. </span></span><span class="verse v13" data-usfm="MAT.4.13"><span class="label">13</span><span class="note x"><span class="label">#</span><span class=" body">Yohana 2.12.</span></span><span class="content">A do ka b&#596; Nazal&#603;ti ka t'i sii Kap&#603;l&#603;namu so k&#596;n&#596;, min yi Galile k&#596;&#596; dala, Zebulun ni Nafitali kabilalu mak&#603;ya. </span></span><span class="verse v14" data-usfm="MAT.4.14"><span class="label">14</span><span class="content">A ka k&#603; ten f&#596;sa Nabi Ezayi ya kuma ma yi fa teme, ko:</span></span></div><div class="q1"><span class="verse v14" data-usfm="MAT.4.14"><span class="content">  </span></span><span class="verse v15" data-usfm="MAT.4.15"><span class="label">15</span><span class="content">&#171;Zebulun ni Nafitali kabilalu mak&#603;ya,</span></span></div><div class="q2"><span class="verse v15" data-usfm="MAT.4.15"><span class="content">min yi Galile k&#596;&#596; fann&#596;, Julid&#603;n k&#596;&#596; k&#596;ma,</span></span></div><div class="q2"><span class="verse v15" data-usfm="MAT.4.15"><span class="content">Galile koovi koni, siboloma siyama mak&#603;ya:</span></span></div><div class="q1"><span class="verse v15" data-usfm="MAT.4.15"><span class="content">  </span></span><span class="verse v16" data-usfm="MAT.4.16"><span class="label">16</span><span class="content">M&#596;&#596; minu siinin t&#603;&#603; divi l&#596; je,</span></span></div><div class="q2"><span class="verse v16" data-usfm="MAT.4.16"><span class="content">wolu v&#603; Ala ya k&#603;n&#603;ya ye gbesekele.</span></span></div><div class="q1"><span class="verse v16" data-usfm="MAT.4.16"><span class="content">M&#596;&#596; minu siinin t&#603;&#603; saya jamana divi l&#596;,</span></span></div><div class="q2"><span class="verse v16" data-usfm="MAT.4.16"><span class="content">k&#603;n&#603;ya v&#603; b&#596; wolu y&#603;.&#187;</span></span></div><div class="p"><span class="verse v16" data-usfm="MAT.4.16"><span class="content">  </span></span><span class="verse v17" data-usfm="MAT.4.17"><span class="label">17</span><span class="content">  </span><span class="note x"><span class="label">#</span><span class=" body">    
        Matiyu 3.2.  </span></span><span class="content">Isa ka kawanili damina wo waate le l&#596;. A t&#603;&#603; a f&#596;la m&#596;&#596;lu y&#603;, a v&#603;&#603;: &#171;&#192;i y'&#224;i dajoo mafalin, kamas&#596;l&#596;n haij&#603;n&#603; masaya waate ma v&#603; sulunya.&#187;</span></span></div><div class="s"><span class="heading">Isa k'a k&#596;biladen kunf&#596;l&#596;lu kili teme</span></div><div class="r"><span class="heading">  </span><span class="heading">Mal&#603;k&#603; 1.16-20</span><span class="heading">; </span><span class="heading">Luka 5.1-11</span></div><div class="p"><span class="verse v17" data-usfm="MAT.4.17"><span class="content">  </span></span><span class="verse v18" data-usfm="MAT.4.18"><span class="label">18</span><span class="content">Lon d&#596;, Isa taamant&#596;la Galile k&#596;&#596; kawun na, a ka badenmak&#603; fila ye: Sim&#596;n (ai y'a f&#596;la min ma ko Piy&#603;li), ani a d&#596;&#596;ni Andele. Wolu t&#603;&#603; j&#596; lafilila k&#596;&#596; l&#596;, kamas&#596;l&#596;n ai t&#603;&#603; k&#596;&#596;s&#596;m&#596;nin ne le. </span></span><span class="verse v19" data-usfm="MAT.4.19"><span class="label">19</span><span class="content">Isa v&#603;&#603; ai y&#603;: &#171;&#192;i yi bila &#505; k&#596;. &#192;i yi j&#603;&#603; le &#626;ininna, &#505;e do k&#603;t&#596; &#224;i k&#603;la m&#596;&#596;&#626;ininba le le.&#187; </span></span><span class="verse v20" data-usfm="MAT.4.20"><span class="label">20</span><span class="content">Ai do k'aiya j&#596;lu to je telemanin ka bila a k&#596;.</span></span></div><div class="p"><span class="verse v20" data-usfm="MAT.4.20"><span class="content">  </span></span><span class="verse v21" data-usfm="MAT.4.21"><span class="label">21</span><span class="content">Isa timinnin woja la d&#596;ni ne, a ka badenmak&#603; fila d&#596;gb&#603;l&#603;lu ye, minu t&#603;&#603; Janguba ni Yohana le, Zebede denk&#603;lu. Ailu ni ai fa siinin t&#603;&#603; aiya j&#596;lu l&#596;b&#603;nna kulun k&#596;n&#596;. Isa k'ai kili. </span></span><span class="verse v22" data-usfm="MAT.4.22"><span class="label">22</span><span class="content">Ai do v&#603; bilala a k&#596; telemanin k'ai fa ni kulun to ai k&#596;.</span></span></div><div class="s"><span class="heading">Isa mangutu ka j&#603;z&#603;n Galile koovi l&#596; teme</span></div><div class="r"><span class="heading">  </span><span class="heading">Luka 6.17-19</span></div><div class="p"><span class="verse v22" data-usfm="MAT.4.22"><span class="content">  </span></span><span class="verse v23" data-usfm="MAT.4.23"><span class="label">23</span><span class="content">  </span><span class="note x"><span class="label">#</span><span class=" body">    
        Matiyu 9.35; Mal&#603;k&#603; 1.39.  </span></span><span class="content">Isa t&#603;&#603; Galile koovi fan b&#603; l&#596;taamana, a v&#603; m&#596;&#596;lu kalanna aiya Aladalibonnu la, ka Samakan Kein lase ka b&#603;n Ala ya masaya ma, ani ka m&#596;&#596;lu lak&#603;n&#603;ya k'ai b&#596; aiya jangalo ni t&#596;l&#596;ya suu b&#603; l&#596;. </span></span><span class="verse v24" data-usfm="MAT.4.24"><span class="label">24</span><span class="content">Isa mangutu ka b&#596; Siliya duu fan b&#603; l&#596;, ado ai t&#603;&#603; nala m&#596;&#596;lu le a f&#603;l&#596; minu t&#596;l&#596;nin t&#603;&#603; jangalo ni falil&#596;dimin suu b&#603; bolo. Jinat&#596;lu o, f&#596;lif&#596;lit&#596;lu o, namalanilu o, a ka wolu b&#603; lak&#603;n&#603;ya. </span></span><span class="verse v25" data-usfm="MAT.4.25"><span class="label">25</span><span class="content">Jama ba t&#603;&#603; bilala a k&#596;. Ai b&#596;nin t&#603;&#603; Galile ni Jude koovilu l&#596;, ani So Tan laminin n&#596;, ani Jelusal&#603;mu, ani Julid&#603;n k&#596;&#596;k&#596;ma solu la.</span></span></div>
      </div>
   </div>
</div>

Manya Bible Translation, © SIM International, 2023 

Wo kɔ, Nii Sɛnɛyanin ka bila Isa ɲa ka taa a le fuwa lɔ, fɔsa Soitana y'a lɔsuma. Isa ban kɔ tele binaani (40) ni su binaani (40) kɛla sun nɔ, kɔɔn k'a mina. Soitana k'i madon a la k'a fɔ a yɛ, a vɛɛ: «Ni Ala Denkɛ le i le, i y'a fɔ kawakulun minu yɛ ko ai yi jɛlɛma ka kɛ bulu le.» Isa k'a javi, a vɛɛ: «A sɛvɛnin kitabu kɔnɔ, ko:
‹Mɔɔ tɛ balola bulu la dein,
mafɔ kuma minu bɛ yi bɔla Ala da.› »
Wo kɔ, Soitana ka Isa ta ka taa a le lɔhɔlɔma so kɔnɔ. A do k'a lalɔ lɔhɔlɔmabonba kun tɛma poon, k'a fɔ a yɛ, a vɛɛ: «Ni Ala Denkɛ le i le, i i bolotɛɛ i jɛlɛ la k'i gban, kamasɔlɔn a sɛvɛnin kitabu kɔnɔ, ko:
‹Ala kɛtɔ aa mɛlɛkalu jamalila ka bɛn i ma,
wo vɛ kɛla, ai kɛtɔ ai bolo siila i kɔlɔ,
fɔsa i sen kana tuu kawa la.› »
Isa ka Soitana javi, a vɛɛ: «A sɛvɛnin kitabu kɔnɔ, ko: ‹I k'i Tii Ala lɔsuma.› »
Wo kɔ, Soitana ka taa a le tini jaan dɔ kɔkan, ka dunuɲa jamana bɛ jiya a la ani aiya magbiliyali. A vɛɛ Isa yɛ: «I vɛ diɲala k'i ten bilin ǹ kɔlɔ m̀ batoko lɔ, ǹ kɛtɔ wo bɛ dila i ma.»
Isa vɛɛ a yɛ: «Bɔ ǹ kɔ Soitana, kamasɔlɔn a sɛvɛnin kitabu kɔnɔ, ko: ‹I i Tii Ala le bato ka baale kɛ ale kelen yɛ dein.› »
Wo kɛnin, Soitana ka bɔ a kɔ ka taa. Mɛlɛkalu do ka na ka Isa madɛmɛn.


Isa k'a mɛn mingɛ ko ai vɛ Yaya bila kaso la, a ka seikɔ Galile. A do ka bɔ Nazalɛti ka t'i sii Kapɛlɛnamu so kɔnɔ, min yi Galile kɔɔ dala, Zebulun ni Nafitali kabilalu makɛya. A ka kɛ ten fɔsa Nabi Ezayi ya kuma ma yi fa teme, ko:
«Zebulun ni Nafitali kabilalu makɛya,
min yi Galile kɔɔ fannɔ, Julidɛn kɔɔ kɔma,
Galile koovi koni, siboloma siyama makɛya:
Mɔɔ minu siinin tɛɛ divi lɔ je,
wolu vɛ Ala ya kɛnɛya ye gbesekele.
Mɔɔ minu siinin tɛɛ saya jamana divi lɔ,
kɛnɛya vɛ bɔ wolu yɛ.»
Isa ka kawanili damina wo waate le lɔ. A tɛɛ a fɔla mɔɔlu yɛ, a vɛɛ: «Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»


Lon dɔ, Isa taamantɔla Galile kɔɔ kawun na, a ka badenmakɛ fila ye: Simɔn (ai y'a fɔla min ma ko Piyɛli), ani a dɔɔni Andele. Wolu tɛɛ jɔ lafilila kɔɔ lɔ, kamasɔlɔn ai tɛɛ kɔɔsɔmɔnin ne le. Isa vɛɛ ai yɛ: «Ài yi bila ǹ kɔ. Ài yi jɛɛ le ɲininna, ǹe do kɛtɔ ài kɛla mɔɔɲininba le le.» Ai do k'aiya jɔlu to je telemanin ka bila a kɔ.
Isa timinnin woja la dɔni ne, a ka badenmakɛ fila dɔgbɛlɛlu ye, minu tɛɛ Janguba ni Yohana le, Zebede denkɛlu. Ailu ni ai fa siinin tɛɛ aiya jɔlu lɔbɛnna kulun kɔnɔ. Isa k'ai kili. Ai do vɛ bilala a kɔ telemanin k'ai fa ni kulun to ai kɔ.


Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ. Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya. Jama ba tɛɛ bilala a kɔ. Ai bɔnin tɛɛ Galile ni Jude koovilu lɔ, ani So Tan laminin nɔ, ani Jelusalɛmu, ani Julidɛn kɔɔkɔma solu la.

聞く Matiyu 4