Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Ndumo ya Yohane Mpatisi</div><div class="r">(Luk 7:18-35)</div><div class="p"> 1Na Yesu kyiyeri alemarisa i&#7769;e&#7769;a na wanalosho wakye ikumi na wawi, nalendelosha na ionguo mbonyi ngyicha m&#7775;inyi yawo.</div><div class="p"> 2Na Yohane kyiyeri aleicho ipfo kyipfungonyi mawuto ga Kristo, nale&#7769;uma wanalosho wakye, immbesa, 3&#8220;Iyoe nyi ulya aicha, ang'u luwe&#7769;elyie ungyi?&#8221; 4Yesu kagaluo kawawia, &#8220;Yendenyi mundeongoya Yohane shilya mushiicho na ishiwona; 5shipfupfu&#7775;e shienengo iwona, shiwete shichumia, wawo&#7769;o nyi taambo waiye&#7775;emtso, wapfu ma&#7769;wi waiicho, wapfu wai&#7775;utso, na wakyiwa waiongoyo Mbonyi Ngyicha. 6Agusu orio mndu alammbihie kyipfa kyako.&#8221; 7Na wanalosho wa Yohane wamuyende, Yesu nalewooka iongoya wuingyi wo wandu mbonyi tsa Yohane. &#8220;Mulefuma iyenda nuka iambuya kyikyi? Unyatsi lochi&#7769;e&#7769;emsho nyi mkuma? 8Kyaindi mulefuma indewona kyi? Mndu am&#7775;ikye nguwo tsa wusu&#7775;i? Wandu wa&#7775;ee nguwo tsa wusu&#7775;i wakyeri numbenyi tsa kyimangyi. 9Kyaindi kyitewe mukofuma nyi kyikyi? Nyi iwona moonguo shisuku? Yee loi, ngammbia, na akyeri ang'anyi kuta moonguo shisuku. 10Ichu nyi oe shi&#7775;eio shilegamba,</div><div class="q1">&#8216;Inyi, ngyi&#7769;uma mndu oko</div><div class="q2">mbele ya ushangu lopfo,</div><div class="q1">echisungusia njia yapfo.&#8217; &#8221;</div><div class="m"> 11Ny'kyaloi, ngammbia kulandewa&#7769;e mndu kyii&#7769;i kya walya wawafee nyi waka akyeri ang'anyi kuta Yohane Mpatisi-pfo. Kyaindi akyeri mtutu Wumangyinyi wo ruwewu nyi nang'anyi kuta oe. 12Wookyia kyiyeri kya Yohane Mpatisi m&#7775;asa wulalu Wumangyi wo ruwewu wokyecha ko pfinya, na iwo wawo&#7769;e pfinya waiwurakuo. 13Cha kyipfa weonguo shisuku na uwawaso waleonguo m&#7775;asa Yohane. 14Na kokooya mukundi ii&#7769;ikyia, oe nyi oe Elyiya ulya echicha. 15Awo&#7769;e ma&#7769;wi, naa&#7769;anyie.</div><div class="p"> 16&#8220;Kyaindi ngyechilyingatsana na kyi rika-lyi? Lyikyeri cha wana wekye&#7769;amia sanga&#7769;a, wekyelaga o&#7769;iawo, wechigamba, 17&#8216;Lulekapa mto&#7775;i&#7775;o kyipfa kyanyu, maa muletema-pfo; lulekapa &#7775;anyi maa mulawo&#7769;o nyi wukyiwa.&#8217; 18Kyipfa Yohane nalecha, alailya maa alainyo, wakagamba, &#8216;Nawo&#7769;o nyi m&#7775;ufui mmbicho.&#8217; 19Mono-Adamu nalecha, echilya na inyo, wakagamba, &#8216;Ichu nawo&#7769;e ndewu, nyi mnanzi, mbuya ya wesania ukamba na wanyama&#7775;i!&#8217; Na wu&#7775;ango wo Ruwa wochimanyika kui shindo wu&#7775;ango-wo wui&#7775;unda.&#8221;</div><div class="s">M&#7775;i Ilawo&#7769;e Ii&#7769;ikyia</div><div class="r">(Luk 10:13-15)</div><div class="p"> 20Naaho-ng'u kawooka i&#7769;e&#7769;ia m&#7775;i iya kyii&#7769;i kyayo kule&#7775;undika shi&#7775;iyisho shakye shifoi, kyipfa ile&#7769;umbuya wunyama&#7775;i-pfo. 21&#8220;Ochia lopfo, Korasini! Ochia lopfo Betisaida! Kyipfa cha kokooya shi&#7775;iyisho shilewutika konyu shilewutika kulya Tiro na Sidon wawechi&#7769;umbuya wunyama&#7775;i kyiyeri kyileshi kyilei&#7769;a kui i&#7775;aa masa&#7775;a na ikushia ifui. 22Kyaindi ngammbia, kyechiwa kyaangu Tiro na Sidon ikarishia ngapo tsawo mfiri o ianduyo kuta nyoe. 23Na iyoe Kaperinaumu, ngyesa noching'anyiso m&#7775;asa ruwewu? Nochisotso m&#7775;asa ko wa&#7775;umu cha kyipfa shi&#7775;iyisho shilewutika kopfo shiwechiwutika kulya Sodoma, m&#7775;i-cho uwechi&#7769;io ho m&#7775;asa inu. 24Kyaindi ngammbia, kyechiwa kyaangu ko uruka lo Sodoma ikarishia ngapo yalo mfiri o ianduyo kuta iyoe.&#8221;</div><div class="s">Ionyonya ko Yesu</div><div class="r">(Luk 10:21-22)</div><div class="p"> 25Kyiyeri kyilya Yesu kagaluo, kagamba, &#8220;Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawo&#7769;e wu&#7775;ango-pfo, kyaindi kotambuluya wana watutu. 26Yee, loi, Awu, kyipfa nyi wu&#7769;o kyilechihi&#7775;a mbele yapfo.&#8221; 27Kagamba, &#8220;Ngyim&#7769;ambikye shoose na Awu-yoko, maa kuwo&#7769;e aichi Mana, sile Awu-pfo; maa kuwo&#7769;e aichi Awu, sile Mana-pfo, na orio oose ulya Mana akunda imtambuluya. 28Nnjonyi na koko, nyoe moose muiwina na muwalemie nyi ma&#7775;io, na inyi ngyechimuonyonyisha. 29Wa&#7769;ilyienyi i&#7775;unda-lyi ngyim&#7769;ambika, mukuloshe koko; kyipfa inyi ngyimhoo na muindi mrimenyi; na nyoe mochiwa&#7769;a ufo&#7775;o mrimenyi konyu. 30Cha kyipfa kyilya ngyimmbia kyikyicha konyu, na &#7775;io ngyim&#7769;ika lyilyiangu.&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Na Yesu kyiyeri alemarisa iṙeṙa na wanalosho wakye ikumi na wawi, nalendelosha na ionguo mbonyi ngyicha mṟinyi yawo.
Na Yohane kyiyeri aleicho ipfo kyipfungonyi mawuto ga Kristo, naleṙuma wanalosho wakye, immbesa, “Iyoe nyi ulya aicha, ang'u luweṙelyie ungyi?” Yesu kagaluo kawawia, “Yendenyi mundeongoya Yohane shilya mushiicho na ishiwona; shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha. Agusu orio mndu alammbihie kyipfa kyako.” Na wanalosho wa Yohane wamuyende, Yesu nalewooka iongoya wuingyi wo wandu mbonyi tsa Yohane. “Mulefuma iyenda nuka iambuya kyikyi? Unyatsi lochiṙeṙemsho nyi mkuma? Kyaindi mulefuma indewona kyi? Mndu amṟikye nguwo tsa wusuṟi? Wandu waṟee nguwo tsa wusuṟi wakyeri numbenyi tsa kyimangyi. Kyaindi kyitewe mukofuma nyi kyikyi? Nyi iwona moonguo shisuku? Yee loi, ngammbia, na akyeri ang'anyi kuta moonguo shisuku. Ichu nyi oe shiṟeio shilegamba,
‘Inyi, ngyiṙuma mndu oko
mbele ya ushangu lopfo,
echisungusia njia yapfo.’ ”
Ny'kyaloi, ngammbia kulandewaṙe mndu kyiiṙi kya walya wawafee nyi waka akyeri ang'anyi kuta Yohane Mpatisi-pfo. Kyaindi akyeri mtutu Wumangyinyi wo ruwewu nyi nang'anyi kuta oe. Wookyia kyiyeri kya Yohane Mpatisi mṟasa wulalu Wumangyi wo ruwewu wokyecha ko pfinya, na iwo wawoṙe pfinya waiwurakuo. Cha kyipfa weonguo shisuku na uwawaso waleonguo mṟasa Yohane. Na kokooya mukundi iiṙikyia, oe nyi oe Elyiya ulya echicha. Awoṙe maṙwi, naaṙanyie.
“Kyaindi ngyechilyingatsana na kyi rika-lyi? Lyikyeri cha wana wekyeṙamia sangaṙa, wekyelaga oṙiawo, wechigamba, ‘Lulekapa mtoṟiṟo kyipfa kyanyu, maa muletema-pfo; lulekapa ṟanyi maa mulawoṙo nyi wukyiwa.’ Kyipfa Yohane nalecha, alailya maa alainyo, wakagamba, ‘Nawoṙo nyi mṟufui mmbicho.’ Mono-Adamu nalecha, echilya na inyo, wakagamba, ‘Ichu nawoṙe ndewu, nyi mnanzi, mbuya ya wesania ukamba na wanyamaṟi!’ Na wuṟango wo Ruwa wochimanyika kui shindo wuṟango-wo wuiṟunda.”


Naaho-ng'u kawooka iṙeṙia mṟi iya kyiiṙi kyayo kuleṟundika shiṟiyisho shakye shifoi, kyipfa ileṙumbuya wunyamaṟi-pfo. “Ochia lopfo, Korasini! Ochia lopfo Betisaida! Kyipfa cha kokooya shiṟiyisho shilewutika konyu shilewutika kulya Tiro na Sidon wawechiṙumbuya wunyamaṟi kyiyeri kyileshi kyileiṙa kui iṟaa masaṟa na ikushia ifui. Kyaindi ngammbia, kyechiwa kyaangu Tiro na Sidon ikarishia ngapo tsawo mfiri o ianduyo kuta nyoe. Na iyoe Kaperinaumu, ngyesa noching'anyiso mṟasa ruwewu? Nochisotso mṟasa ko waṟumu cha kyipfa shiṟiyisho shilewutika kopfo shiwechiwutika kulya Sodoma, mṟi-cho uwechiṙio ho mṟasa inu. Kyaindi ngammbia, kyechiwa kyaangu ko uruka lo Sodoma ikarishia ngapo yalo mfiri o ianduyo kuta iyoe.”


Kyiyeri kyilya Yesu kagaluo, kagamba, “Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawoṙe wuṟango-pfo, kyaindi kotambuluya wana watutu. Yee, loi, Awu, kyipfa nyi wuṙo kyilechihiṟa mbele yapfo.” Kagamba, “Ngyimṙambikye shoose na Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya Mana akunda imtambuluya. Nnjonyi na koko, nyoe moose muiwina na muwalemie nyi maṟio, na inyi ngyechimuonyonyisha. Waṙilyienyi iṟunda-lyi ngyimṙambika, mukuloshe koko; kyipfa inyi ngyimhoo na muindi mrimenyi; na nyoe mochiwaṙa ufoṟo mrimenyi konyu. Cha kyipfa kyilya ngyimmbia kyikyicha konyu, na ṟio ngyimṙika lyilyiangu.”

聞く Matayo 11