The Konkomba Old Testament

<div class="version vid1150 iso6393xon" data-vid="1150" data-iso6393="xon">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s1">Uwumb&#596;r aah nan yin Abram pu na</div><div class="p"> 1Uwumb&#596;r nan bui Abram ke, &#8220;Nya aado yaab aati&#331; ni, ni saanib, ni aate do, ki buen kiti&#331; ki m ga di ki m&#596;k si na ni.#12.1: Lik Lituln 7.2-3; Hiibru Yaab 11.8. 2M ga cha aa maa ki p&#596;r pam, le saamaal ga &#331;a linibokpaan. M ga &#331;a tinyoor &#331;a aa pu, le aa ga li kpa liyimbil, le aa pu, binib ga kan tinyoor m chee. 3M ga &#331;a tinyoor &#331;a unii um&#596;k &#331;a tinyoor &#331;a aa pu na, ki ga puun lii unii um&#596;k puun lii aa pu na, le aa pu, m ga &#331;a tinyoor &#331;a &#331;inibol m&#596;m&#596;k pu.&#8221;</div><div class="p"> 4N&#8209;yoonn mu Abram nan ti saa &#331;ibin imonko itaa ni kipiik ni &#331;i&#331;mu na, le u nyan Harann aati&#331; ni, Uwumb&#596;r aah nan bui u ke u &#331;a pu na, le Lot nan dii u buen. 5Abram nan yoor upuu Sarai, ni Lot u ye unaal Harann aajap&#596;&#596;n na, ni waawangol m&#596;m&#596;k, ni waanaagbiib bi m&#596;m&#596;k bi u nan kan Harann aati&#331; ni na, le bi piin ki cha Kanaann aati&#331; ni.</div><div class="p">N&#8209;yoonn mu bi ti fuu Kanaann aati&#331; ni na, 6le Abram chuun dii kiti&#331; ngbaan ni, le ki ti fuu bususakpem bu bi yin bu ke More, ki bi Sekem aati&#331; ni na chee. N&#8209;yoonn ngbaan, Kanaann yaab nan laa beenin bi kiti&#331; ngbaan ni. 7Uwumb&#596;r nan dan Abram chee le ki nan bui u ke, &#8220;Kiti&#331; kee le m joo m di tii saamaal.&#8221; Nima chee le Abram maa kitork aabimbiln tii Uwumb&#596;r u nan dan u chee na. 8Nimina aapuw&#596;b, le u ki fii ki buen &#331;&#331;angii w&#596;b, ki ti fuu &#331;ijoo aati&#331; ki bi Betel aawipuul w&#596;b na, ki kal Betel ni Ai aakaasisik ni. Betel nan bi liwilir w&#596;b, Ai mu nan bi liwipuul w&#596;b. Nima chee mu u nan ki maa kitork aabimbiln, le ki toor kitork ki doon Uwumb&#596;r. 9U nan ki fii nima chee, ki chuun ki doo nsan ni, ki ti ki fuu Kanaann aapepel li bi &#331;&#331;angii w&#596;b na.</div><div class="s1">Abram aah nan buen Ijipt aati&#331; ni pu na</div><div class="p"> 10T&#596;, n&#8209;yoonn mubaa le nkon nan lir Kanaann aati&#331; ni. Nkon ngbaan nan p&#596;&#596; ti nya&#331;. Nima pu le Abram nan buen Ijipt aati&#331; ni, u ti laa li bi nima aan bi kan tijikaar ki ji. 11Baah nan ban bi koo Ijipt aati&#331; ni na, le Abram bui upuu Sarai ke, &#8220;Aa ye upii u &#331;an na la. 12Ijipt yaab yaa kan si kan, bi ga bee ke aa ye mpuu la, le bi ga ku mi, ki gaa si. 13Bui bi ke nninkpan le ye si. Nima kan bi ga cha m li bi, ki &#331;a mi ti&#331;ann.&#8221; 14Baah ti fuu Ijipt na, Ijipt yaab nan sil kan ke Abram aapuu Sarai &#331;an pam. 15Ub&#596;r ngbaan aaninkpiib nan sil kan Sarai, le ki buen ti bui ub&#596;r, Sarai aah &#331;an sakpen pu na, le ki di u buen ub&#596;r aachiln ni. 16Sarai pu na, ub&#596;r ngbaan nan &#331;a Abram ti&#331;ann pam, le ki tii u ipiih, ni i&#331;oob, ni inaa, ni ibon, ni binaagbiib, ni laakumii tiib.</div><div class="p"> 17T&#596;, ub&#596;r aah nan gaa Sarai, Abram chee na, le Uwumb&#596;r nan cha iween i bir na lir u ni waachiln aanib pu. 18Iween aah lir ub&#596;r ni udo yaab pu na, le u tun ki ti yin ni Abram, le ki nan baa u ke, &#8220;Ba &#331;a aa &#331;a mi kina? Ba &#331;a saa tuk mi mbam&#596;n ke u ye aapuu la? 19Ba &#331;a aa tuk mi ke u ye aaninkpan la, ki cha m yoor u ki di &#331;a mpuu? Aapuu s&#596;. Gaa u, ki di u nya kiti&#331; kee ni.&#8221; 20Ub&#596;r ngbaan nan cha waanib jenn nyan Abram, ni upuu, ni waawan m&#596;m&#596;k, waati&#331; ni.</div>
 </div>
 </div>
</div>

Uwumbɔr nan bui Abram ke, “Nya aado yaab aatiŋ ni, ni saanib, ni aate do, ki buen kitiŋ ki m ga di ki mɔk si na ni. M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee. M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”
N‑yoonn mu Abram nan ti saa ŋibin imonko itaa ni kipiik ni ŋiŋmu na, le u nyan Harann aatiŋ ni, Uwumbɔr aah nan bui u ke u ŋa pu na, le Lot nan dii u buen. Abram nan yoor upuu Sarai, ni Lot u ye unaal Harann aajapɔɔn na, ni waawangol mɔmɔk, ni waanaagbiib bi mɔmɔk bi u nan kan Harann aatiŋ ni na, le bi piin ki cha Kanaann aatiŋ ni.
N‑yoonn mu bi ti fuu Kanaann aatiŋ ni na, le Abram chuun dii kitiŋ ngbaan ni, le ki ti fuu bususakpem bu bi yin bu ke More, ki bi Sekem aatiŋ ni na chee. N‑yoonn ngbaan, Kanaann yaab nan laa beenin bi kitiŋ ngbaan ni. Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na. Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr. U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

Tɔ, n‑yoonn mubaa le nkon nan lir Kanaann aatiŋ ni. Nkon ngbaan nan pɔɔ ti nyaŋ. Nima pu le Abram nan buen Ijipt aatiŋ ni, u ti laa li bi nima aan bi kan tijikaar ki ji. Baah nan ban bi koo Ijipt aatiŋ ni na, le Abram bui upuu Sarai ke, “Aa ye upii u ŋan na la. Ijipt yaab yaa kan si kan, bi ga bee ke aa ye mpuu la, le bi ga ku mi, ki gaa si. Bui bi ke nninkpan le ye si. Nima kan bi ga cha m li bi, ki ŋa mi tiŋann.” Baah ti fuu Ijipt na, Ijipt yaab nan sil kan ke Abram aapuu Sarai ŋan pam. Ubɔr ngbaan aaninkpiib nan sil kan Sarai, le ki buen ti bui ubɔr, Sarai aah ŋan sakpen pu na, le ki di u buen ubɔr aachiln ni. Sarai pu na, ubɔr ngbaan nan ŋa Abram tiŋann pam, le ki tii u ipiih, ni iŋoob, ni inaa, ni ibon, ni binaagbiib, ni laakumii tiib.
Tɔ, ubɔr aah nan gaa Sarai, Abram chee na, le Uwumbɔr nan cha iween i bir na lir u ni waachiln aanib pu. Iween aah lir ubɔr ni udo yaab pu na, le u tun ki ti yin ni Abram, le ki nan baa u ke, “Ba ŋa aa ŋa mi kina? Ba ŋa saa tuk mi mbamɔn ke u ye aapuu la? Ba ŋa aa tuk mi ke u ye aaninkpan la, ki cha m yoor u ki di ŋa mpuu? Aapuu sɔ. Gaa u, ki di u nya kitiŋ kee ni.” Ubɔr ngbaan nan cha waanib jenn nyan Abram, ni upuu, ni waawan mɔmɔk, waatiŋ ni.

聞く Mpiin 12