Bambata Pai 10
10
Pa angbatunga awiri Noa
(1 Peka 1:5-23)
1Arika angbatunga awiri Noa du re, nga Seme, Ama na Yepete; i abatika agude fu yo fuo ime akangbi. 2Agi yo re nangia awiri Yepete: Gomere, Magoga, Madai, Yavana, Tubara, Meseke, na Tirasa. 3Agi yo re ki ngia awiri Gomere: Asekenaza, Rifata, na Togaruma. 4Agi yo re ki ngia awiri Yavana: Erisa, Tarusisa, Kiti, na Dodana. 5Dagba agi yo re aboro ki ndu ku rogo agu arago nadu ti ngba gango baime. I ki kparaka ku rogo gayo aringara yo, na wa apayo adu ni ba sa sa na arikayo, dagba gayo arikaaboro.
6Agi yo re nangia awiri Ama: Kusa, Miseraima, Puta na Kanana. 7Awiri Kusa ki ngia Seba, Avira, Sabeta, Rama na Sabetaka. Awiri Rama ki ngia Seba na Dedana. 8Kusa ki batika Nimeroda; ko ki du ni bambata iranyaka auru kpotosende. 9Ko adu ni nyanyaki bamangianya bara bangiri Yekova; si du i niya ti ni, “Wa kina Nimeroda nga nyanyaki bamangianya bara bangiri Yekova.” 10Tonatona gako ngbi nangia Babera na Ereke na Akada na Karene, si dunduko rogo gu ringara nga Sinara. 11Ko aguari rogo gu ringara re ka ndu ku Asura yo, ki dua Nineve, na Robota Ira na Kara a, 12na Resene dagba Nineve na Kara; si nga gu bakere bakporo re. 13Miseraima ki batika aRudo, aAnimo, aRabo, aNefetuo, 14aPateruso, aKasaro (i nangia agu yo aFereseto aenge ti yo), na aKafatoro.
15Kanana ki batika Sidona ni bambata wiriko, na Ete, 16na aYebuso, aAmoro, aGirigaso, 17aIvo, aAruko, aSino, 18aAruvado, aSemaro na aAmato. Fuo gure arika aKanano ki gbandaka agbandaka ku rogo arago dunduko. 19Ga aKanano ringara ki ndu andu tona Sidona yo, ki da ku Gaza yo, ku ngba gene Gerara yo, na ku Rasa yo, ku ngba gene Sodomo yo, Amoro yo, Adama yo na Zeboima yo. 20Agi yo dunduko re nangia awiri Ama, a wa arikayo adu, na apayo, rogo gayo aringara, na gayo arikaaboro.
21I ki batika agude fu Seme a, Seme nangia ba awiri Ebere dunduko, ni unvurua Yepete. 22Agi yo re nangia awiri Seme: Erama, Asura, Arufakasada, Ruda na Arama. 23Agi yo re ki ngia awiri Arama: Usa, Ura, Getere, na Masa a. 24Arufakasada ki batika Sera; Sera ki batika Ebere. 25I ki batika agude ue fu Ebere: rimo gu ko sa nangia Perege, bambiko ti gako rago zegino adu ni kparakakparaka ha, rimo wirinako ki ngia Yoketana. 26Yoketana ki batika Aremodada, Serefe, Asaramaveta, Yara, 27Adorama, Uzara, Dikara, 28Obara, Abimaere, Seba, 29Ofiri, Avira, Yobaba; agi yo re nangia kinaku awiri Yoketana dunduko. 30Gu ringara i araki rogo ho si atona Mesa yo ku ngba gene Sefara yo ki da ti gu bagangara du ku uroyo. 31Agi yo re nangia awiri Seme, a wa arikayo adu, na apayo, rogo gayo aringara, na gayo arikaaboro.
32Agi yo re ki ngia arika awiri Noa, a wa gayo angbatunga adu, na gayo arikaaboro; dagba agi yo re arikaaboro ki du ni kparakakparaka yo ku auru kpotosende fuo ime akangbi.
Attualmente Selezionati:
Bambata Pai 10: ZB1978
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
La Sainte Bible en Zande © Alliance Biblique Universelle, 1978.
