OKHUCHIAKA 5
5
Tsinzibulo tsia Adamu
(1 Aketsi. 1:1-4)
1Kano niko amera ketsinzibulo tsia Adamu. Olwa Nyasaye yalonga omundu yamulomba mukhufwana khukhwe omwene.#Okhuch. 1:27-28 2Yabalonga omusaatsa nende omukhasi, nabalaamila ikhabi ma nabakulikha “Abandu.”#Mat. 19:4; Mk. 10:6 3Olwa Adamu yali nemihika emia ndala nende amakhumi kataru yebula omwana owafwanana n'naye ma namukulikha Setsi. 4Adamu yamala emihika etsimia munane namal'le okhunyoola Setsi, ma nanyoola abaana bandi khandi, abasiani nende abakhaana. 5Yafwa nali nende emihika etsimia tsirano nachine nende amakhumi kataru.
6Olwa Setsi yali nemihika emia ndala nende chirano yanyoola omwana owalangwa Enoshi, 7ma namenya emihika chindi etsimia munane nachine nachitaru. Yanyoola abaana bandi, 8ma nafwa nali nende emihika etsimia tsirano natsine nende likhumi nachibili.
9Olwa Enoshi yali nemihika amakhumi karano nakane yanyoola omwana owalangwa Kenani, 10ma namenya emihika chindi etsimia munane nende likhumi nachirano. Yanyoola abaana bandi, 11ma nafwa nali nende emihika etsimia tsirano natsine nende chirano.
12Olwa Kenani yali nemihika amakhumi kane nakataru, yanyoola omwana owalangwa Mahalaleli, 13ma namenya emihika chindi etsimia munane nende amakhumi kane. Yanyoola abaana bandi. 14Ma nafwa nali nende emihika etsimia tsirano natsine nelikhumi.
15Olwa Mahalaleli yali nende emihika amakhumi kasasaba nachirano yanyoola omwana owalangwa Yaredi, 16ma namenya emihika chindi etsimia munane namakhumi kataru. Yanyoola abaana bandi, 17ma nafwa nali nende emihika etsimia munane nende amakhumi karano nakane nachirano.
18Olwa Yaredi yali nende emihika emia ndala nende amakhumi kasasaba nachibili yanyoola omwana owalangwa Enoka, 19ma namenya emihika chindi etsimia munane. Yanyoola abaana bandi, 20ma nafwa nali nende emihika etsimia tsirano natsine nende amakhumi kasasaba nachibili.
21Olwa Enoka yali nende emihika amakhumi kasasaba nachirano yanyoola omwana owalangwa Metsusela. 22Olunyuma lwokhwibula omwana uyo, Enoka yamenya mubulala na Nyasaye emihika etsimia tsitaru ma nanyoola abaana bandi. 23Yamenya emihika etsimia tsitaru nende amakhumi kasasaba nachirano.
24Yamenya obulamubwe bwosi mubulala nende Nyasaye ma narulaho sichila Nyasaye yamubukula.#Heb. 11:5; Yuda 14
25Olwa Metsusela yali nende emihika emia ndala nende amakhumi munane nende chine nachitaru yanyoola omwana owalangwa Lameki, 26ma namenya emihika chindi etsimia tsirano natsine nende amakhumi munane nachibili. Yanyoola abaana bandi, 27ma nafwa nali nende emihika etsimia tsirano natsine nende amakhumi kasasaba nachirano nachine.
28Olwa Lameki yali nende emihika emia ndala nende amakhumi munane nachibili yanyoola omwana omusiani. 29Namukulikha Noa, naboola mbu, “Okhurula khwiloba lio MWAMI yalaama, omwana uno nakhuleminjie emioyo mumilimo chiamakhono kefwe.” 30Lameki yamala namenya emihika chindi etsimia tsirano nende amakhumi karano nakane nachirano. Yanyoola abaana bandi 31ma nafwa nali nende emihika etsimia tsine natsitaru nende amakhumi kane nakataru nende chine nachitaru.
32Olwa Noa naye yali nende emihika etsimia tsirano yanyoola abaana bataru Shemu, Hamu nende Yafetsi.
Attualmente Selezionati:
OKHUCHIAKA 5: EBAIBO
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
©Bible Society of Kenya, 2019
