Sawmus 13
13
Kiyavwiye, aysawhki pis amnihunnek?
1Kiyavwiye Uhokri, aysawhki pis kiyenunek akiw? Mmah pis miyehpenuma adahan avavyekwa? Aysawhki pis iveg numkanit akiw?
2Nah kuwis hiyap mbeyne ka aynsima hawkri kuwis. Aysawhki inin mpiyanek nuwhu? Aysawhki nuvetunyavu ka matakannek akiw?
3Kiyavwiye nuwohkiga, amnihun iveg numkanit kuri. Kaytwa nuwnuh. Iki nutuh nudatni akiw kahadbe nah ka miyapma.
4Ayge nikwe igkis nuvetunyavu ka iknek adahan batek giminkis akak ku samah nah tuguhkise nuboka. Ine kawnata iknek adahan igkis awna: “Usuh kuwis matekevgi.”
5Kiyavwiye, nah kamaxwa avitit pamnihra. Nuyakni bateknek ka aynsima, mmanawa nah hiyak ku pis amnihunnek.
6Nah paknek avat adahan kabeyhene Kiyavwiye Uhokri Dehetniye, mmanawa ig ka gabaysima nukakuh.
Attualmente Selezionati:
Sawmus 13: pluPB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2018, Wycliffe Bible Translators, Inc. All rights reserved.