I Versetti Biblici più popolari da Luke 4

Condividi

Anyinɛnyɔ 'na zuzu -ko -ame "ku, sɛko -wɛ nea, 'ɔ 'ŋwɛnɛ- -ame, -se 'e "kɛ 'Denaade 'nyɛzenya -sɛle. 'Ɔ -lebhe -ame -se 'e "kɛ -jiɛnya 'lu 'wlime -sɛ, -se 'e "kɛ -kpelɔbhɔnya 'na 'yli "ku vulu-, -se 'e "kɛ -ye 'wa ziɛ 'nyɛze -wɛ 'na galu 'di. -Se 'e "koa 'de -sɛle nɛɛ Anyinɛnyɔ 'na "nɛnekoɛ 'na 'ylime 'ye -ylobɛ ne lɛ.

"Ne Zezu yu -lɔ bhulɛle- nɛɛ: 'Ɛ kɛleɔ- Lagɔbɔgo "me nɛɛ: Anyinɛnyɔ -neɛ' Lagɔ 'ye -e "kɛ 'ce -lɔ "zo, "ne 'ɔyi -bholo -kpee 'ye -e "kɛ 'ce -lɔ "ku lɔbhɔ-.

"Ne Zezu yu -lɔ bhulɛle-, 'ɔ nɛɛ: «'Ɛ kɛleɔ- Lagɔbɔgɔ "me -gbɔ: 'Nyɔkpɔ "ne lɔbhɔ -ko "fɔlɔ 'ɛyikɔ za.»

Zuzu Wlewle 'kwlile- Zezu "ku, 'ɔ 'bha- Zludɛbɔ "me. "Ne Lagɔ-zuzu yu -lɔ 'kɔsɛku kɔme-.

"Ne Zezu yu -lɔ bhulɛle- nɛɛ: «'Ɛ 'kɛleɔ- -me 'lelee Lagɔbɔgɔ "me nɛɛ: Te -kɛ Anyinɛnyɔ -neɛ' Lagɔ "me 'bea-.»

'Ɔ "kɔ -li 'klekle "me 'beale- "bhuɔ ne, "ne "ɛ Sata yu -lɔ 'guɔ 'ylile- -kaa "tɛnye -ye 'wa -sɛ lɔbhɔ -wɛ "kɛ ylɛ.

"Ne "ɛ Sata yu 'lelee -lɔ -zicɛtlo 'vli kɔme-, "ne 'ɔ yu -lɔ dodo ne "ku 'na -glɔ 'klekle -nyɛ "bhle 'na -klɔgbɔ "bhaa 'ylime tua-. "Ne 'ɔ yu -lɔ bhulɛle- nɛɛ: 'E yi -eyi "ɛ 'bhɛloɛ -wɛ kɔ 'je, 'ɛ -nyɛ dodo ne "ku 'na -klɔgbɔ "bhaa. Sɛko -wɛ -ame 'ye 'wa 'je- -lɔ kɔ, "ne 'e 'je -lɔ -ye 'e 'yɔbhɔ -wɛ kɔ. Zaa -eyi, -e kɛ -ame "zo-, 'e 'yi -eyi kɔ 'je 'klekle. "Ne Zezu yu -lɔ bhulɛle- nɛɛ: 'Ɛ kɛleɔ- Lagɔbɔgo "me nɛɛ: Anyinɛnyɔ -neɛ' Lagɔ 'ye -e "kɛ 'ce -lɔ "zo, "ne 'ɔyi -bholo -kpee 'ye -e "kɛ 'ce -lɔ "ku lɔbhɔ-.

"Ne "ɛ Sata yu -lɔ Zeluzalɛme kɔme-, "ne 'ɔ yu -lɔ "Mebɔbɔlebhudu 'na "nɔgɔ didigbe 'vli kɔme-, "ne 'ɔ yu -lɔ bhulɛle- nɛɛ: -E "kɛ 'diɛɛ Lagɔ 'na Yu yɔ, 'gbeti. "Naa-, sɛne 'ɛ kɛleɔ- -lɔ nɛɛ: 'Ɔ yi 'ce -neɛ' za 'ɔnɛɛ "nɔgɔzilia bhulɛle- -gbɔ 'wa slu- -eyi. "Ne 'wa yi 'lelee -eyi kɔ slu- -se -e te -kɛ 'tiyi gɔzɔ -wɛ. "Ne Zezu yu -lɔ bhulɛle- nɛɛ: «'Ɛ 'kɛleɔ- -me 'lelee Lagɔbɔgɔ "me nɛɛ: Te -kɛ Anyinɛnyɔ -neɛ' Lagɔ "me 'bea-.»