I Versetti Biblici più popolari da Matius 18

Condividi

Fali farlan tomwatar fen du nre tel rafburat sir ma rsampayang ma rtar ngarangw, keta kor sir na iane nbal.

Ma kfwalak ber a kmi a nbal: Na saryamprene ye farlan tomwatar du nof a kmi a ne rfat ma lese ma rtak kabanir sa nof Amangw na surga, keta I nal safe ma mtyak a ne.

Mpe Yesus ntar kanak sa ma nluan ma namdir twalelenir. Ne Yesus nfalak, “Mdyengar fen ngamone safe ma kfwalak ye. Ni botuan e farlan kmi to mtyate mir adat yatkar ma myose felmir farlan kangkir, keta to myeluk Ratu Ni tomwatar noak ma neluk Rai ma nfarete tomwatar.”

Nempa ise ma nafufu nbali i ma nose felany farlan kangkir, keta silai i a nlengan nof Ratu Ni tomwatar monuk noak ma nfarete neluk Rai ma nfarete tomwatar.

Ma ise ma nalele Yakw ma nlangun tomwatar ma to ubnir sasaf farlan kangkir, iane feti i nlangun Yakw lo.

Yakw kfwalak ber a kmi, “Ni botuan e safe-safe monuk ma myose mtyeri na saryamprene ye, keta Ratu nose nteri na surga nbal. Ma safe-safe monuk ma myinrang na saryamprene ye, keta Ratu ninrang na surga nbal.”

Ne Yesus nfalak, “Iane feleles farlan Amangw ma namin surga nose ber kmi a nbal, farlan to mlyure tomwat walyetar nir salar myor dalmir kateman.”

Ne Yesus nfalak a nbal, “Ise ma nwayat ma kangkir sa nof kangkir ma ralele Yakw ye rfufw far sale, ni ngafele e rkete baty silayar sa na tomwate ne nawan ma ryebas i far tasik dalam.”

Yesus nfalak a nbal, “Contoh farye: farlan nof a kmi ye tomwatar sa ni domba rati, ne ni domba lese nlai, keta i nose farpe? Botuan feti keta i nau kalin ni domba buty siw resin siu ne na lenran, betno nti nanriak domba ma nlai ne.