I Versetti Biblici più popolari da Матай 5

Condividi

Шам шатасн цагт күн терүг бүркхш. Герл өгтхә гиһәд өргәд деегшән тәвнә. Тиим кевәр тана герл олнд тусҗ герлттхә! Әмтн тана сән үүл үзҗ, Теңгрин Эцкитн туурулх.

Орчлңгин герл тадн! Уул деер бәәсн балһсн әмтнә нүднәс бултҗ чадшго.

Цевр уха-седклтәнь буйн-кишгтә! Эдн Бурхиг үзх.

Бурхна дуриг күцәхәр шунҗ хәәҗәхнь буйн-кишгтә! Бурхн тедниг хаңһах.

Би болхла таднд иигҗ келҗәнәв: өшәтндән дурта болтн, тадниг көөҗәх әмтнә төлә зальвртн.

– Бурхиг керглдг улс буйн-кишгтә! Эдн Теңгрин орна улс.

Эвинь олҗ хадһлдгнь буйн-кишгтә! Эдниг Бурхн Эврәннь бүлд орулх.

Һашудҗасн әмтн буйн-кишгтә! Бурхн тедниг төвкнүлх.

Бурхна дуриг күцәснәс көлтә көөгдсн улс буйн-кишгтә! Эдн Теңгрин орнахн.

Өршәңгү седклтәнь буйн-кишгтә! Бурхн тедниг өршәх.

Нанас көлтә тадниг му келәд, көөһәд, хов-худлар муурулҗ һутахла, тадн кишгтәт! Байсҗ байрлтн, ик ач тадниг теңгрт күләҗәнә. Таднас урд бәәсн әәлдәчнриг чигн бас тиигҗ көөлә.

Номһн заңгтань буйн-кишгтә! Бурхна өгхәр бәәсиг эдн авх.

Орчлңгин давсн – тадн! Давсн амтан геехлә, юуһар амтынь орулхмт? Амтн уга давсиг керго болсн төләд, әмтнә көл дор шивнә.

Тегәд Тана Теңгрин Эцклә әдл буйн төгс болтн!

«Э» – гихәр седхлә, «Э» – гитн; «Уга» – гихәр седхлә, «Уга» – гитн. Энүн деер немҗ келснь эрлгәс һарчана.

«Кен чигн тана нег нүдитн сохлхла, терүнә нүдинь сохлтн. Кен чигн тана шүдитн хамхлхла, терүнә шүдинь хамхлтн», – гиҗ келсиг тадн соңслат. Би болхла таднд иигҗ келҗәнәв: чамд му кесн күүнәс өшәһән бичә нек. Кемр чамаг му келәд барун халхарчнь ташхла, зүн халхан тәвҗ өг.

Барун нүднчн җилв хальдахла, салһад авад хайчк. Бүкл цогцарн мөңк һалд орхин ормд нег мөчәр дутсн деер. Барун һарчн җилв хальдхла, тәәрәд авад хайчк. Бүкл цогцарн мөңк һалд орхин ормд нег мөчәр дутсн деер.