I Versetti Biblici più popolari da Matiyu 7

Condividi

Ɗa Yesu u danai kpamu, “LyaꞋa kelime n kufolono, vi ta̱ ta na a̱ kuciya̱ ili i na vu folonoi. LyaꞋa kelime n kula̱nsa̱, vi ta̱ a̱ kuciya̱ i na vi a̱ kula̱nsa̱. LyaꞋa kelime n kuka̱la̱sa̱ utsutsu, Ka̱shile ki ta̱ a kuzuwa a̱ ɓa̱yuwa̱ka̱ wu u ɗa.

Adama a na aza a na baci o tsu folono, i ta̱ a̱ kuciya̱ ili i na o folonoi. Aza a na baci a̱ tsu la̱nsa̱, i ta̱ a̱ kuciya̱ ili i na i a̱ kula̱nsa̱. Aza a na baci a̱ tsu ka̱la̱sa̱ utsutsu, Ka̱shile ki ta̱ a̱ kuɓa̱yuwa̱ka̱ le u ɗa.

Amma u lyaꞋi kelime, “Adama a nannai, vuza na baci de dem u panai kadanshi ka̱ va̱ ka nam pa ɗa u tonoi kaꞋa, wi ta̱ an vuma vu ugboji vu na wi a kumaꞋa kpaꞋa ku ni ɗa u ga̱va̱i biꞋi, ɗa u yevei u varai kumaꞋa ka a kakpanlai.

YaꞋanka uma ili i na vi cigai a yaꞋanka wu. Na va ɗaɗa ili i na kuyotsongusu ku Musa n ku Eneki ku danai.”

Amma utsutsu u na u tonoi a kubana a̱ ubuta̱ u wuma u babu uteku n uye u ni feu wi ta̱ ɓori, wi ta̱ kpamu n atakaci a nwalu. Uma ukeci koci ɗa a̱ kuciya̱ uye u nan lo.”

Yesu u danai, “Uwai o tsugono tsu Ka̱shile n utsutsu wu uɓori. Uye u na u tonoi a kubana a kpaꞋa ka akina n utsutsu u ni feu wi ta̱ n wanshi. Nwalu kpamu a kubana ɗe babu atakaci. Uma n a̱bunda̱i ɗa ta na i a nwalu a uye u nan lo.

Ko a na yi aza a gbani-gbani, i tsu neke ta̱ muku n ɗa̱ kuneꞋe ku singai. A̱yi Esheku a̱ ɗa̱ a na i gaɗi, a laꞋa ta̱ biꞋi, wi ta̱ ufoɓushi ka̱u adama a na u neke aza a na o folonoi ni kuneꞋe ku singai!

Yesu u lyaꞋi kelime n kuyotsongusu le kpamu ɗa u danai, “Ka̱ta̱ i yaꞋanka uma afada ba, ta lo Ka̱shile ka yaꞋanka ɗa̱ afada. Uteku u na dem vi yaꞋankai uma a̱ ubuta̱ wa afada, ta feu a kuyaꞋanka wu nannai.

“Amma vuza na baci de dem u panai kadanshi ka̱ va̱ ka nam pa, ɗa u kpa̱ɗa̱i kutono kaꞋa, wi ta̱ an kalau ka vuma ka na ka maꞋi kpaꞋa ku ni a kayala.

“Yi ɗa̱i i zuwai ɗa vi a kindana ili i kenu i na yi picici a̱ ka̱shi ko vutovu, amma ve ene kogboli ka na ki a̱ ka̱shi ka̱ nu ba? Nini ɗai va ku dana tovu, ‘YaꞋan n takpa kakiku ka na ki a̱ ka̱shi ka̱ nu’? La̱nuku biꞋi ka̱ci ka̱ nu! Avu ɗa lo biꞋi n kogboli a̱ ka̱shi ka̱ nu.

Yesu u lyaꞋi kelime ɗa u danai, “Ka̱ta̱ i yaꞋan cicoꞋo n eneki a aꞋuwa, a̱ tsu ta̱wa̱ ɗa̱ ta̱ an nkyon vi baci e kene le, amma punu a asuvu e le i ta̱ ana nkunzukunzu. Yi ta̱ e kuyeve le a̱ ubuta̱ wu ulinga u le, uteku u na e ci yeve maɗanga a̱ ubuta̱ wu umaci u ni. Va kutaꞋa ma̱biri a maɗanga ma awana ba, ko ma̱ɗimbi† ma kumatsa o kokovu ba.

Maɗanga ma singai ma tsu matsa ta̱ umaci u singai, maɗanga ma gbani-gbani kpamu ma tsu matsa ta̱ umaci u gbani-gbani.

Maɗanga ma singai ma kumatsa umaci u gbani-gbani ba, maɗanga ma gbani-gbani kpamu ma kumatsa umaci u singai ba.

Uma a tsu kapa ta̱ maɗanga ma na de dem ma iwain kumatsa umaci u singai, ka̱ta̱ a varuku maꞋa a akina.