Matalikilo 12
12
Abramu mbwaakalonga kuzwa ku-Harani kuya ku-Kanana
1 #
Inc 7:2-3; Heb 11:8; Matl 15:7 Lino Jehova wakaambila Abramu kuti, Kozwa munyika yako akucisi cabuzyale bwako akuluzubo lwauso, ukainke kucisi ncenti kutondezye, 2#Matl 17:6; 18:18; 46:3; My 23:10; Dt 26:5; 1 Bam 3:8Njoocita kuti ube musyobo mupati. Njookupa coolwe akulemya izina lyako, ube coolwe. 3#Gal 3:8; Matl 24:35; 27:29; Kul 23:22; My 24:9; Matl 22:18; 26:4; 28:14; Int 72:17; Inc 3:25Kufumbwa muntu uukulongezya njoomulongezya, ayooyo uukusampaula Njoomusampaula. Alimwi mulinduwe misyobo yoonse yabantu iyoojana coolwe.
4Lino Abramu wakainka, mbubonya mbuli Jehova mbwaakamwaambila. Alakwe Loti wakainka awe. Nkabela Abramu kajisi myaka iili makumi aali musanu aabili amyaka yosanwe naakazwa ku-Harani. 5#Matl 11:31; Heb 11:8Nkabela Abramu wakatolelela Sarai banakwe, a-Loti mwana wamwanike wakwe, ambono zyabo zyoonse nzibakavubide, abasiŋanda boonse mbobakajene ku-Harani, Bakainka kuya kunyika ya-Kanana, nkabela bakasika nkukonya oko kunyika ya-Kanana. 6#Joh 4:5; Dt 11:30; Bab 7:1Lino Abramu wakainda akati kanyika mane wasika kuSekemu, kumubanga waku-More. Nkabela ba-Kanana bakacili munyika. 7#Inc 7:5; Gal 3:16; Matl 17:1; Dt 34:4; Int 105:9-12; Matl 13:4Lino Jehova wakalibonya kuli-Abramu, wakati, Nyika eyi njooipa lunyungu lwako. Elyo wakayakila Jehova cipaililo mpoonya awo Jehova mpaakalibonenya kulinguwe. 8Nkabela kuzwa oko wakalongela kucilundu cakujwe lya-Beteli, wayaka cilao cakwe nkuko, akatikati kaminzi yobile, Beteli kuuli kububbila, Ai kuuli kubuzwezuba. Aalo awo wakayakila Jehova cipaililo, wakomba muzina lya-Jehova. 9#Matl 13:3Pele Abramu kaciya bweenda, kaciya buya kumusanza.
Abramu mbwaakaya ku-Egepita
10 #
Matl 26:1; Int 105:13; Matl 43:1 Lino kwakaba ipamba munyika, nkabela Abramu wakainka ku-Egepita kuyookala-kala nkuko, nkaambo ipamba lyakabija munyika. 11#Matl 26:7Lino naakasika afwaafwi kumugaano wa-Egepita, wakaambila Sarai mukaakwe kuti, Bona! Ndizi kuti uli mwanakazi mubotu uuebeka loko. 12#Matl 20:11Ncobeni ba-Egepita, bakubona biyo, balaamba kuti, Ngooyu mwanakazi wakwe, Lino balandijaya, pele uwe balakusia. 13#Matl 20:2; 26:7; Int 25:21; Ef 4:25Amba kuti, Ndime mucizi wakwe; aboobo makani alabota kulindime nkaambo kako. Muuya wangu upone nkaambo kanduwe. 14Lino Abramu naakasika ku-Egepita, ba-Egepita bakabona mwanakazi, babona kuti mubotu loko. 15#Es 2:16Nkabela bapati baFarao nebakamubona, bakamutembaula kubusyu bwa-Farao, aboobo mwanakazi wakatolwa kuŋanda ya-Farao. 16Alakwe Abramu wakacitilwa kabotu nkaambo kakwe, nkabela wakajana imbelele aŋombe ambongolo abazike abalanda banakazi ambongolo inzyazi ankamele.
17 #
Matl 20:18; 1 Mak 16:21; Int 105:14; Heb 13:4 Mpawo Jehova wakapenzya Farao abeŋanda yakwe mapenzi mapati nkaambo ka-Sarai muka-Abramu. 18#Matl 20:9; 26:10; Tus 21:1Lino Farao wakaita Abramu, wati, Ino ncinzi eci ncowandicitila? Nkaambonzi tokwe kundaambila kuti ngumukaintu wangu? 19Nkaambonzi nowakaamba kuti mucizi wangu? mane ndakamutola kulindime kuti abe mwanakazi wangu. Ncobeni ngumukaintu wako. Umutole, uinke awe. 20Nkabela Farao wakalailila bantu bakwe, nkabela bakamusindikizya, walo abanakwe aboonse mbaakali abo.
Valið núna:
Matalikilo 12: Ibbaib63
Áherslumerki
Deildu
Afrita
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.