Ruku Rukuni Kama Vaya Ma Uvanteí Pákenai Afova Vaya Ino
Rukuni Kama Vaya Ma Uvanteí Pákenai Afova Vaya Ino
Ma vompon ma uvantein banta ino.
Ena anan pinte vanta Ruku ayofan banta vákan ma minó ano anunu iyan ma inká Porini kama arona váken ma ven má manápá non ma monó dorarí iyá ein manon ma vompon uvanten mino.
Uvarein orana ino.
AD sikisti-tu (62) fin ma Kama Vaya Varen Orin Banta (Aposeri) Kayoi Yoran Bompon ída uvanten mino. Manáa afova vanta kéká ano siyáken AD fifti-eiti (58) ráké sikisti (60) fin ma Sisareá barurá ma Porin karavusií ukhá ein damúi ma vompon uvantan mino. Máan tukhan mi Yisas Karaisini Kama Vaya vá Baya ma Varen Orin Banta (Aposeri) Kayoi Yoran Avúavá bá bompon ma uvaran danasinta vá maí damú anan ovare evare uan átaru ukhen mino.
Ma vompon ma uvantein baru ino.
Kiriki varafin ma vain baru Ákaia safi áa Sisarea safin uvanten nen ten inikhen mino.
Ma vompon ma uvaman amikhein kéká ino.
Ída afová ukhé tiferuna vanta Tiofirasin mifo kákan ineine maen Kiriki varafin ma vain kéká bá inká ena anan kéká ma monó tiyain kayofin má ino.
Nái ana vará ma vompon uvanten nafino.
Yisasini yoran ma oniyáken afová ukhá ein kéká anon mai yoran nan tian amá ukhen mino.
Áherslumerki
Deildu
Afrita
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.