Mateu 3
3
Haga Myẽꞌym 3
Iuwãu Muap Tutunug Iesui Uut Hap Kapiat
Maku 1.1-8; Iruka 3.1-18; Iuwãu 1.19-28 Piat Ewy
1Mekewat eꞌat pe ti Iuwãu woꞌosetꞌok hat tuut raꞌyn yi Iuteu yahig wato kape. Itote wyti toiꞌatumuꞌe kahato raꞌyn. 2Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e. 3Katupono nimo kahato raꞌyn Tupana ehay moherep hat Isaia henoi tomiwan me Iuwãu etiat. Mio tã e -Wẽtup ok ti aru toineꞌen yahig wato totiat tehay pirik wuat woꞌomuꞌe hat e. Miꞌi ti aru henoi henoi waku eweihywytip ipuꞌap ihuut hap owakai e. Miꞌi pote eweimohãpyk to eiminug yt naku i hap huut hap owakai. Mio tã Isaia henoi tomiwan 40.3 pe e. 4Miꞌi turan Iuwãu esokpe ti hũ Kameru sap kawiat. Iꞌewyte iweꞌok kytyt ti hũ pe kawiat. Miꞌi hawyi imiꞌu pohit awiꞌa hy naꞌapy piat tutuꞌu itote. 5Mekewat eꞌat pe tuwat kahato miitꞌin Ierusarẽi miaria Iuta totiaria. Iꞌewyte wuatꞌi tawa hit upiaria Iutãu hy popy etiaria Iuwãu ehay kapiat teꞌerewanetup hamo. 6I tote ti uito ti yt naku i nug hat pote mesup etiwaure raꞌyn uiminug saꞌag iꞌatuꞌe. Mio tã iꞌatuꞌe taꞌatuhenoi hawyi Iuwãu tiꞌatusetꞌok taꞌyn Iutãu hy pe. 7Miꞌi turan Iuwãu tehaꞌat turan tõꞌẽ typyꞌi kahato woꞌomuꞌe haria akag koꞌi Wariseuria hawyi Satuseuria Iuwãu piat taꞌatusetꞌok hamo wen maꞌato mio tã e neꞌi Iuwãu iꞌatuepe -Pyno yt aikotã kuap i te worohoꞌosetꞌok eipe e katupono eipe yt naku i nug haria neꞌi te. Eipe ti moĩ koꞌi ewywuat rẽ haiwot rakaria te neꞌi e. Miꞌi pykai kan hamoĩ eweĩꞌẽ meikowo eiwesetꞌok hamo. Tupana piat eiꞌapiheg hap pupi eweikenꞌẽ haype apo eweiꞌõꞌẽ e iꞌatuepe. 8Taꞌi toipoꞌoro aru eiꞌapiheg hap. Pyno eweiꞌatoiat ro yne eiminug saꞌag koꞌi e. Miꞌi hawyi waku nug haria wo eweikupteꞌen wuatꞌi ehamo. Miꞌi hawyi waku nug haria wo eweikupteꞌen wuatꞌi ehamo. 9Yt naku i eweiꞌe eiwoꞌope -Aito ti Aparãu emiariruꞌin pote yt aiꞌapiheg kuap i eweiꞌe katupono ehewaku hap yt tuut i eheꞌaseꞌi kaipyi neꞌi e. Taꞌi Tupana tikyꞌesat pote tutunug kuap Aparãu emiariruꞌin piit koꞌi meimuẽwat nu koꞌi kawiat e. 10Eiweꞌeg wo o katupono mio Tupana toineꞌen waku pe raꞌyn teꞌywyhap wywo mikoi yp sapo terek hamo. Mekewat ariaꞌyp yt haat kahato i rakat wyti toiterek hawyi toiwuk hamuat aria pe. 11Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e. 12Ipo pe ti toineꞌen awati iãꞌỹi airo hap ypꞌype. Miꞌi hawyi toiporeraꞌat hãꞌỹi hawyi toheiam nug naꞌyn hawyi tohytmoĩ raꞌyn waku puo maꞌato mekewat iꞌape koꞌi ti toiwuk taꞌyn yt karãpiat i hasep takat aria pe.
Iuwãu Timosetꞌok Iesui
Maku 1.9-11; Iruka 3.21-22 Piat Ewy
13Miꞌi hawyi wẽtup eꞌat pe Iesui toto raꞌyn Iutãu hy kape teꞌyi Karireia kaipyi Iuwãu piat tosetꞌok hamo. 14Maꞌato putꞌok e itote hawyi Iuwãu toꞌe Iesui pe -Uikaꞌiwat e eriot apo esetꞌok uhepiat hamo e. Pyno yt naku i uito worosetꞌok Uipotypot neꞌi En tupono. En ni poꞌog uikai e. Miꞌi tupono ti poꞌog waku En uhetꞌok e. 15Mio tã e pote Iesui toꞌe Iuwãu me -Miꞌi hawyi Iesui toꞌe maꞌato Iuwãu me -Waku uhetꞌok en mehin e katupono ti Tupana tikyꞌesat uhetꞌok epiat hap e. Mio tã e pote -Pyno worosetꞌok eꞌe hap ewy e Iuwãu Iesui pe. 16Miꞌi hawyi tosetꞌok rakirẽ Iesui tuwẽtem yꞌy pyi turan atipy tuweꞌapypok taꞌyn. Miꞌi turan Iesui ihaꞌat ywaipe turan putꞌok e raꞌyn Tupana Paꞌãu pykasu ewywuat hawyi pepokꞌe Iesui ete. 17Miꞌi turan toikuap sehay atipy kaipyi -Meiẽ ti Uhaꞌyru sese uimikyꞌe kahato e. Uimowepiit kahato hat e.
Valið núna:
Mateu 3: mav
Áherslumerki
Deildu
Afrita
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.