Luke 11
11
1ဘၣ်တနံၤနဲၢ်, ယ့ၣ်ရှူးဃ့ဘါထုကဖၣ်တၢ်ဖဲတၢ်လီၢ်တတီၤလိ. ဖဲအဝဲဒၣ်အတၢ်ထုကဖၣ်ကတၢၢ်နဲၢ်, အဝဲအခ့အပှၤအကျၣ်တဂၤစံးဘၣ်အီၤ, ‘ကစၢ်ဧိ, သိၣ်လိဘၠီၣ်လိ ပကဃ့ဘါထုကဖၣ်တၢ်, ဒ်စီၤယိၤဟၣ်သိၣ်လိ အခ့အပှၤတလိၣ်အသိးနဲၢ်တကဲၢ်.’ 2ယ့ၣ်ရှူးစံးဘၣ်အဝဲဝီၤ, ‘သုကဘၣ်ဃ့ဘါထုကဖၣ်တၢ်ဒ့းအ့ၤအသိးလိ.
ပၢ်ဧိ, မ်နမံၤဘၣ်တၢ်ပၤစီဆှံအီၤတကဲၢ်.
မ်နဘီနမုၢ်ဟဲတကဲၢ်. 3ဟ့ၣ်ဘၠီၣ်တနံၤဘၣ်တနံၤအတၢ်အီၣ်လိ ပလိၣ်ဘၣ်အီၤနဲၢ်တကဲၢ်.
<br> 4ပျၢ်ကွံၤပတၢ်ဒဲးဘးတလိၣ်တကဲၢ်.
တၢ်ဂ့ၢ်မဲၢ်ဒ့းအ့ၤ ပပျၢ်ဘၠီၣ်ကိးဂၤလိ အမၤကမၣ်ဘၠီၣ်တလိၣ် အတၢ်ကမၣ်လိ.
သုတဒုးလဲၤနုဘၠီၣ်လိ တၢ်လ့ပစီအပူၤတဂ့ၤ.’ 5ဘျီးယ့ၣ်ရှူးစံးဘၣ် အခ့အပှၤတလိၣ်, ‘ပစံးဒၣ်ကလိာ်, သုဝဲအကျၣ်တဂၤမဲၢ်လဲၤလိ အမံဖီၣ်တဂၤအဟံၣ်ဖဲ မုၢ်စူၢ်သးအကတီၢ်ဘျီး စံးဘၣ်အီၤ, ‘မံဖီၣ်ဧိ, မၢယဟံးလိၢ်ကွိၣ်သၢဖျၢၣ်လိ နအိၣ်တကဲၢ်.’ 6ယမံဖီၣ်လိ အလဲၤတၢ်တဂၤဟဲတုၤလိ ယဟံၣ်ဘျီး လိအဝဲဒၣ်အဂီၢ်နဲၢ်, ယတၢ်အီၣ်တအိၣ်နီတမံၤဘၣ်. 7ဘျီး ပစံးဒၣ်ကလိာ်, သုမံဖီၣ်မဲၢ်စံးဆၢသုလိ ဟံၣ်ပူၤ, တဘၣ်မၤတံၤတၤယၤတဂ့ၤမူတြဲၤအိၣ်ကးတံၤဃၤအသးလ့, ဘျီးယဖွိယလံၤဘျီးယၤပအိၣ်လိ လီၢ်မ့းအပူၤလ့. ယဂ့ၤထ့ဟ့နၤတၢ်တသ့းနီတမံၤဘၣ်. 8အနံၤဘျီး တၢ်ကမၤအသးဒ့းလဲၣ်. ယစံးဘၣ်တဲဘၣ်သု, အဝဲမဲၢ်တဂ့ၤထ့ဘျီးဟ့နၤကွိၣ်လိ နမဲၢ်အမံဖီၣ်အဃိလၢၤဘျီး အဝဲဒၣ်ဂ့ၤထ့ဟ့နၤတၢ်ခဲလုၤခဲဆံလိနလိၢ်ဘၣ်အီၤမဲၢ်လိ နဃ့ဝံၤဃ့က့ၤတၢ်နဲၢ်နတမံၤဆှးဘၣ်အဃိလိ. 9ဘျီးလိ တၢ်နံၤအဃိယစံးဘၣ်သုဃ့တၢ်တကဲၢ်. ဘျီး သုကန့ၢ်ဘၣ်လိ. ဃုတၢ်တကဲၢ်ဘျီး သုကထ့ၣ်န့ၢ်တၢ်လိ. ဒွိတကျိၣ်တၢ်တကဲၢ်. ဘျီး မူတြဲၤကဘၣ်တၢ်အွိးထီၣ်အီၤလိသုဂီၢ်လိ. 10တၢ်ဂ့ၢ်ဒ့းအ့ၤ, ကယဲၢ်ဘၠီၣ်လိအဃ့တၢ်နဲၢ် ကန့ၢ်ဘၣ်ဝဲ, ဘျီးဘၠီၣ်လိ အဃုတၢ်နဲၢ် ကထ့ၣ်န့ၢ်ဝဲ, ဘျီး ဘၠီၣ်လိ အဒိတကျၣ်တၢ်နဲၢ် မူတြဲၤကဘၣ်တၢ်အွိးထီၣ်နဲၢ်အီၤလိ. 11သုဝဲလိ အမဲၢ်ပၢ်တလိၣ်အကျၣ်တဂၤဂၤ, အဖွိခွါမဲၢ်ဃ့ညၣ်နဲၢ်ကဟ့ဒွိးအီၤလိ ဂူၢ်တဘိၣ်ဧါ. 12မဲၢ်တမဲၢ်ဘၣ်ဘျီး မဲၢ်ဃ့တၢ်အဒံၣ်တဖျၢၣ်နဲၢ်, ကဟ့ဒွိးအီၤလိ ပတ့ၤချဲးတဘိၣ်ဧါ. 13သုအၢၣ်သုသီသနာ်က့, သုသံညါဟ့သုဖွိသုလ့ၤလိ တၢ်အဂ့ၤတလိၣ်လိ. မဲၢ်မဲၢ်ဒ့းန့ၤဘျီး, ပၢ်အိၣ်လိ မွိခွိၣ်တဂၤနဲၢ်, ကဟ့သးစီဆှံလိဘၠီၣ်လိ အဃ့အီၤတလိၣ်နဲၢ်အါန့ၢ်အနဲၢ်တက့ၢ်ဆံးဒွိၣ်လဲၣ်.’ 14ယ့ၣ်ရှူးဟီထီၣ်ကွံးတၢ်နါလိ အတအုၣ်တဒုၣ်လိ. ဖဲတၢ်နါအဝဲနံၤဟးထီၣ်ကွံၤဘျီး ဘၠီၣ်အွိအီတဂၤနဲၢ် ကတိၤထီၣ်တၢ်လိ. ဘၠီၣ်ထီဖူၣ်ထီခၠၢကမၢကမၣ်, 15လၢၤဘျီး ဘၠီၣ်တနီၤစံးဝဲ, ‘ဘၠီၣ်လိ အဟ့အီၤတၢ်စိတၢ်ကမီၤလိ အကဟီထီၣ်ကွံၤတၢ်နါတလိၣ်နဲၢ်, မဲၢ်ဝဲတၢ်နါတလိၣ်အခွိၣ်, ဘၤဧၤလၤစဘူာ်လိ.’ 16မဲၢ်မဲၢ်ဘၠီၣ်အဂၤတလိၣ်သးအိၣ်မၤကွၢ်အီၤသတးဘျီး, မၢအဝဲဒၣ် မၤတၢ်လီၤလၣ်တမံၤဒ်သိးအကပၤဖျါထီၣ်ကစၢ်ယွၤအတၢ်ဘၣ်အသးလိအီၤအဂီၢ်နဲၢ်လိ. 17လၢၤဘျီး ယ့ၣ်ရှူးသံညါအဝဲဝီၤအတၢ်ဆိကမိၣ်တလိၣ် ဘျီး စံးဘၣ်အဝဲဝီၤ ထံကီၢ်တဘ့ၣ်ဘ့ၣ်လိ အမၤလီၤဖးလီၤအသးဘျီး အ့ၣ်လိၤဆိးက့ၣ်လိၤအသးနဲၢ်, တအိၣ်ဂၢၢ်ဆိးကျၢၤယံၤယံၤဘၣ်. ဒူၣ်ဖွိထၢဖွိတဒူၣ်လိ အလီၤဖးဘျီး ထီဒုၣ်ထီဒါလွိၤအသးနဲၢ်, ကလီၤပှီၢ်ကွံၤဝဲဒၣ်လိ. 18လိတၢ်နံၤအဃိ, မုၢ်ကီၤလံၢ်အဘီအမုၢ်မဲၢ်အိၣ်လါ ကရူၢ်တလိၣ်လိအဒုးလွိၤအသးတဖူၣ်လါတဖူၣ်နဲၢ်, အိၣ်ဂၢၢ်ဆိကျၢၤကသ့းဝဲလိကျဲၣ်ဒ်လဲၣ်. သုစံးလိ ယဟီထီၣ်ကွံၤတၢ်နါတလိၣ်မဲၢ်လိ ဘၤဧၤလစဘူာ် ဟ့ယၤတၢ်စိတၢ်ကမီၤလိ ယကမၤယဲအဂီၢ်လိ. 19ယမဲၢ်ဟီထီၣ်ကွံၤအဝဲဝီၤလိ ကျဲၣ်ဒ့းအ့ၤဘျီး, သုခ့သုပှၤတလိၣ်ဟီထီၣ်ကွံၤလိ ကျဲၣ်ဒ်လဲၣ်. သုခ့သုပှၤဒၣ်ဝဲတလိၣ်အုၣ်အသးလိ သုတၢ်ကတိၤနဲၢ်ကမၣ်ဝဲလိ. 20တမဲၢ်ဘၣ်. မဲၢ်တမဲၢ် တခိ ယဟီထီၣ်ကွံၤတၢ်ဝ့းတၢ်နါတလိၣ်လိ ကစၢ်ယွၤအဘီအမုၢ်ဟဲတုၤအိၣ်သုလ့နဲၢ်လိ. 21ဖဲဘၠီၣ်ဂံၢ်ဆူၣ်ဘါဆူၣ်တဂၤလိ အအိၣ်လါအတၢ်စုၣ်ကဝဲၤကတဲၤကတီၤအသးခဲလုၤ, အိၣ်ခိးကွၢ်ထွဲအဟံၣ်အဃီဒၣ်ဝဲနဲၢ်, အတၢ်ဖွိတၢ်လ့ၤတလိၣ်တဟါမၢ်ကွံၤဘၣ်. 22လၢၤဘျီး ဖဲဘၠီၣ်လိ အဂံၢ်အဘါဆူၣ်နဲၢ်အီၤတဂၤ, ဟဲဒူးဘျီး မၤနၢၤကွံၤအီၤနဲၢ်အဝဲစိၤကွံၤတၢ်စုၣ်ကဝဲၤလိ ဟံၣ်ကစၢ်သန့ၤအသးလိ အီၤတလိၣ်ခဲလုၤဘျီးနီၤဖးလီၤတၢ်လိ အဂုၢ်န့ၢ်ဝဲတလိၣ်လိ. 23ဘၠီၣ်တဂၤလၢ်လၢ်အတအိၣ်ပှိၤယၤနဲၢ်, မဲၢ်နီၢ်နီၢ်အမၤပစွိပစါယၤလိ. ဘၠီၣ်တဂၤလၢ်လၢ်လိ အတထၢဖှိၣ်စၢၤယၤတၢ်နဲၢ်, မဲၢ်နီၢ်နီၢ်အမၤစဝ့းစဝိတၢ်လိ. 24ဖဲတၢ်နါတဒုၣ်ဟးထီၣ်ကွံၤဝဲလိ ပှၤကညီတဂၤအပူၤနဲၢ်, အဝဲဒၣ်ဟးလိတၢ်လီၢ်အဃ့ထီဘျီး လူၤချုဝဲတၢ်လီၢ်တတီၤလိ အကအိၣ်ဘှံးအိၣ်သါဝဲအဂီၢ်လိ. အဝဲမဲၢ်တထ့ၣ်ဝဲနီတတီၢ်ဘၣ်ဘျီး စံးလီၤဂ့ၤအသးဒၣ်ဝဲ, ‘ယကက့ၤခွိၣ်ခံဂ့ၤလိ ယဟံၣ်လိ’ ယဟးထီၣ်ပၤစၢၤလိ အပူၤတဖျၢၣ်နဲၢ်လိ.’ 25လိတၢ်နံၤအဃိ အဝဲဒၣ်က့ၤခွိၣ်ခံဂ့ၤဘျီး ထ့ၣ်ဘၣ်ဟံၣ်နဲၣ်ကဆှဲကဆှီဘျီး အိၣ်ကတဲၤကတီၤအသးလိ အဂ့ၢ်အဝီလိ. 26တုၤနုၤတဘျီ အဝဲဒၣ် ဟးထီၣ်ဘျီး ဟဲက့ၤကိးတၢ်နါအဂၤနွံဒုၣ်လိ အအၢၣ်နဲၢ်အဝဲအနီၢ်ကစၢ်, ဘျီးအဝဲဝီၤဟဲဘျီး အိၣ်ဝဲဆိးဝဲဖဲနံၤလိ.’ 272829ဖဲဘၠီၣ်ထီဖူၣ်ထီခၠၢတရံးတံၢ်ပိၤယ့ၣ်ရှူးအၣ်ထီၣ်ဝဲနဲၢ်, အဝဲဒၣ်ကတိၤထီၣ်တၢ်ဘျီး စံးဝဲ, ‘ပှၤကညီလိ မုၢ်မဆါတနံၤအံၤတလိၣ်အၢၣ်ဝဲသီဝဲထဲလဲၣ်ခိလဲၣ်. အဝဲဝီၤ ဃ့တၢ်လီၤလၣ်တမံၤ, လၢၤဘျီးတၢ်တဟ့အီၤလိ တၢ်လီၤလၣ်နီတမံၤဘၣ်. တၢ်ကဟ့အီၤထဲတၢ်လီၤလၣ်တမံၤလိ အဘၣ်ဃးလါ စီၤယိၤနါနဲၢ်လိ. 30ဒ်ဝံယိၤနါမဲၢ်တၢ်ပနီၣ်တမံၤလိ ဘၠီၣ်နံၤနဝ့ဖွိတလိၣ်အဂီၢ်အသိးနဲၢ်, ပှၤကညီဖွိခွါကမဲၢ်တၢ်ပနီၣ်လိ ဘၠီၣ်တစိၤအံၤအဂီၢ်လိ. 31လိ မုၢ်စံၣ်ညီၣ်အနံၤနဲၢ်, ရှဘၤအနီၢ်ပၤမုၣ်ကဂ့ၤထ့ဘျီး ပၤတၢ်ကမၣ်ထီဒါဘၠီၣ်တစိၤအံၤ, တၢ်ဂ့ၢ်မဲၢ်လိ အဝဲဒၣ်ဟဲလိ တၢ်လီၤဖးယံၤဖးထိဒ်သိးအကနၢ်ဟူဘၣ်စီၤရှလိၤမိၤအတၢ်သိၣ်လိသီလိ အပှဲၤလါတၢ်ကူၣ်ဘၣ်ကူၣ်သ့အဃိလိ. မဲၢ်မဲၢ်, ယစံးဘၣ်သု, ဘၠီၣ်လိအဒွိၣ်န့ၢ်ဒံးစီၤရှလိၤမိၤအိၣ်မးဝဲဖဲအံၤတဂၤလိ. 32လိမုၢ်စံၣ်ညီၣ်အနံၤနဲၢ်, ဘၠီၣ်နံၤနဝ့ဖွိတလိၣ်ကဂ့ၤထ့ဘျီး ပၤတၢ်ကမၣ်ထီဒါသု, တၢ်ဂ့ၢ်မဲၢ်လိ အဝဲဝီၤ ဃၣ်ခွိၣ်ခံကွံၤအသးလိ အတၢ်ဒဲးဘးတလိၣ်ဖဲအနၢ်ဟူဘၣ်စီၤယိၤနါ ဟီတရါလီၤတၢ်အဃိလိ. ဘျီးယစံးဘၣ်သု, ဘၠီၣ်လိအဒွိၣ်နဲၢ်ဒံး စီၤယိၤနါအိၣ်မးဝဲထဲအံၤတဂၤလိ. 33လိမုၢ်စံၣ်ညီၣ်အနံၤနဲၢ်, ဘၠီၣ်နံၤနဝ့ဖွိတလိၣ်ကဂ့ၤထ့ဘျီး ပၤတၢ်ကမၣ်ထီဒါသု, တၢ်ဂ့ၢ်မဲၢ်လိ အဝဲဝီၤ ဃၣ်ခွိၣ်ခံကွံၤအသးလိ အတၢ်ဒဲးဘးတလိၣ်ဖဲအနၢ်ဟူဘၣ်စီၤယိၤနါ ဟီတရါလီၤတၢ်အဃိလိ. ဘျီးယစံးဘၣ်သု, ဘၠီၣ်လိအဒွိၣ်နဲၢ်ဒံး စီၤယိၤနါအိၣ်မးဝဲထဲအံၤတဂၤလိ. 34သုမံၤချံတလိၣ်မၤအသးဒ်မဲၣ်အူဒၢတဖျၢၣ်လိ သုနီၢ်ခိ အဂီၢ်လိ. ဖဲနမံၤဆးအဆၢကတီၢ်နဲၢ် နနီၢ်ကစၢ်ထီဂၤညါလိ ပှဲၤလါတၢ်ကပီၤလိ. မဲၢ်မဲၢ်ဖဲနမံၤကဒုၣ်နဲၢ် နနီၢ်ကစၢ်ထီဂၤညါ ကအိၣ်လိ တၢ်ခံၤတၢ်နၤအပူၤလိ. 35လိတၢ်နံၤအဃိ, ပလီၢ်နသးဒ်သိး တၢ်ကပီၤအိၣ်လိ နပူၤအသုတမဲၢ်တၢ်ခံးတၢ်နၤတဂ့ၤတကဲၢ်. 36မ်ဒ့းန့ၤဘျီး, နနီၢ်ကစၢ်ထီဂၤညါ မဲၢ်လိပှဲၤ တၢ်ကပီၤဘျီးမဲၢ်တအိၣ်လိ တၢ်ခံးတၢ်နၤအပူၤဘၣ်နဲၢ်, ကကပီၤထီၣ်ဝဲ ကပြုၢ်ကပြီၤထီဂၤညါ, ဒ်မဲၣ်အူဒၢတဖျၢၣ်ကပီၤထီၣ်ဝဲလိ နဂီၢ်အိၣ်လါတၢ်ကပြုၢ်ကပြီၤအသိးနဲၢ်လိ.’ 37ဖဲယ့ၣ်ရှူးကတိၤတၢ်ဝံၤနဲၢ်, ဘၠီၣ်ဖၤရံၤရှဲတဂၤကွဲအီၤဒ်သိးအကအီၣ်ပကိးတၢ်လိ. လိတၢ်နံၤအဃိ အဝဲဒၣ် လဲၤနုဘျီး ဆ့နီၤဝဲ ဒ်သိး အကအီၣ်တၢ်လိ. 38ဘၠီၣ်ဖၤရံၤရှဲတဂၤနဲၢ် ကမၢကမၣ်ဝဲ, ဖဲအပၤသူၣ်ပၤသးလိ ယ့ၣ်ရှူးတချုးအီၣ်တၢ်ဒံးဘၣ်ဘျီး တသ့းဝဲအစဒ့1အဃိနဲၢ်လိ. 39လိတၢ်နံၤအဃိ, ကစၢ်ယ့ၣ်ရှူးစံးဘၣ်အီၤ, ‘ခဲနဲအံၤ, သုဝဲဘၠီၣ်ဖၤရံၤရှဲတလိၣ်သုမၤဆှီၣ်လ့ခီအချၢလိ. မဲၢ်မဲၢ်လိ သုပူၤတခိနဲၢ် သုလိပှဲၤလါ တၢ်စုၣ်ဆူၣ်ခီၣ်တကးဘျီး တၢ်အၢၣ်တၢ်သီလိ. 40ဘၠီၣ်ဟးဂီၤဖွိဝီၤဧိ, မဲၢ်ကစၢ်ယွၤလိ အတ့လီၤပၤလီၤတၢ်အိၣ်လိတၢ်ချၢနဲၢ်, တတ့လီၤပၤလီၤနဲၢ်နဲၢ်တၢ်အိၣ်လိ တၢ်အွိပူၤဘၣ်ဧါ. 41မဲၢ်မဲၢ်, ဟ့ဘၠီၣ်ဖှီၣ်ဖွိယၤဖွိတလိၣ်တၢ်အိၣ်လိ သုလ့ခီတလိၣ်အပူၤ နဲၢ်တကဲၢ်. ဘျီးတၢ်ခဲလုၤခဲဆ့ကကဆှီၣ်ဝဲလိ သုဂီၢ်လိ. 42ဘၠီၣ်ဖၤရံၤရှဲဝီၤဧိ သုဘၣ်အဖှီၣ်လိ. ဟီၣ်ဝီၤသွ့လါပံကနၢ်အဒွိးဘျီး ကသံၣ်အမုၢ်အဂၤတမံၤလၢ်လၢ်နဲၢ်, သုဟ့မၤဘူၣ်လိ ကစၢ်ယွၤအအိၣ်အပူၤတဆံနဲၢ်တပူလိ. လၢၤသုကွၢ်ကပၤတၢ်စံၣ်ညီၣ်တီလါ တၢ်အဲၣ်ကစၢ်ယွၤလိ. တၢ်တလိၣ်အံၤ, သုကြၢးအိၣ်မူထွဲအခံ, ဘျီး သုတကြၢးကွၢ်ကပၤကွံၤနဲၢ်နဲၢ် တၢ်အဂၤတလိၣ်နဲၢ်ဘၣ်. 43ဘၠီၣ်ဖၤရံၤရှဲဝီၤဧၢ, သုဘၣ်အဖှီၣ်ဆံးဒွိၣ်လဲၣ်. သုအဲၣ်ဒိးလီၢ်ဆ့နီၤအဂ့ၤကတၢၢ်တလိၣ်လိ ဘူၣ်ဘျီၣ်လိအမဲၢ်တၢ်ဘါလီၢ်တလိၣ်အပူၤ, ဘျီးလိတၢ်ဆါလီၢ်နဲၢ် သုအဲၣ်ဒိးဘၠီၣ်ကတိၤဆၢဂ့ၤသုလိ တၢ်ယူးယီၣ်ပၤကဲၣ်အပူၤလိ. 44သုဘၣ်အဖှီၣ်ဆ့းဒွိၣ်လဲၣ်. သုလီၤဂၤလါ တၢ်သွၣ်ခွိၣ်လိ အတဘၣ်တၢ်မၤနီၣ်မၤဃၤအီၤတလိၣ်လိ ပှၤကညီဟးလိ အဖီခွိၣ်ဘျီး တသံညါဝဲဘၣ်နဲၢ်လိ. 45ဘၠီၣ်သ့းတၢ်ဘူၣ်တၢ်ဘါအတၢ်သိၣ်တၢ်သီအကျၣ်တဂၤစံးဘၣ်အီၤ, ‘သရၣ်ဧၢ, ဖဲနကတိၤတၢ်တထ့ၣ်အံၤနဲၢ်,မဲၢ်နကတိၤဒုၣ်ဒွဲၣ်ကတိၤတရီတပါ ဘၠီၣ်နဲၢ်နဲၢ်နဲၢ်လိ. 46ယ့ၣ်ရှူးစံးဆၢဝဲ, ‘ဘၠီၣ်သ့းတၢ်ဘူၣ်တၢ်ဘါအတၢ်သိၣ်တၢ်သီတလိၣ်နဲၢ်နဲၢ်သုဘၣ်အဖှီၣ်ဆံးဒွိၣ်လဲၣ်. သုပၤထီၣ်တၢ်ဝံတၢ်ယိၣ်လိ ဘၠီၣ်ဝံအီၤကီၣ်တလိၣ်လိ ဘၠီၣ်ထီဖူၣ်ထီခၠၢအလိၤ, မဲၢ်မဲၢ်သုဝဲတခီလိ သုကစိၤစၢၤအီၣ်တၢ်ဝံတၢ်ယိတလိၣ်နဲၢ်အဂီၢ်သုစုၣ်မုၢ်တဘိၣ်ဒၣ်လဲၣ်သုတယူၤထီၣ်အီၣ်ဘၣ်. 47သုဘၣ်အဖှီၣ်ဆံးဒွိၣ်လဲၣ်. သုမၤထီၣ်တၢ်သွၣ်ခွိၣ်အပူၤလိအဂ့ၤတလိၣ်လိ ဝံတလိၣ်အဂီၢ်, ဝံတဖူၣ်ဃီလိ သုပၢ်လိ ပျၢၤတလိၣ်မၤသ့းပၤစၢၤဝဲနဲၢ်လိ. 48မဲၢ်မဲၢ်ဒ့းန့ၤဘျီးသုအၢၣ်လီၤသုဝဲလိ သုဘၣ်သူၣ်ဘၣ်သးတၢ်လိ သုပၢ်လိ ပျၢၤတလိၣ်မၤပၤစၢၤဝဲနဲၢ်လိ. တၢ်ဂ့ၢ်မဲၢ်ဒ့းအ့ၤ အဝဲဝီၤမၤသ့းဝံတလိၣ်နဲၢ်လါသုဝဲသုမၤထီၣ်အဝဲဝီၤသွၣ်ခွိၣ်အပူၤတလိၣ်လိ. 49လိတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့းစံးဝဲ, ‘ယကဆှၢလီၤနဲၢ်အဝဲဝီၤလိ ဝံတလိၣ်, ဘျီးတၢ်မၢဖွိတလိၣ်လိ. အဝဲဝီၤကမၤသ့းအီၤတနီၤ, ဘျီးမၤအၢမၤနးအဂၤတလိၣ်လိ. 50လိတၢ်နံၤအဃိ, ဘၠီၣ်တစိၤအံၤကဘၣ်တၢ်စံၣ်ညီၣ်အီၤလိ တၢ်မၤသ့းဝံခဲလုၤစးထီၣ်လိ တၢ်တ့လီၤသီဟီၣ်ခွိၣ်လံၤလံၤ. 51လိတၢ်မၤသးစီၤဟ့းဘ့းလးတုၤလီၤလိ တၢ်မၤသ့းစီၤစကၤရယၤလိ အဘၣ်တၢ်မၤသ့းအီၤလိ တၢ်လုၢ်လီၢ်ဘျီး တၢ်လီၢ်စီဆှံအဘၢၣ်စၢၤနဲၢ်လိ.မဲၢ်လိ ယစံးဘၣ်သု, ဘၠီၣ်တစိၤအံၤကဘၣ်တၢ်စံၣ်ညီၣ်အီၤလိ အဝဲဝီၤတလိၣ်ခဲလုၤအဃီလိ. 52သုဘၣ်အဖှီၣ်ဆံးဒွိၣ်လဲၣ်. ဘၠီၣ်သ့းတၢ်ဘူၣ်တၢ်ဘါ အတၢ်သိၣ်တၢ်သီဝီၤဧိ. သုပၢၤဃၤလ့နီၣ်ဝံၢ်ခံလိ တၢ်ကအွိးထီၣ်တၢ်သံညါနၢ်ပၢၢ်အဟံၣ်တဖျၢၣ်နဲၢ်အတြဲၤအဂီၢ်လိသုအိၣ်လိ. သုနီၢ်ကစၢ်ဒၣ်သုဝဲ သုတလဲၤနုဘၣ်. ဘျီးဘၠီၣ်တလိၣ်လိ အဂုၢ်ကျဲးစၢၤလဲၤနုဝဲနဲၢ် သုတြီအီၤလိ.’ 53ဖဲယ့ၣ်ရှူးဟးထီၣ်ကွံၤလိ တၢ်လီၢ်အဝဲနံၤဘျီး ဘၠီၣ်သ့းတၢ်ဘူၣ်တၢ်ဘါအတၢ်သိၣ်တၢ်သီတလိၣ်ဘျီး ဘၠီၣ်ဖၤရံၤရှဲတလိၣ်ကတိၤပစွိပစးအီၤဆါကလ့ၤဘျီး သ့းကွၢ်အီၤလိ တၢ်သ့းကွၢ်တလိၣ်ဘၣ်ဃးလါ တၢ်အိၣ်ဘျၢအိၣ်နီ. 54ဒ်သိး အကအိၣ်ခိး ကနၣ်ဝဲ, ဘျီး ဖီၣ်န့ၢ်အီၤလိ အတၢ်ကတိၤဒၣ်ဝဲအဂီၢ်နဲၢ်လိ.
Valið núna:
Luke 11: ktpv-rv
Áherslumerki
Deildu
Afrita
Want to have your highlights saved across all your devices? Sign up or sign in
This translation of the Karen, Paku Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.