Mataafa Uumata 10
10
Daloota hellaa Noohe
otoo a 1ta 1:5-23
1A pisha piita qara pire ku'en kammaayye, hellaa Noohe Seemi ka Kaami ka Yaafeeti, hellaa diira'e xaayadeneew. Are kammopa xata qoota sanynyeetaayshoti desa torrini.
Sanyeeta Yafeti
2Sanynyeeta Yaafeeti, Komeri ka Maakooki ka Yawaani ka Tupaali ka Mosheki isho Teeraasi kidammi. 3Sanynyeeta Komeri, orra Ashkanaasi ka a Ari'ati isho a Tokarma. 4Sanynyeeta Yawaani, orra Aliisa ka a Terseesi#10:4 “terseesi” awweeyye piise “ispeeni” ka a Kiitimi#10:4 “kiitimi” awweyye piisse “qoobiroosi” kidammitto ihso a Rodaniimi#10:4 “rodaaniimi” awweeyye “roodi” kidammi. .
5Ishootta ka afaa a haasawannaaneetin kaffa kaffa'e ka toolla toolla'e pakatewwa kapan desa piita qapnaaden ka kallaanni.
Sanynyeeta kaami
6Sanynyeeta Kaami, Kushi ka Misraayimi ka Fuuti ka Kene'aani kidammi. 7Sanynyeeta Kushi, Saapa ka Hawiila ka Sapita ka Ra'imma ka Sapaqaatasi. Sanynyeeta Ra'imma, Saapa ka dadaani.
8Kuushi inna Namruudi kidamma kuli qapa. Namruudi, paayyota isha piita qara xorma oranna' kodde. 9Qoota Yaahiwwe isha qaarqaarro malla, xemampayta kokkoka kodde. Semmalla ikka olli' sakni ka kiini, “A Yaahiwwe a Naamruudi mina xemampayta kokkoka ke kodo.” 10Piitadda a Naamruudi paayyota mukinna, Paapilooni ka Ereki ka Akaadi kidammi. Palewwosen sessa piisa piita sena'ori kara caan. 11Naamruudi eyyeeyye xa'e ka piita Asoori opa aane ka kantada Nenewwe ka Rehopooti isho Kalaahi kidamma' qupe. 12Ka akkimoose mina'eew, otanta Nenewwe isho a Kalahi kara'e, Reeseni qupeew, isheetta nefo paleeta a kutta.
13Sanynyeeta Misraayimi Ludiimeta ka a Anamiimeeta ka Alahapiimeta ka Niftaalemeta. 14Ka Fetrusiimeta ka orrase a oppa orra Filisteemi sooke, a orra Kasluhiimi ka a Qeftoriimi.
15Kene'aani paayyota'e, Sidooni xaayade. Ka kamma'ew, aappada a orra keeti 16ka a Iyyapuusi ka a Amoora ka a Kerkaasi' xaaye. 17A pila'ew, Kene'aani aappa opa orra a Eewi ka a Arqa ka a Siini 18ka a Ardawooni ka a Samaarinna ka a Amaatiya. Sekammaayye sanynyeetase a Kene'aani ka piita qara' paste. 19Xeela Kene'aani, Sidooni xaate qinda Keraaraatinni haka Kaasa'e kayni. Ka qinda Sodoomitinniiw, Kamoora ka Adaama ka Sapooymi qapanni ka haka Laasha' kayni. 20Sene piisa sanynyeeta Kaami. Ishootta kaffa kaffaanne ka afaa a haasawannaanetinni, paleeta paleetanne isho toolla toollaanne kallaanni.
Sanynyeeta Seemi
21Qaarta opa Yaafeeti, Seemi'i hellaa daladeneew. Isha sanynyeeta a hellaa Epeeri piisa'e aakka.
22Hellaa Seemi, Elaami ka Asoori ka Arfakisidi ka Luudi isho Araami. 23Hellaa Araami, Kuusi ka Huli ka Keeteri isho Mosohi. 24Arfakisidi, Shaala xaaye. Shaala ka Epeeri xaaye. 25Epeeri hellaa lakki xaayade. Inna takkan qoota sitiiyyi piita olkela qootamte malla, Fileeqo kidamen. Innaasso'ew, Yooqtaani kidamen. 26Yooqtaami'iw, aappa opa Elmosaadi ka a Saalefi ka a Hasramooti ka a Yaarahi 27ka a Hadoraami ka a Usaali ka a Diqila. 28Ka akkamoose' mina'ew, aappa opa Opaali ka a Usa'eli ka a Apima'eli ka a Saapa. 29Ka a Ofiri ka a Ewlaati ihso a Yopaali. Sene piisa hellaa Yoqtaaniiw.
30Porra a oppa' kallaaden nefo, Mesha payyanni ka Sefaari irrowwa qinda piirtotatin ca kayni. 31Sene piisa sanynyeeta Seemi. Ishootta afaa haasawannaanetinni kaffa kaffa ka paleeta paleeta kodden ka piita piita oppa oli qooten.
32Sanynyeeta hellaa Noohe akka dalootaaysho isho a kaffaassotinni, sene. A pisha piita qara piren kammaayye, orra piita qara co piisa ishottoppaaw sooke.
Valið núna:
Mataafa Uumata 10: MaQu
Áherslumerki
Deildu
Afrita
Want to have your highlights saved across all your devices? Sign up or sign in