ڢَارَوَ 28
28
إِسْحَٰڧَ يَا تُورَ يَعْڧُوبَ وُرِنْ لَبَنْ
1سَيْ إِسْحَٰڧَ يَكِرَا يَعْڧُوبَ يَسَا مَسَ أَلْبَرْكَ، يَغَرْغَطٜىٰشِ ثٜىٰوَ «كَدَ كَعَوْرِ مَثٜىٰ دَغَ ثِكِنْ یَنْ مَاتَانْ مُتَنٜىٰنْ كَنْعَنَنَّنْ؞ 2تَاشِ نَنْ تَكٜىٰ كَتَڢِے ڢَدَّنْ أَرَمْ ذُوَا غِدَنْ بٜىٰتُوٜىٰلْ، وَتُواْ بَابَنْ مَامَرْكَ، كَعَوْرِ طَيَ دَغَ ثِكِنْ یَنْ مَاتَانْ لَبَنْ، طَنْعُوَنْ مَامَرْكَ؞ 3بَرِ اللَّهْ مَيْ إِيكُواْ دُكَ، يَسَا مَكَ أَلْبَرْكَ، يَسَا كَيَلْوَتَ سُواْسَيْ كَكُمَيِيَوَ، حَرْ كَذَمَ تَارُوانْ ڧَبِيلُ؞ 4بَرِ يَبَاكَ أَلْبَرْكَرْ دَ يَبَا إِبْرَٰهِيمْ، كَيْ دَ ذُرِيَرْكَ، دُواْمِنْ كَثِ ڧَسَرْدَ يَوْ كَكٜىٰ ذَمَنْ بَڧُنْثِ، كَكُمَ غَاجٜىٰتَ؞ عِتَ ثٜىٰ كُوَ ڧَسَرْدَ اللَّهْ يَبَا إِبْرَٰهِيمْ؞»#ڢَارْ 17.4-8 5تَهَكَ إِسْحَٰڧَ يَسَلَّمِ يَعْڧُوبَ يَتَڢِے، يَجٜىٰ ڢَدَّنْ أَرَمْ وُرِنْ لَبَنْ، وَنْدَ شِينٜىٰ طَنْ بٜىٰتُوٜىٰلْ مُتُمِنْ أَرَمْ، طَنْعُوَنْ رِڢْكَتُ مَامَرْ يَعْڧُوبَ دَ إِسُوَ؞
إِسُوَ يَا عَوْرِ یَرْ إِسْمَٰعِيلُ
6إِسُوَ كُوَ يَا غَنِ ثٜىٰوَ سَعَدَّ إِسْحَٰڧَ يَا أَلْبَرْكَثِ يَعْڧُوبَ، يَا تُورَ شِ ڢَدَّنْ أَرَمْ دُواْمِنْ يَ عَوْرِ مَاتَ دَغَ وُرِنْ، حَرْ يَا جَامَسَ كُنّٜىٰ ثٜىٰوَ كَدَ يَ عَوْرِ یَنْ مَاتَانْ كَنْعَنَ؞ 7يَا كُمَ غَنِ ثٜىٰوَ يَعْڧُوبَ يَيِ بِيَيَّ دَ بَابَنْسَ دَ مَامَرْسَ حَرْ يَا تَڢِے ڢَدَّنْ أَرَمْ؞ 8سَبُواْدَ حَكَ دَ إِسُوَ يَغَنِ ثٜىٰوَ یَنْ مَاتَانْ مُتَنٜىٰنْ كَنْعَنَ بَسُ غَمْشِ بَابَنْسَ إِسْحَٰڧَ بَ، 9سَيْ إِسُوَ يَتَڢِے وُرِنْ ذُرِيَرْ إِسْمَٰعِيلُ يَ عَوْرِ مَهَلَتْ یَرْ إِسْمَٰعِيلُ طَنْ إِبْرَٰهِيمْ، عِتَ یَرْعُوَرْ نٜىٰبَيُواتْ ثٜىٰ؞ تَا ذَمَ مَاتَرْسَ تَرٜىٰدَ سَوْرَنْ دَ يَكٜىٰدَسُو؞
مَڢَرْكِنْ يَعْڧُوبَ أَ بٜىٰتٜىٰلْ
10يَعْڧُوبَ يَابَرْ بٜىٰيٜىٰرْشٜىٰبَ يَا كَامَ حَنْيَ ذُوَا هَرَنْ؞ 11دَ يَكَيْ وَنِ وُرِے، سَيْ يَڟَيَ دُواْمِنْ دَرٜىٰ يَيِ دَيَكٜىٰ رَانَ تَا ڢَاطِ؞ يَطَوْكِ طَيَ دَغَ ثِكِنْ دُووَڟُنْ دَسُكٜىٰ أَوُرِنْ، يَطُواْرَ كَنْسَ عَكَيْ يَݣُونْتَ؞ 12يَيِ مَڢَرْكِ أَدَرٜىٰنَّنْ، يَغَ وَتَ مَتَاكَلَ وَدَّ عَكَ كَڢَ دَغَ ڧَسَا حَرْ كَنْتَ يَا تَٻَ سَمَ؞ مَلاَىِٕكُنْ اللَّهْ سُنَ هَوَ سُنَ سَوْكَ عَبِسَ مَتَاكَلَنْ؞#يَحـ 1.51 13يَهْوٜىٰهْ كُوَ يَا ڟَيَ بِسَ كَنْ مَتَاكَلَنْ يَا ثٜىٰ «نِنٜىٰ يَهْوٜىٰهْ، اللَّهْ نَكَكَنْكَ إِبْرَٰهِيمْ، اللَّهْ نَ إِسْحَٰڧَ؞ ڧَسَرْ نَنْ عِنْدَ كَكٜىٰ ݣُونْثِيَ، ذَنْبَاكَ عِتَ، كَيْ دَ ذُرِيَرْكَ؞#ڢَارْ 13.14-15 14ذَاسُيِيَوَ كَمَرْ تُرْٻَيَرْ ڧَسَا؞ ذَاكُ بَظُو ذُوَا يَمَّ دَ غَبَسْ دَ أَرٜىٰوَ دَ كُدُ؞ دُكَنْ ڧَبِيلُنْ دُونِيَا كُوَ كَيْ دَ ذُرِيَرْكَ ذَاكُ ذَمَ مُسُ حَنْيَرْ أَلْبَرْكَ؞#ڢَارْ 12.3؛ 22.18 15غَاشِ، إِنَ تَرٜىٰدَكَيْ، ذَنْ كُمَ كِيَايٜىٰكَ دُكْ عِنْدَ ذَاكَ تَڢِے، حَرْ إِنْ دَاوُاْ دَكَيْ أَوَنَّنْ ڧَسَا؞ غَمَا بَذَنْ بَرْكَبَ، ذَنْيِ دُكَنْ أَبُبُوَنْدَ نَيِ مَكَ أَلْڧَوَرِ؞»
16سَعَنً يَعْڧُوبَ يَتَاشِ دَغَ بَرْثِنْسَ؞ سَيْ يَثٜىٰ؞ «بَاشَكَّ، يَهْوٜىٰهْ يَنَ أَوُرِنَّنْ، نِے كُوَ بَنْ سَنِ بَ!» 17سَيْ ڟُواْرُواْ يَكَامَ شِ يَثٜىٰ «كَيْ! وُرِنَّنْ أَݣَويْ بَنْ ڟُواْرُواْ! لَلَّيْ وَنَّنْ غِدَنْ اللَّهْ نٜىٰ، كُمَ نَنْ نٜىٰ ڧُواْڢَرْ سَمَ؞»
18وَشٜىٰغَرِ دَ سَسَّڢٜىٰ يَعْڧُوبَ يَطَوْكِ دُوڟٜىٰنْ دَ يَسَا كَنْسَ عَكَيْ، يَطَغَشِ ڟَيٜىٰ يَذَمَ دُوڟٜىٰنْ تُنَاوَا، سَيْ يَظُبَ مَنْ ظَيْتُنْ عَكَنْ دُوڟٜىٰنْ؞ 19سَيْ يَكِرَا سُونَنْ وُرِنْ بٜىٰتٜىٰلْ، وَتُواْ غِدَنْ اللَّهْ؞ عَمَّا دَا مَا أَنَ كِرَنْ وُرِنْ لُظْ؞ 20سَعَنً يَعْڧُوبَ يَيِ ضَنْڟُوَا ثٜىٰوَ «عِدَنْ اللَّهْ ذَيْ كَسَنْثٜىٰ تَرٜىٰدَنِ، يَكُمَ كِيَايٜىٰنِ ذُوَا عِنْدَ ذَنْتَڢِے، عِدَنْ ذَيْبَا نِے عَبِنْثِنْ دَ ذَنْثِ دَ رِيغُنَنْ دَ ذَنْسَا، 21حَرْ إِنْ سَاكٜىٰ دَاوُاْوَ غِدَنْ بَابَنَ لَاڢِيَ، تُواْ، يَهْوٜىٰهْ نٜىٰ ذَيْ ذَمَ اللَّهْ نَا؞ 22إِنْ حَكَنٜىٰ، وَنَّنْ دُوڟٜىٰنْدَ نَطَغَ ڟَيٜىٰ يَذَمَ دُوڟٜىٰنْ تُنَاوَا، ذَيْذَمَ غِدَنْ اللَّهْ، كُمَ دَغَ ثِكِنْ دُكَنْ أَبِنْدَ يَبَانِ، ذَنْبَاشِ زَكَّ؞»
Valið núna:
ڢَارَوَ 28: hauAS
Áherslumerki
Deildu
Afrita
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020