Mateo 4
4
Kwezekiwa kwa Yeshu
(Mako 1:12-13; Luka 4:1-13)
1 #
Bah 2:18, 4:15. Niho Moyo watwalile Yeshu mu libelelengwa mukwezekiwa kuli Shatana. 2Munyima ya kuzila kulya* matena makumi anaa mwaana na wushiku Yeshu wayuvwile nzala. 3Oho Shatana ezile kukwendi, pe wambile ngayi, “Ndi uli Mwana Nyambi, tongweza awa mamanya afutuke mankende.” 4#Nday 8:3. Ngoboni Yeshu wakumbwile ngayi, “Kwatikitiwa ngayi, muntu kufwanina kuyoya na mankende tuhu ninkayawo wufwako ndele na mazu nimwawo akufuma mu kanwa ka Nyambi!”
5Niho Shatana amutwalile ku Yelushalema, Lukena Lwakuyela, pe wamuyakile hayilu ha mamaninino ha Litala lya Nyambi.* 6#Nyi 91:11-12. Pe wambile kukwendi ngayi, “Ndi uli Mwana Nyambi, kilukila hanci, ndaba kwatikitiwile ngayi,
‘Nyambi ukatongweza mangeloyi* wendi ngayi akulame,
pe bakakubaka na maboko wabo,
kutinisha liwulu lyobe kulituntula ku limanya.’ ”
7 # Nday 6:16. Yeshu wakumbwile kukwendi ngayi, “Kwatikitiwa kami ngayi, ‘Hinga wezeka Mwene Nyambi yobe.’ ”
8Shatana kami wamutwalile ha lipili lyalitali shikuma, pe wamumoneshele wene nimwawo wa hano hanci na wuwahe wawo. 9Wambile kukwendi ngayi, “Ebye nimwabyo nikakupana, ndi ukashinkama ku manungo nakundemesha.”
10 # Nday 6:13. Yeshu wakumbwile kukwendi ngayi, “Fuma kukwami obe Shatana! Ndaba kwatikitiwa ngayi, ‘Ukufwanina kulemesha Mwene Nyambi yobe na kumutendela milimo niye tuhu.’ ”
11Niho Shatana amushiyile, kami mangeloyi ezile amutendelele milimo.
Yeshu ukutatika mulimo wendi mu Ngalileya
(Mako 1:14-15; Luka 4:14-15)
12 #
Mat 14:3; Mak 6:17; Luk 3:19-20. Yeshu oho ayuvwile ngayi Yowano banamuyaka mu tolongo, wayile ku Ngalileya. 13#Yowa 2:12. Watuntukile ku Nazaleta, wayile nakwikala mu Kapenauma, munzi wa hahepi na Liziba lya Ngalileya, mu litunga lya Zembuloni na Nafwitali. 14Ngayi kutendiwe ebye ambile muluwe Ishaya ngayi,
15 # Isha 9:1-2. “Litunga lya Zembuloni na litunga lya Nafwitali,
nzila yikuya ku liwate,
munciza ya Yondana, Ngalileya wa Bakamatunga.*
16Bantu aba bekalilenga mu mincimpwe,
bakamona lumuni lwalunene.
Kami baya bekalilenga mu litunga lya mubombola wa kufwa,
lumuni lunabamuniki.”
17 #
Mat 3:2. Kufuma ku shikati shiyo, Yeshu watatikile kushimikila ngayi, “Tengulukenu, ndaba Wene wa muyilu uli hahepi.”
Yeshu ukwihana bakakushashila banaa
(Mako 1:16-20; Luka 5:1-11)
18Yeshu oho akulishilenga ku Liziba lya Ngalileya, wamonene muntu na mukonzowendi, Shimoni ukutumbiwa Pita, na mukonzowendi Anduleu. Bamanyikilenga kanyanzi kabo mu liziba, ndaba bengile bakakushashila. 19Yeshu wambile kukwabo ngayi, “Nkonkenu, nikaminga bakakushashila bantu.” 20Wanguwangu bashiyile tunyanzi twabo, pe bamukonkele.
21Oho ayile kumbili wamonene babili bamina muntu na mukonzowendi, Yakoba na Yowano bana ba Zebende, bekalile mu wato na tatiyabo Zebende, hibatungulula tunyanzi twabo. Yeshu wabehanine. 22Wanguwangu bashiyile wato wabo na tatiyabo, pe bamukonkele.
Yeshu ukulongesha na kushimikila na kunyongomanisha
(Luka 6:17-19)
23 #
Mat 9:35; Mak 1:39. Yeshu wapitilenga mu Ngalileya nimwamo, walongeshelenga mu mashinangonge, washimikililenga ncango zaziwahe za Wene wanyongomanishilenga bantu baya bekalile na malweli nimwawo na bakakukola. 24Mpupo yendi yatumbalalile mu Shiliya nimwamo, pe baletele kukwendi bakakukola nimwabo bekalile na malweli a mishoboshobo, bakamayimbwe na baka kamfunya na baka lukuku, pe Yeshu wabanyongomanishile. 25Likunge lyalinene lya bantu baya bafumine ku Ngalileya na ku Minzi Likumi naku Yelushalema na ku Yundeya na munciza ya Yondana bamukonkele.
Valið núna:
Mateo 4: KK2008
Áherslumerki
Deildu
Afrita
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.