Matius 24:37-39

Eke An Allahen minduhup naharision etno waruhuk ari, bilin at Nuh weregma suruk apag epmano hag surukmu, waruhuk-o. It bilin ik suon etnowen awan war inaptuk eleg heheg, it aphe epmano inaharom nenggeg, inahik nenggeg, eke it aben hwe holeheg nintul nantul suruk apagma, at Nuh etno aren so falfahon etno fam kebag-o. Kuruk apagma, it nin epmano iken war inabukon etno inapeleg weregma, fobik ik suon etno waharuk wilil, it obog-at seberoho war inapag-o. War inapag ari hag it apheyen ariroho-at surukmu, An Allahen minduhup naharision etno waruhuk-o.