KENESE 1
1
Ko te Tala o te Kamataga o Faite te Lagi mo te Lalolagi
1 # 1.1 I te kamataga o te faitega ne te Atua te lagi mo te lalolagi, #1.1: I te kamataga … te lagi mo te lalolagi; io me I te kamataga ne faite ne te Atua a te lagi mo te lalolagi; io meI te taimi ne kamata i ei o faite ne te Atua a te lagi mo te lalolagi. 2a te lalolagi e seki ai. A te vai tela e ufi ei mea katoa e pouli tagataga, ka ko te 'mana o te Atua #1.2: ko te Agaga o te Atua; io mete malosi o te Atuaio mete matagi mai te Atua; io me se matagi malosi.e fano i luga i te vai. 3#2Koli 4.6 Ne fai te fakatonuga a te Atua penei, “Ke maina”—te mea loa ko fanaka te mainaga. 4Ne fiafia te Atua i te mea ne lavea ne ia, tena, vae ei ne ia te mainaga mo te pouliga, 5kae fakaigoa ne ia te mainaga ko te “Ao” ka ko te pouliga ko te “Po.” Ne teka atu te po tena kae oko mai te taeao — ko te aso muamua tena.
6-7 #
2Pete 3.5
Ne toe fakatonu atu te Atua penei, “Ke isi se vanimonimo e 'vae ei te vai ki vaega e lua.” Ko te mea loa ko isi. Tena, faite ei ne te Atua te vanimonimo, tela e vaelua ei te vai i tena feitu ki lalo mo tena feitu ki luga. 8Ne fakaigoa ne ia te vanimonimo tena ko te “Lagi.” Ne teka atu te po tena kae oko mai te taeao ko te lua o aso tena.
9Ne toe fakatonu atu te Atua penei, “A te vai i te feitu ki lalo o te lagi ke maopoopo ki se koga e tasi, ko te mea ke sae aka te laukele” te mea loa ko pena. 10Ne fakaigoa ne ia te laukele ko te “Lalolagi” ka ko te vai tela ko mavae atu keatea mo te laukele ne fakaigoa ne ia ko te “Tai”. Ne kilo atu ki ei te Atua, fiafia ei a ia. 11Tena, toe fakatonu atu a ia penei, “Ke 'tupu mai a vaega lakau kaina valevale i te laukele, ko lakau kola e fua i lalo o te laukele mo lakau kola e fua i luga.” 12Tela ne fua mai ei i te lalolagi a vaega lakau kaina valevale, ne kilo atu ki ei te Atua, fiafia ei a ia. 13Ne teka atu te po kae oko mai te taeao ko te tolu o aso tena.
14Ne toe fakatonu atu te Atua penei, “Ke isi ne mea fakamaina i te lagi ke faka kese ei te ao mai te po kae ke fakasino foki ki ei te taimi e kamata ei a aso, tausaga, mo tau o te tausaga;#1.14: mo aso fiafia fakatelotu io memo tau o te tausaga 15ka maina latou i te lagi o fakamaina te lalolagi” ko te mea eiloa ko fai pena. 16Tela ne faite ei ne te Atua a mea fakamaina 'lasi e lua, ko te la ke pule i te ao, ka ko te masina ke pule i te po; ne faite foki ne ia a fetu. 17Ne fakatulaga ne ia a mea fakamaina kona i te lagi ke maina ki luga i te lalolagi, 18ke pule i te ao mo te po, kae ke faka'kese foki ei te mainaga mai te pouliga. Ne kilo atu ki ei te Atua, tela fiafia ei a ia. 19Ne teka atu te po tena kae oko mai te taeao ko te fa o aso tena.
20Ne toe fakatonu atu te Atua penei, “Ke 'fonu a vai i vaegā mea ola valevale, ka ko te vanimonimo ke 'fonu i manu eva.” 21Tela ne faite ei ne te Atua a manu fakama'taku o te tai, mo vaega mea ola katoa kola e ola i te vai, mo vaega manueva katoa. Ne kilo atu ki ei te Atua, fiafia ei a ia. 22Ne fakamanuia katoa ne ia kae fai atu ki mea ola katoa kola e 'nofo i te vai ke fanafanau, kae faka'fonu te tai, kae fai atu ki manu eva ke fanafanau. 23Ne teka atu te po tena kae oko mai te taeao ko te lima o aso tena.
24Ne toe fakatonu atu te Atua penei, “Ke ola mai i te laukele a vaega manu valevale: ko manu 'lata mo manu vao, manu 'lasi mo manu foniki”— ko te mea eiloa ko fai pena. 25Tela ne faite ei katoa ne te Atua, kae kilokilo atu a ia mo te fiafia ki ana mea ne faite.
26Tela, muna a te Atua, “Ka faite nei ne tatou a tino, ke foliga ki a tatou. Ka pule latou i ika, i manu eva, mo manu vaefa katoa, manu lata mo manu vao,#1.26: Tasi o lomiga taumuamanu, manu lata mo manu vao; faka-Epelumanu lata mo te lalolagi katoa. manu lasi mo manu foliki.” 27#Kene 5.1,2 #Mata 19.4; Male 10.6 Tela ne faite ei ne te Atua a te tino ke foliga ki a ia. Ne faite ne ia te tagata mo te fafine, 28fakamanuia atu ne ia, kae fai atu ki ei penei, “Fakatokouke otou tamaliki, ko te mea ko otou fanau ke 'nofo i te lalolagi kae pule i ei. Ko tuku atu ne au ki a koutou te pule i luga i ika, manu eva, mo manu vaefa katoa. 29Ko oti ne fakatoka ne au a vaega saito mo lakau pela mo saito, mo vaegā lakau fai fuaga lakau mo otou 'kai; 30ka ko manu vae fa katoa mo manu eva, ko oti ne fakatoka ne au a mouku mo lakau lau 'lei mo olotou 'kai.” Ko te mea eiloa ko pena. 31Ne kilo atu te Atua ki ana mea katoa ne faite, fiafia malosi eiloa a ia. Ne teka atu te po tena kae oko mai te taeao ko te ono o aso tena.
Valið núna:
KENESE 1: Tusi Tapu
Áherslumerki
Deildu
Afrita
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific