Malako 9
9
1Abala na bu koko bo, Mbi natɔndɔkɔ no na soti bo bakina baya ba’mi yaya badi bonɛ bodoa boBokumu boNjambe na ndangasa oko bapetakini gwa.
Yesu Akindoa Elimo Etongo
2Yana anɔ masu masato, Yesu abea Pɛtɛlo na Yakobo na Yoane, bo akɛe na bu a mokina mono monɛnɛ, oko bo buki pɛ. Iyo akindoa elimo etongo a boso bobu. 3Bisenja binde bipua bopɛɛ, oko na bolailai mɛnɛ; nongo nganga ebososa bisenja abwaniti bopueja bisenja boa. 4Na lɔanɛ Elia na Mose baya badaka bakabale na Yesu. 5Oko boa Pɛtɛlo abala na Yesu bo, Labi, mojɔ mopele mɛnɛ bo so bodae ya! Kina so bopike Inaako masato; dikina diwɛ, ditongo diMose, na ditongo koko diEha. 6Aijeba na soti mojɔ mobobala, cina bo badaka na bɔ bonɛnɛ. 7Eyembi ko etita na ebahua. Kɔpi emana a eyembi bo, Iyo adi mwana’mbi ongɛnjɔ; mohokeani. 8Bundumo mɛnɛ, oko yana anjaka bo, bainɛ koko moto a esika emina; banɛ oko Yesu pɛ.
9Yana atitaka bo a mono, yo abaleha bo batatɔndɔ nongo moto mojɔ monɛ bo, oko adi Mwana ’Moto pɛ bopeta ngɔ a bogwa. 10Ibo babanea ekenge emina a milema mibu; bahojɔnɔ ko a tei ebu, a boduka cina ebongɔ a bogwa. 11Bahɔjɔ Yesu bo, Basɔni babalaka bo Elia adi bopeta doa mojɔ moye? 12Iyo abasɔmbeja bo, Eha adi bodoa soti a bobɔngeja ngando jisusu. Mosɔnɔ ko a mojɔ moMwana ’Moto modi bo? Modi oko bo adi bodingoa bou, na âlonama na bato. 13Mbi ko natɔndɔkɔ no bo Elia adoa eyou, na bato bakɔ na nde o apalaka bo; mojɔ monde modi a Misɔnɔ boa.
Yesu Aheleja Mwamomi a Yogo
14Yana amea bo ai bacingami, banɛ bo bato banɛnɛ babahikaka, na bo basɔni babomaka na bu kitɛ. 15Emumu ebato ko, yana anɛ bo Yesu, bakamoa na bokamoa bonɛnɛ. Bapota ai yo a bomobɛjɛ njɛbɛ. 16Yesu abahɔjɔ bo, Mijɔ mibalaka no midi bo? 17Okina moto yona odaka a tei ebu amosɔmbeja bo, Mokoja, mbi nadoi na mwana’mbi momi ai wɛ, mojɔ bo adi na mwembo moengomba. 18Mwembo mokamopea, momodumbaka bisekpe; mapuli mamanaka a monɔkɔ monde; asakokalaka mino, na ahɔngɔkɔ. Mbi nagɔɔnɔki bacingami bawɛ bo bamejae mwembo; ibo ko bahɔniti bomo-meja. 19Yesu abala na bu bo, Elulu ye epɛndɔ! Mbi nadi boda na nu ekoka? Nadi bohɔnɔ no ekoka? Doani na mwana ai mbi. 20Oko boa badoa na mwana ai yo. Yana anɛ yo Yesu, mwembo mopea mwana na bopipo. Akwa gbu, asadumba mangbendele, na mapuli mamana a monɔkɔ monde. 21Yesu ahɔjɔ sange ’mwana bo, Adi boa ekoka? Iyo asɔmbeja bo, Oko adaka yo mwana mokɛkɛlɛkɛ; 22momodumbaka bihole binɛnɛ a mosa na a madiba bo momowoe. Wɛ ko, isa obwani bokɔ mokina mojɔ, ikea so wa; kɔmeja so. 23Yesu abala na nde bo, Isa obwani bokɔ! Isa moto ajimaka, ngando jisusu jibwani bokɔɔmɔ ai yo. 24Sange ’mwana abekoa bokpa bo, Mbi najimaka; bɔmeja mbi a mojɔ mokitɛ embi. 25Yana anɛ Yesu bo bato bambambaka, abala na mwembo mobe bo, Wɛ, mwembo moengomba na bohoka, imana ai yo; t’okwee oko a tei ende na ikina. 26Mwembo mogama, momodumba mangbendele, na momana ai yo boa. Mwana ko adika o mogo, na bato banɛnɛ babala bo, Agwi! 27Yesu ko amopea ebɔ, amongɔjɔ, na ama mema. 28Yana akwea bo koko a ndako, bacingami bamohɔjɔ bo, Iso bohɔniti bomomeja mojɔ moye? 29Iyo abala na bu bo, Tungu emina edi bomana oko a mojɔ mobo’nga pɛ.
Mojɔ moBogwa boYesu
30Badonga a esika emina, na lɔalena njea eGalile. Yesu ko aipala bo bato bajebe mojɔ momina. 31Mojɔ bo akojaka bacingami bande, na abala na bu bo, Mwana ’Moto adi bokwa a mɔmɔ mabato babe, na badi bomowa; iyo ko adi bongɔ na masu masato. 32Ibo ko baicingea ekenge emina, na baimohɔjɔ a mojɔ mobɔ.
Mosoo moBacingami
33Bamea a Kapalanauma, na yana adaka bo a ndako tei, Yesu abahɔjɔ bo, Mijɔ mibalanaki no a njea midaki bo? 34Ibo badaka oko bogɔ, cina bo bama bomana kitɛ a mojɔ mobosuku. 35Iyo adana mobondo, abea bacingatni domi-na-babae, na abala na bu bo, Isa okina apalaka bo adae boso, yɛ adae oko suka, na mokɔmɛli obasusu batongo. 36Atomba koko mwana mokɛkɛlɛkɛ, amodeja a ndanda ebu, amodinga na mɔmɔ mande, na abala na bu bo, 37Moto na moto yona osɔkɔ bopele okina mwana mokɛkɛlɛkɛ o boa, asɔkɔ mbi; na yona osɔkɔ mbi, asɔkɔ yona olomani, te mbi. 38Yoane abala na nde bo, Mokoja, iso bo’ni okina moto akamejae miembo mibe a kombe ewɛ, na bolemoi na nde, mojɔ bo atacingamaka na su. 39Yesu ko abasɔmbeja bo, T’omolembeni oko; mojɔ bo, moto akakɔ mondumba a kombe embi, ebaeli ende a mojɔ mombi etada nongo ebalabala. 40Yona oditi na su soki adi a dɔngɔ disu. 41Mbi natɔndɔko no na soti bo moto akapa no kɔpɔ emadiba mabomwa cina bo odini bato baMasiya, atataka bosɔ ndese ende. 42Moto ko akasakeja okina obana ba bakɛkɛlɛkɛ baya bajimeaka mbi, enɔi na bopele bo bakande litai linɛnɛnɛ a dɔli dinde bo bamodumbe a madiba. 43Okakɔ bobe cina eebɔ ewɛ, tɛndɔ ebɔ emina. Na bokwea a bomɔ na eyɛmɛ, na bokwea a Gehena na mɔmɔ mabae, oko a mosa mua modi na bosusu, enɔi na bopele bo moto akwee a bomɔ na eyɛmɛ. 44Okakɔ bobe cina eebota ewɛ, tɛndɔ ebota emina. 45Na bokwea a bomɔ na motɛngu, na bokwea a Gehena na bibota bibae, 46enɔi na lɔopele bo okwee a bomɔ oko na motɛngu. 47Okakɔ bobe cina ediso diwɛ, ihwa diso dimina. Na bokwea a Bokumu boNjambe na diso dimɔci, na bodumbama a Gehena na miso mabae, bokwea a Bokumu boNjambe na diso dimɔci lɔonɔi na bopele, 48mojɔ bo ngusu babu batagwa a Gehena, na mosa motadimea oho. 49Bahengaka masiko malitumbu na mukwa, na bahengaka moto na moto oko na mosa. 50Mukwa modi eka epele; mokabeha ko, modi bobɔngɔ koko na ye? Dani na mukwa a tei enu bɛnɛ, na dani na bowi, moto na mina ’nde moto.
Valið núna:
Malako 9: NTNG61
Áherslumerki
Deildu
Afrita
Want to have your highlights saved across all your devices? Sign up or sign in
Alliance Biblique de la R. D. Congo