Popular Bible Verses from KASAUKAN 6

Deildu

Ginio ra pansagulian boo TUHAN napasauk risilo am napaayan ra tana' ti. Nasindualan kaga' TUHAN.

Paat nakito ru TUHAN ra mapara' laat ru ulun ru tana' ti am pangkaraan nilo magail malaat.

Kaa' i Nuu mapabansuk ra guang ru TUHAN.

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno'

Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”

Paat ra ulun giminaai suang am liminayak minayan ra titikop ra tana' ti am anak ruandu' anakon, ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo. TUHAN pana mindagu boo, “Kalo polosoon Ku ulun maayag ra sabubuoi; ilo ulun mapandai matoi. Intor raino ti, umur nilo kalo masailan intor ra 120 ngambilor.” Paat ragili am niayuk kalupus paat ragili, makaulun mangaayo am mangapanggol. Papag ilo ru ralaa ru ulun ondo' natagandu' ra ulun ru tana' ti. Ulun-ulun raginio noyo tutumula' mapanggol ondo' nangauligan kaga' paat ra galing i.

Binaal ngaangai' ri Nuu ondo' nanusuban ri Aki Kapuuno' riso.

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

Pambaal noyo ra kapal intor ra tataun ondo' mokotog toojo; baali' ra lamin ralalom no am tapisi' ra tiir intor ralalom am liwar no.

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

Pagibit noyo ra sanginan tandaa' am puunan intor ra moonong susuit am bibiag ru lantur maa' raginio ilo kalo maluus.