Popular Bible Verses from Awˬ hkuiˉ puiˍ ve li‸ 3

Deildu

Yaˇ miˇ chi, iˉ shiˍ oˇ ve nyi sha leh caˇ mehˬ ngaw ngaw cawˬ ve hta‸ gʼa mawˬ ve teˇ yanˇ, yawˇ cuˇ yiˍ cawˬ ve kʼo hkʼaˬ ma da‸ jaˇ tuˬ ve hta‸ dawˇ mawˬ la ve yoˬ. Hkʼe te leh iˉ shiˍ oˇ ve hta‸ shaˉ yuˬ leh caˇ nyi ve yoˬ. Yawˇ ve awˬ hpawˇ hta‸ htawˇ caˍ piˇ leh, awˬ hpawˇ htawˇ caˇ ve yoˬ.

Vuiˬ teˇ ceuˬ lehˬ, Jawˇmawˇ Gʼuiˬsha hkʼa hpanˍ taˍ ve awˬ kaˍ awˬ nu to nuˇ to shaˆ teˇ hpaˍ a‸ kehˉ laˆ ve yoˬ. Yawˇ yaˇ miˇ geh laˬ leh, Hko hkʼaw lo cawˬ ve iˉ shiˍ teˇ hpaˍ hta‸ maˇ gʼa caˇ teh‸ Gʼuiˬsha kʼoˆ laˇ taˍ ve laˇ, teh‸ na nyi ve yoˬ.

Nawˬ leh yaˇ miˇ maˇ kʼoˆ, nawˬ ve awˬ yaˇ awˬ duˬ leh yaˇ miˇ ve awˬ yaˇ awˬ duˬ maˇ koˆ, hkʼaˬ htaˆ ka‸ canˇ paˍ hpeh‸ tuˬ yoˬ. Yawˇ lehˬ nawˬ ve oˉ kʼoˍ hta‸ dawˆ leh, nawˬ lehˬ yawˇ ve hkui mehˍ cu hta‸ htawˆ tuˬ yoˬ, teh‸ kʼoˆ piˇ ve yoˬ.

Yaˇ miˇ hta‸ htawˇ, Nawˬ yaˇ hu yaˇ paw htaˇ naˬ ve teˇ ceuˬ ngaˬ maˇ la piˇ lawˬ tuˬ yoˬ. Ya‸ hkʼaˇ htawˇ, nawˬ ve awˬ hpawˇ geh nawˬ zuh‸ gaˇ tuˬ sheˬ leh, yawˇ ve tawˇ hta‸ nawˬ na yuˬ tuˬ yoˬ, teh‸ kʼoˆ piˇ ve yoˬ.

Nawˬ miˬguiˬ hkʼaw lo kʼaw‸ kʼo‸-e htaˇ hkʼa gaˬ, awˍ gʼa caˇ tuˬ naˍ kʼaˍ pui hkʼoˆ lo kuiˍ maˇ maˇ tawˆ la tuˬ yoˬ. Awˬ lawn kʼo nawˬ hta‸ je‸ yuˬ te taˍ ve pa taw, je‸ lo nawˬ gʼa kʼaw‸ kʼo‸-e tuˬ yoˬ, teh‸ kʼoˆ piˇ ve yoˬ.

Hawˉ hkʼaˆ hta‸ htawˇ, Nawˬ lehˬ nawˬ miˇ ma hkawˇ na leh ngaˬ taˇ caˇ, teh‸ kʼoˆ piˇ taˍ ve iˉ shiˍ hta‸ caˇ ve pa taw, miˬguiˬ chi lehˬ nawˬ hta‸ pa taw hkeu ve hta‸ gʼa hkanˍ tuˬ yoˬ. Nawˬ a sha‸ te‸ chehˇ ve teˇ co-e gʼa caˇ gʼa dawˬ tuˬ awˬ pon kanˉ gʼaˇ hte‸ gʼa te tuˬ yoˬ.

Gʼuiˬsha yawˇ hta‸ kʼaw‸ na nyi leh kʼoˆ ve, Nawˬ awˬ kʼu nyi hpeh‸ peuˬ, teh‸ a shu kʼoˆ laˇ ve le. Ngaˬ taˇ caˇ, teh‸ kʼoˆ piˇ taˍ ve iˉ shiˍ hta‸ nawˬ caˇ leh laˇ, teh‸ yawˇ hta‸ kʼoˆ piˇ ve yoˬ.

Oˇ ve hkʼaw‸ nawˉ, Eˍdenˍ hko mvuhˇ nyi tawˆ hpawˇ lo, Gʼuiˬsha lehˬ aˉhtaw pfuhˇ taˍ ve Hkeˍruˆbenˍ hta‸ chehˇ tcuh leh, a sha‸ te‸ piˇ lawˬ ve suhˆ cehˬ lo kʼai ve ya‸ kʼaw hta‸ shaw tcuh taˍ ve yoˬ.

Aˍdanˍ leh, yawˇ ve aw miˇ ma hta‸ Eˇva‸ teh‸ meh piˇ ve yoˬ. Awˬ lawn kʼo, yawˇ lehˬ chaw hkʼa peu-eˬ ve awˬ e hpeh‸ ve pa taw yoˬ.