Popular Bible Verses from Jâŋ 5

Deildu

«Mɨ tanaɓa nyí àmɨɨr wááŋ á: nò jəŋ kìn moò, ɨ́ ə́ə̀mɓwê nò ya tómwo mé, á ɓe mè mɨ̀cɨ̧̀. Kùb tɨ̀ bɨ ŋgə́ ŋgwìncɨ̀r, ɓetí ŋgə́ mbɨ́kcií nɨ́ jɨ̀r tɨ ɓa ŋgə́ gènɨ cwéé, ŋgə́ á cɨ̀ nɨ ju mèè no.

Hȩ Yésù pə́ ŋgə́ gwínkɨ́nɨ, ŋgə́ ɨ́ ɗə̀ə̀ŋcè ɨnayâna ŋgə́ yi ɗòŋ yáblɨ́ŋnɨ á rèé, ŋgə́ ɨ́ fɔ̂ ŋgə́ ɨnè: «Wu ɗúú yáb woò cɔ̧́tɨ à?»

Nyí á mánɨ ɗə̀ə̀ŋnyààŋnɨ nɨ́ɨ́b du tɨín káàtà Mèèín noò, ɓetí nyí ɗəəŋtɨ́ kí ɨ́ du nànɨ mè mɨ̀cɨ̧̀ ru. Àà! Káàtààb Mèèín kɨ́ ɨ́ du nyìnnɨ àm mo sóò ru. Ɨ́dù mɨ nò fɨ́tɨ nyí nànɨ mè àmɨrìí, nyí mvúú mɨ ə́ə̀mnɨ.

Á Yésù tana ŋgə́ ɨnè: «Éíwúum còóm, ɓoŋ pààm woò, gɨm gùr.» Ɓè mu̧u̧, nɨ̀ŋgwá rè ɨ́ wáŋnè, ŋgə́ ɨ́ ɓòŋ pààm noò, ŋgə́ ɨ́ ə́llê gùrí. Ɨ́dù hȩ nɨ́m kɨ́ ya ndɨŋ nɨ́ ye Sàbáà rèé

Yésù ɨ́ gàm nyindí, ŋgə́ ɨ́ tànà kɨ̀jííb Jwîf bɨ ɨnè: «Mɨ tanaɓa nyí àmɨɨr wááŋ á: mwin nɨ ndɨ̀ŋnɨ nɨ́m kù ɓe nyòm ŋgə́ nɨ̀mɨrí ɗàà; ŋgə́ ndɨŋháce nɨ́ nɨ́m ŋgə́ pə́ Tá ndɨ̀ŋniì á. Nɨ́m Tá ndɨŋndé lâs, mwin á ndɨ̀ŋɓwênɨ.