Popular Bible Verses from Jǎan 16

Deildu

Un ɖɔ nǔ énɛ́ lɛ́ɛ nú mi, bónú mi ná ɖó vivo ɖo nyɛ mɛ. Mi ná mɔ wǔvɛ́ ɖo gbɛ ɔ́ mɛ; lo ɔ́, mi kpan akɔ́n, ɖó un ko ɖu ɖo gbɛ ɔ́ jí.”

Hwenu e Yɛ e nɔ ɖe nǔgbó Mawu tɔn xlɛ́ ɔ́ ná wá ɔ́, é ná bló, bɔ mi ná tunwun nǔgbó ɔ́ bǐ; ɖó acɛ é ɖésúnɔ tɔn mɛ wɛ é ná ɖɔ xó dó ǎ; lo ɔ́, nǔ e é se ɔ́ wɛ é ná ɖɔ, bó ná ɖɔ nǔ e ɖo na jɛ wɛ lɛ́ɛ nú mi.

Amɔ̌, káká wá jɛ din ɔ́, mi ko byɔ́ nǔ ɖěbǔ ɖo nyǐkɔ ce mɛ ǎ; mi byɔ́, bó ná mɔ yí, bónú awǎjijɛ mitɔn ɔ́, nǔ bǐ na vɔ ɖ'é wú.”

có nǔgbó ɖɔ nú mi wɛ un ɖe: yiyi ce ná ɖó le nú mi hú; ɖó ényí un ma yi ǎ ɔ́, gbɔdónúmɛtɔ́ ɔ́ ná wá mi gɔ́n ǎ. Un ka yi ɔ́, un ná sɛ́ ɛ dó mi. Nú é ko wá ɔ́, é ná ɖe xlɛ́ gbɛtɔ́ lɛ́ɛ ɖɔ linlin e yě ɖó dó hwɛhuhu wú, bó ɖó dó jlǒ Mawu tɔn kpódó hwɛɖiɖɔ kpán wú ɔ́ kún sɔgbe ó.

Mɔ̌ ɖokpó ɔ́, mi lɔmɔ̌ ɖo aluwɛ mɛ din; lo ɔ́, un ná lɛ́ wá mɔ mi, bɔ mi ná mɔ awǎjijɛ, bɔ mɛ ɖěbǔ sɔ́ ná sixú ɖe awǎjijɛ énɛ́ sín ayi mitɔn mɛ ǎ. “Azǎn énɛ́ gbe ɔ́, mi sɔ́ ná kan nǔ ɖěbǔ byɔ́ mì ǎ. Má ɖɔ nǔgbó nú mi: nǔ e mi ná byɔ́ Tɔ́ ɔ́, é ná ná bǐ mi ɖó nyǐkɔ ce mɛ.

Má ɖɔ nǔgbó nú mi: mi ná nɔ́ ɖo avǐ ya wɛ, bó ná nɔ́ ɖo alě ná wɛ, bɔ mɛ e nyí gbɛmɛ fí tɔn lɛ́ɛ ka ná nɔ́ ɖo awǎ jɛ wɛ. Mi ná nɔ aluwɛ mɛ, lo ɔ́, aluwɛ mitɔn ná wá húzú awǎjijɛ nú mi.