Popular Bible Verses from Jǎan 14

Deildu

“Fífá wɛ un jó dó nú mi; fífá ce wɛ un ná mi. Un ná mi lě e gbɛ ɔ́ nɔ ná mɛ gbɔn ɔ́ ǎ; ado ma hu mi ó; xɛsi ma ɖi mi ó.

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Jezu ɖɔ nú ahwanvú tɔn lɛ́ɛ ɖɔ: “Mi ma nú ayi mitɔn gbadó ó. Mi ɖi nǔ nú Mawu, bó ɖi nǔ nú nyɛ lɔmɔ̌.

Lo ɔ́, mɛ e ná d'alɔ mi ɔ́, Yɛsinsɛn e Tɔ́ ɔ́ ná sɛ́ dó mi ɖo nyǐkɔ ce mɛ é wɛ; é ná kplɔ́n nǔ bǐ mi, bó ná flín nǔ e un ɖɔ nú mi lɛ́ɛ bǐ mi.

“Mɛ e hɛn sɛ́n ce lɛ́ɛ ayi mɛ, bó nɔ́ nyi yě lɛ́ɛ ɔ́, mɛ énɛ́ wɛ yí wǎn nú mì. Tɔ́ ce ná yí wǎn nú mɛ e yí wǎn nú mì ɔ́, bɔ nyɛ lɔ ná yí wǎn n'i, bó ná ɖe nyɛɖée xlɛ́ ɛ.”

Nyɛ ka ná sa vo nú Tɔ́ ɔ́, bɔ é ná sɛ́ gbɔdónúmɛtɔ́ ɖěvo dó mi, bɔ é ná nɔ kpɔ́ xá mi tɛgbɛ. Éyɛ́ wɛ nyí Yɛ nǔgbónɔ, bɔ mɛ e nyí gbɛ ɔ́ tɔn lɛ́ɛ sixú yí i ǎ; ɖó yě sixú mɔ ɛ ǎ; yě ká lɛ́ sixú tunwun i ǎ. Midɛɛ lɛ́ɛ ɔ́, mi ka ko tunwun i, ɖó é ɖo kpɔ́ xá mi, bó ɖo mi mɛ.

Bɔ nǔ e mi na byɔ́ gbɔn nyǐkɔ ce mɛ ɔ́, un ná ná bǐ mi, bónú Tɔ́ ɔ́ ná sixú xɔ susu gbɔn Vǐ ɔ́ jí. Ényí mi ylɔ́ nyǐkɔ ce, bó byɔ́ nǔ ɖěbǔ ɔ́, un ná bló nú mi.”

“Nú mi yí wǎn nú mì ɔ́, mi ná nyi sɛ́n ce lɛ́ɛ.

Nɔtɛn gěgé wɛ ɖo Tɔ́ ce xwé bɔ un ná yi bló tɛnmɛ ɖó ɖ'ayǐ nú mi; ényí nǔ ma nyí mɔ̌ ǎ ɔ́, un ná ɖɔ nú mi ǎ.

Nú un ko yi bló nɔtɛn ɖó ɖ'ayǐ nú mi vɔ ɔ́, un ná lɛ́ kɔ wá kplá mi, bɔ fí e un ɖe ɔ́, mi lɔmɔ̌ ná nɔ fínɛ́.

Tɔmáa ka ɖɔ: “Aklúnɔ, mǐ tunwun fí e a xwe ɔ́ ǎ, nɛ̌ mǐ ka sixú tunwun ali ɔ́ gbɔn?”