Popular Bible Verses from Yow 5

Deildu

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Yesu bu kamumono waneŋene, na bu kayaabiri ti mwaasa ntaangu yalaka, waleele kuri nde ti: «Buri ye tiiri kutsiinika?»

Beenu lukwefyongokono Matina, bukuri beenu lutsima kubaka kidziingu kyahele manunu mu mo; mo ngo mari mu kuta kimbaangi mu ntoono me; na beenu lwahele kutya kwiisa kuri me, mpisi heki lubaka kidziingu.»

Yesu wamuleele ti: «Teleme, holo nkwaala yaaku na yende.» Hanaho, muutu wunde watsiinika, waholo nkwaala yaandi na wayende. Kiluumbu kikyo kyaba kiluumbu kya mpuumunu.

Yesu wabvutula kuri bo, waleele ti: «Ngwanwa mu ngwanwa, me nyiluleele ti, Mwaana kari nsiila kisalu mu nde-meene ko, mbuti ka mi kamono Taayi nyirikulu ko; bukuri mimyo mi yirikaa Taayi, Mwaana se mini myo kayirikaa.