Popular Bible Verses from San Juan 15

Deildu

Che catu pe parral ja peê jâcâ cuera. Upe opyta jâtâva Che pype apyta guive Che ipype, upéva catu jeta jiá. Che ŷ reje voí peê ndicatui peyapo mbaeve.

Pepytá peê Che pype, ja tapyta Che pende pype. Pe jâcâ icatu ŷ jaicha jiá oyejegui voínte, opyta ŷ ramo oyueje pe parral reje, upeicha avei peê ndicatui, pepyta ŷ ramo oyueje Che pype.

Pepyta ramo peê Che pype ja Che ñeê opyta ramo pende pype opa peê peipota jaichagua peyerurente ja oyeyapone peême jecope.

Ndajaei rae peê Che poravó vaecue Cheve, Che catu poiporavó vaecue peême, ja pomoingo vaecue peême pejo jaguâ ja pendeá jaguâ pendeá opyta pôrâ vaerâ, icatu jaguâ opa peê peyerure jaichagua pe Túvape Che rérape Jae omeê peême.

Ndipori ojayju tuvichavéva upevagui omeêva oguecove jayjúpára cuera rejejápe.

Oime ramo jâcâ Che rejeguáva jiá ŷ va guive Jae oipea ichupe, ja umi jâcâ jiá pôrâva guive Jae omopôtí jiá pôrâvé jaguâ.

Cova catu Che rembiapoucapŷ peê peyojayju jaguâ Che pojayjú jaicha peême.

Coicha voi oñembo tuvicha vaerâ Che Ru, peêcuera jeta ramo pendeá, ja peico ramo Che remimboe cuera ramo.

Che catu pe parral pe jaetéva voí, ja Che Ru, Jae catu pe iñangarecojára.

Oime ramo opyta ŷ va Che pype, upéva catu jâcângueicha oñemombo vaerâ ja ipirú vaerâ: umichagua oñemonoô vaerâ ja oyeity vaerâ tatape oyejapy jaguâ.

Co âmbae Che jae vaecue peême yayoguerojorŷ jaguâ Che ja peê, ja tuvichaite jaguâ pebyá peê icatu jaicha.

Pembuaye ramo Che rembiapoucapy, pepyta jâtâne Che rembiaŷjúpe, Che avei ambuaye jaicha Che Rú rembiapoucapy ja apyta jaicha Che jembiaŷjúpe.

Cóva catu Che ayapoucáva peême peyojayju jaguâ oñondive.

Peêcuera ybypóra rei reco rejeguáva ramo, mo pende rayju umi ybypóra oyejegui guaichante, ja umi ybypóra rei reco rejeguáva ŷ járeje peê, ja Che poiporavó jague reje peême umi ybypóra apytegui, upévareje catu umi ybypóra pene ñamotareŷ.