Popular Bible Verses from SAN MATEO 22

Deildu

Li' nguxacui̱ Jesús cha' ji'i̱ yu bi': ―“Ntsu'u cha' tyucui tyiquee ma̱ tyu'u cha' ji'i̱ ma̱ lo'o ycui' Ndyosi; nu lo'o lubii ti cresiya ji'i̱ ma̱, jua'a̱ lo'o lcaa cha' nu nda'ya hique ma̱, tyu'u cha' ji'i̱ ma̱ lo'o Ni”. Bi' laca cha' nu tlyu la, nu ndulo la ji'na cha' cua'ni na. Lo'o jua'a̱ ntsu'u chaca cha' tlyu: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”.

Su̱u̱ lcaa cha' nu nguscua jyo'o Moisés cuentya ji'i̱ ycui' Ndyosi laca tyucuaa cha' bi', lo'o jua'a̱ su̱u̱ lcaa cha' nu nchcui' ngu' nu ngua tu'ba ji'i̱ ycui' Ndyosi nu ngua sa'ni laca cha' bi'.

Lo'o ycui' Ndyosi ni, ndacane Ni ji'i̱ quiña'a̱ tsa ñati̱ cha' cua'a̱ jyaca̱ ngu' ji'i̱ lcaa cha' nu nchcui' Ni, pana cua laca ti ñati̱ nu nsubi Ni ji'i̱ cha' caca ngu' ñati̱ ji'i̱ Ni.

Nu lo'o tyu'ú lcaa jyo'o chaca quiya', nga'aa ntsu'u cha' caja clyo'o ngu' ca bi'; tyi'i̱ ngu' li' ñi'ya̱ ndi'i̱ xca̱ ji'i̱ ycui' Ndyosi ca slo Ni.

Culu'u ma̱ sca cñi 'na, la cui' tya'a cñi plata nu nda na ji'i̱ ngu' nu nxñi cñi cña loo na. Li' ñaa lo'o ngu' ji'i̱ sca cñi plata bi' slo Jesús. ―¿Tilaca nu ca ji'i̱ lcui̱ nga'a̱ chu̱' cñi re? ―nacui̱ Jesús ji'i̱ ngu' bi'―. ¿Ti ji'i̱ laca xtañi nu nscua re? ―nacui̱. ―Xtañi rey tlyu nu ndi'i̱ xa' tsu', bi' nga'a̱ chu̱' cñi cua ―nacui̱ ngu' li'. ―Tso'o ―nacui̱ Jesús li'―, ji'i̱ rey tlyu bi' tya ma̱ cñi cña loo nu nga'a̱ cha' ta ma̱ ji'i̱ lacua, lo'o jua'a̱ ji'i̱ ycui' Ndyosi tya ma̱ lcaa na nu ntsu'u cha' tya ma̱ ji'i̱ Ni.