Popular Bible Verses from SAN MATEO 16

Deildu

Li' ngulu'u la Jesús ji'i̱ nu ngu' nu ndyaca tsa'a̱ ji'i̱ bi': ―Si ntsu'u ñati̱ nu chañi cha' nti' ngu' tsaa ngu' lo'o na' ―nacui̱―, nga'a̱ cha' xtyanu ngu' bi' ji'i̱ lcaa cha' nu ntsu'u tsa tyiquee ngu' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' xqui'ya na'.

Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi.

Ta na' lcaa chacuayá' jna' jinu'u̱, cha' taca tyatí̱ ñati̱ 'na ca su laca ycui' Ndyosi loo. Nu lo'o ná cua'ni clyu ti' nu'u̱ ji'i̱ ñati̱ xqui'ya sca cha' cuxi nu ndyu'ni ñati̱ bi', la cui' jua'a̱ ná cua'ni clyu ti' ycui' Ndyosi Sti na' ji'i̱ ñati̱ bi' nde loo la; pana lo'o cua'ni clyu ti' nu'u̱ ji'i̱ ñati̱, la cui' jua'a̱ cua'ni clyu ti' Ni ji'i̱ ñati̱ bi'.

Chcuna' chalyuu ji'i̱ ñati̱ nu xcui' nclyacua tsa ti' ñi'ya̱ caca tso'o ji'i̱ ycui' ca; pana quije chalyuu ji'i̱ ngu' ca slo ycui' Ni si tyaja'a̱ ngu', masi cujuii ñati̱ ji'i̱ ngu' xqui'ya na'.

Ná tyanu cha' tso'o ji'i̱ ngu' nu lo'o cajaa ngu', masi ngua'ni tsa ngu' ngana nde chalyuu; nguna' lcaa chalyuu ji'i̱ ngu' bi' li', cha' ná taca ta ngu' caya' cha' caja la chalyuu ji'i̱ ngu'.

Li' nchcui' Jesús lo'o ngu' bi': ―Lo'o cu'ma̱ ni, ¿tilaca laca na' nti' ma̱? Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

―Tso'o ntsu'u tyiquee nu'u̱ Simón, sñi' Jonás ―nacui̱ Jesús ji'i̱ li'―. Si'i ñati̱ chalyuu ti nu ngulu'u cha' bi' jinu'u̱; pana ycui' Ndyosi Sti na' nu ntucua nde cua̱, nda Ni cha' bi' nu ngua'ya hique nu'u̱.