Popular Bible Verses from Mateu 4

Deildu

Miꞌi hawyi Iesui tiwesat. Mio tã e -Katupono miwan me wyti mio tã e -Taꞌi yt miꞌu kaipyi miitꞌin tukupteꞌen maꞌato Tupana ehay nug hap kaipyi yn tukupteꞌen kuap miitꞌin e. Tupana saꞌawyꞌi miwan me Teturonamia 8.3 pe.

Maꞌato Iesui tiwesat -Mutoro meiũpe pyi pya uiꞌyatypepyi e katupono saꞌawyꞌi wuat miwan me toꞌe -Etimotypot ro ekaꞌiwat e Tupana sese yn e. Waku miꞌi yn wateropat e Teturonamia 6.13 miwan me.

Maꞌato Iesui tiwesat -Pywo maꞌato wẽtup miwan me toꞌe wy -Yt ehãꞌãg neiꞌo kaꞌiwat Tupana e Teturonamia 6.16 pe.

Miꞌi hawyi Tupana Paꞌãu tioto Iesui yahig wato kape aikope yt uwe i ieineꞌen hap kape. Itote ahiag hãꞌãg kahato. Itote Iesui toineꞌen 40 eꞌat 40 ewãtym yt kat i hin i tutuꞌu.

Miꞌi hawyi Iesui iwẽpapꞌi iꞌatuewowi -Uiwyriaꞌin e toꞌiro uhupi e. Ahenoi mono miitꞌin pytyk Tupana watnuat hap ehepe e. Miꞌi hawyi taꞌatuꞌatoiat raꞌyn taꞌatuesuki wato itote hawyi meremo tuwat Iesui upi.

Itote ti Iesui haꞌawynug naꞌyn miitꞌin muꞌe hap. -Eweiwemorem no Tupana kape katupono yt pya hin i Tupana topyhuꞌat Miitꞌin Porekuatno sese hap e.